SHINGRAN 14:7 - Jinghpaw Hanson Version Bible

⁷ shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.

Jinghpaw Common Language Bible 2009

⁷ Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.

SHINGRAN 14:7 ပူးပေါင်းရင်းမြစ်များ

NINGPAWT NINGHPANG 22:12

“lamu kasa gaw, Na a lata dai ma e hkum hkra et, hpa mung hkum di et; na a shadang sha shingtai hpe ngai e jaw na nang n shim da ndai majaw nang Karai Kasang hpe hkrit hkungga ndai gaw, ya ngai chye sade ai,” ngu wu ai.

NEHEMIA 9:6

Nang nan Yehowa rai nga ndai; nang gaw sumsing lamu hte sumsing lamu ni a sumsing lamu hte de a zaw nawng zaw wa ni hpe mung, ginding aga hte dai hta nga manga hpe mung, nammukdara hte dai hta rawng marawng hpe mung, hpan tawn da nna, mahkra hpe bau sin nga ndai: sumsing lamu a zaw nawng zaw wa ni gaw nang hpe nawku nga ma ai.

SHAKAWN KUNGDAWN 115:15

Lamu hte aga hpe hpan da ai Yehowa gaw, Nanhte hpe shaman ya myit ga.

SHAKAWN KUNGDAWN 124:8

Lamu hte aga hpe hpan tawn da ai Yehowa a amying hta e, Anhte hpe karum ai lam anga nga ai.

SHAKAWN KUNGDAWN 33:6

Yehowa a mungga hte sumsing lamu tai nga nna, Shi a n-gup na nsoi nsa hte, de a zaw nawng zaw wa byin nga ai.

SHAKAWN KUNGDAWN 36:1

Yubak gaw tara n lang ai wa hpe, “Nye a kraw lawang hta, Yehowa a man e, Hpa hkrit hkungga shara n nga ai,” ngu wu ai.

SHAKAWN KUNGDAWN 89:7

Shi gaw, chyoi pra ai ni a shawa hpawng hta e, Makrim hpa rai nga ai rai nna, Shi a grup yin e nga ai nlang hte hta, Hkrithpa Karai Wa rai nga ai.

SHAKAWN KUNGDAWN 95:5

Nammukdara hpe shi galaw nna up nga ai, Shi a lata gaw hkarang hpe mung hpajang da nu ai.

PRU MAT 20:11

kaning rai nme law, Yehowa gaw kru ya laman e, sumsing lamu hte ginding aga, nammukdara hte nga yawng nga pra hpe hpan hpajang da nna, sanit ya ngu ai nhtoi hta ban sa nga wu ai: dai re ai majaw Yehowa gaw dai sanit ya nhtoi hpe shaman nna shachyoi shapra da nu ai.

ESAIA 40:3

Marai langai mi a jahtau ai nsen gaw: “Nam mali e Yehowa a matu lam lajang da mu; zaibru jang e anhte a Karai Kasang a matu, nmaw lam shading mu:

ESAIA 40:6

Marai langai mi a nsen gaw, “Jahtau u,” nga nna tsun yang, ngai mahtang, “Hpa jahtau na rai ta?” ngu nna san nngai. Ahkrang ashan yawng tsingdu hkrai rai nga ai; de a tsawm htap ai yawng pa ga na nampan hte bung nga ai:

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 42:12

Shanhte gaw Yehowa hpe shagrau nna, zunlawng ni hta shi a arawng sadang hpe kajai mu ga.

ESAIA 44:23

Yehowa dai amu galaw ai majaw, sumsing lamu ni e, mahkawn mangoi nga mu; lawu tsang na gingding aga e, marawn jahtau mu: bum ni e, maling hte dai hta tu ai hpun yawng hte e, mahkawn mangoi nga mu: kaning rai nme law, Yehowa gaw Yaku hpe mawai la nna, Israela hta e tinang hkum hpe shagrau sha-a na ru ai.

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.

EZEKELA 7:6

Htum mat ai du ra ai, dai htum mat ai du ra ai; nang hpe la let du ra ai; yu u, dai gaw du ra ai.

Daniela 8:19

Shaloi shi gaw, “Yu u, pawt sindawng ai jahtum aten e byin na ra ai lam, ngai nang hpe chye shangun de ga: dai gaw madat da ai, hpang jahtum na aten hte seng nga ai.

HOSEA 8:1

Pahtau dum u; hpyen wa gaw langda zawn Yehowa nta de du ra ai: kaning rai nme law, shanhte gaw nye a ga shaka hpe lai kau nna, nye a tara hpe tawt lai kau manu ai.

MALAHKI 2:2

Nye a amying hpe shagrau shatsaw na matu, nanhte n madat nna, n matsing hkraw myit yang gaw, ngai nanhte a ntsa de dagam dala tsin-yam dat dat nna, nanhte hpe shaman ai a malai dingnye shabyin na nngai: gaja wa, shanhte n matsing hkraw ai majaw, ya e pyi shabyin ni ai, nga nna Zaw nawng zaw wa up ai Yehowa tsun ai.

MAHTE 25:13

Dai rai na, dai shani rai timung, dai ahkying rai timung, nanhte n chye myit dai majaw, a maja nga mu.

LUKA 17:18

Ndai tsasam masha hta kaga, Karai Kasang hpe shagrau sha-a na, bai nhtang sa ai langai mi muk n nga a ni?” nga nna san nhtawm,

KASA 14:15

“Hkau hte e, hpa rai dai galaw wa myit ta? An mung nanhte hte maren shinggyim masha yan sha rai ga ai; ndai kaman lila amu kau da nna, sumsing lamu hte ginding aga, nammukdara hte dai hta rawng ai nga manga hpe hpan tawn da ai, ahkrung nga ai Karai Kasang hpang de kayin wa myit ga, ngu nna she nanhte hpe kabu gara shiga hkaw dan ai rai nga ai.

YAWSHU 7:19

Shaloi Yawshu gaw Ahkan hpe, “Ngai sha e, Israela Karai Kasang Yehowa hpe shagrau nna shi a man e tawngban u: nang galaw kau ai amu ngai e tsun dan e; hkum ip tawn da et, ngu wu ai.

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.

SHINGRAN 15:4

Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.

SHINGRAN 16:9

Dai rai nna masha ni gaw kahtet kang la ai hte jahkat kau ai hkrum nna, ndai ari zinli ni hpe up byeng ai Karai Kasang a amying nsang hpe matsa shatan ma ai; dai hte wa hkrum ma timung, shi a hpung shingkang shagrau na gaw, shanhte myit malai n lu ma ai.

SHINGRAN 18:10

“Galu kaba ai mare, atsam rawng ai mare, Babelon e, dingnye lu n hka, dingnye lu n hka! ahkying mi hta sha nang hpe dawdan ai lam du sahka gaw!” nga nna shi a majaw hkrap ngu hkrap ngoi ai hte sharung shayawt let tsun na mara ai.

SHINGRAN 18:17

Sanghpaw li agyi ni yawng, sanghpaw li hta ga hkawm ga sa ai ni yawng, sanghpaw li ma ni hte nammukdara a majaw asak bau lu ai ni yawng hte gaw, tsan tsan e tsap nga nna dai mare hkru ai wan hkut hpe yu let,

SHINGRAN 18:19

Shanhte gaw tinang a baw hta dap hte bun nna, “Dai galu kba ai