SHINGRAN 15:4 - Jinghpaw Hanson Version Bible

⁴ Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.

Jinghpaw Common Language Bible 2009

⁴ Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

SHINGRAN 15:4 ပူးပေါင်းရင်းမြစ်များ

SHAKAWN KUNGDAWN 105:7

Shi Yehowa gaw anhte a Karai Kasang rai nga ai: Ga ting hta e shi a tara dara ai ga, pru nga ai.

SHAKAWN KUNGDAWN 111:9

Shi gaw shi a amyu hta hkye hkrang la ai lam shangun dat wu ai; Shi a ga shaka htani htana e dinggrin rai nga ai; Shi a amying chyoi pra ai hte hkrithpa rai nga ai.

SHAKAWN KUNGDAWN 22:23

Yehowa hpe hkrit hkungga ai ni e, shi hpe shakawn kungdawn mu, Yaku a aru arat nlang hte e, shi hpe shagrau sha-a mu: Israela kashu kasha nlang hte e, shi a man e agam nga mu.

SHAKAWN KUNGDAWN 22:27

Ga ting na yawng mayawng hte gaw Yehowa hpe dum nna, shi hpang de kayin na mara ai. Masha amyu baw nlang hte gaw, na a man e nawku na mara ai.

SHAKAWN KUNGDAWN 22:3

Nang chyawm gaw chyoi pra nga ndai rai nna, Israela a shakawn ai ga hta adung nga ndai.

SHAKAWN KUNGDAWN 86:9

Madu e, nang hpan tawn da ai amyu nlang hte gaw, Na a man e shang nna nawku na mara ai: Na a amying hpe mung, shagrau na mara ai.

SHAKAWN KUNGDAWN 89:7

Shi gaw, chyoi pra ai ni a shawa hpawng hta e, Makrim hpa rai nga ai rai nna, Shi a grup yin e nga ai nlang hte hta, Hkrithpa Karai Wa rai nga ai.

SHAKAWN KUNGDAWN 97:8

Yehowa e, na a tara ai lam majaw, Ziun na nna kabu nga ai; Yuda a shayi sha ni mung, kabu jahtau nga ma ai.

SHAKAWN KUNGDAWN 99:5

Anhte a Karai Kasang Yehowa hpe shagrau mu, Shi lagaw mara ai lahkum makau e nawku mu: Shi gaw chyoi pra nga ai.

SHAKAWN KUNGDAWN 99:9

Anhte a Karai Kasang Yehowa hpe shagrau mu, Shi a chyoi pra ai bum hta e nawku mu: Anhte a Karai Kasang Yehowa gaw chyoi pra nga ai law.

ESAIA 24:15

Dai re ai majaw, jan pru maga de na ni, Yehowa hpe, nammukdara zunlawng ni, Israela Karai Kasang Yehowa amying nsang hpe, shagrau sha-a mu.

ESAIA 25:3

Dai re ai majaw n-gun ja ai amyu gaw nang hpe shagrau sha-a na ra ai; gumshem ai amyu ni a mare gaw nang hpe hkrit kamyin na ra ai.

ESAIA 26:9

shana e mung nye a myit masin nang hpe ala nga ai; gaja wa, nye a kraw lawang na wenyi hte, ngai nang hpe jau jau e tam na nngai: kaning rai nme law, ga ntsa e nang tara dara nga yang, mungkan ga na ni gaw dinghpring ai lam sharin la ma ai.

ESAIA 45:23

Lahput shagu nye a man e hput di nna, shinglet shagu ngai hta hpa let dagam nga na gaw, nye hkum hpe ngai dagam da ai hte, ndai dinghpring ai ga gaw nye n-gup na pru wa sai rai nna, nhtang wa lu na n rai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

ESAIA 6:3

Langai wa mi langai wa hpe, “Zaw nawng zaw wa up ai Yehowa gaw, chyoi pra, chyoi pra, chyoi pra, rai nga ai; ginding aga ting shi a hpung shingkang hte hpring nga ai law,” nga nna tsun jahtau ma ai.

ESAIA 60:5

shaloi nang mu mada yang, nang htoi kabrim na rin dai; na a myit masin gaw kabu gara ai hte, kaba wa na ra ai; kaning rai nme law, nammukdara a sutgan gaw, nang hpang de kayin wa nna, maigan amyu ni a arung arai nang hpang de du na ra ai.

YEREMIA 10:7

Amyu baw ni a hkawhkam wa e, nang hpe hkrit hkungga mai ai rai nna, nang hpe n hkrit hkungga na kadai wa rai ta? amyu baw ni a hpaji rawng ai ni mahkra hta mung, shanhte a daru magam rawng ai ni mahkra hta mung, nang hte bung ai wa n nga ai.

YEREMIA 16:19

Nye a n-gun atsam, nye a hpyen dap, ru tsang ai shani e nye a shingbyi shara Yehowa e, lamu ga htum ai de na masha amyu ni nang hpang de du nna, Anhte a ji wa ni gaw, masu ai hte kaman lila, lam n la ai sali wunli hkrai hkam la masai, nga nna tsun na mara ai.

YEREMIA 5:22

Nanhte ngai hpe n hkrit hkungga myit ni? Nammukdara hka leng ni n lai lu hkra, zaibru hpe jarit shatai na, htani htana mungga tawn da ai, nye man e wa, n hkrit gari nga myit ni? dai hka leng ni hta wa timung, dang lu ai n rai; wu kadu timung, lai lu ai n rai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

HABAKU 1:12

Nye a Karai Kasang Yehowa e, nang gaw moi chyaloi nhkoi kaw nna, nye a Chyoi pra ai Wa rai nga ndai, n rai ni? anhte gaw si na ga ai, n rai. Yehowa e, dawdan na matu nang shi hpe san da nu ai; Lunghkrung e, anhte hpe sharin achyin ya na matu nang shi hpe tawn da nu ai.

ZEHKARIA 14:16

Ya, Yerusalem mare hpe gasat sa wa ai masha amyu ni hta na, naw ngam nga ai ni langai hte langai, Zaw nawng zaw wa up ai Yehowa ngu ai, Hkawhkam wa hpe nawku na matu mung, dai sum poi hta lawm na matu mung, laning hte laning lung wa na mara ai.

ZEHKARIA 2:11

“Dai shani e, maigan amyu ni law law wa, Yehowa hte matut manoi nna, nye a amyu tai na mara ai: ngai gaw na a ka-ang e shanu nga nna, Zaw nawng zaw wa up ai Yehowa gaw, ngai hpe nang hpang de shangun dat ai, nang chye lu na ndai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

ROMA 15:9

Karai Kasang a tengman ai lam a matu mara, Hkristu gaw matu gadoi hkam ai ni a ali ama tai wa sai. Shing rai, “Dai re ai majaw maigan amyu ni hta ngai nang hpe shakawn na nngai, Na amying nsang hpe mahkawn mangoi na nngai,” nga nna ka da ai hte maren rai nga ai.

1 PETRU 1:16

kaning rai nme law, Ngai chyoi pra nga nngai majaw, nanhte mung chyoi pra nga myit ga, nga nna ka da nu ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 14:7

shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.

SHINGRAN 16:5

Shaloi hka sin ai lamu kasa gaw, “Ya aprat e, moi na aprat e, dinggrin anga nga ai Chyoi pra ai wa e, ning rai jeyang nga ndai majaw, nang gaw dinghpring nga ndai law;

SHINGRAN 16:7

Bai, dai tawn hkungri na mung, “Rai sa, Chyahtum chyalai n-gun rawng ai Madu Karai Kasang e, na a jeyang ai lam ni gaw tengman ai hte dinghpring nga lit dai law,” nga nna tsun ai, ngai na nngai.

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.

SHINGRAN 19:8

hpraw tu ai hte san seng ai lachyit nba hte tinang hkum hpe mawm sumli na ahkang shi lu la nu ai: shing re ai lachyit nba gaw chyoi pra ai ni a dinghpring ai a amu bungli rai nga ai law,” nga nna tsun ai gaw ngai na nngai.

SHINGRAN 3:7

Bai, Hpiladehpi mare na Hpung a kasa hpe ning ngu ka dat u: Chyoi pra ai wa, tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa, ning nga nga ai:

SHINGRAN 4:8

Dai dusat amyu mali gaw singkaw kru hpra hpra tu nna, hkum grup e mung, kata e mung, myi hkrai pri rai nga ai: shanhte gaw shani shana n sim n na, ning nga, Moi na aprat e, ya na aprat e, htawm hpang na aprat e dinggrin anga nga ai, Chyahtum chyalai n-gun rawng ai Madu Karai Kasang gaw, chyoi pra, chyoi pra, chyoi pra a rai nga ai law, nga nna tsun nga ma ai.

SHINGRAN 6:10

Shanhte gaw, Chyoi pra ai hte tengman ai Madu e, dinghta ga e nga ai ni a ntsa e anhte a asai matai htang na, nang gaten du hkra tara n dara ai nga nga na n ta? nga nna nsen kaba hte a jahtau nga ma ai.

1 SAMUELA 2:2

Yehowa zawn chyoi pra ai kadai n nga ai; Nang hta kaga Karai shaje n nga ai, Anhte Karai Kasang zawn, lunghkrung shaje n nga ai.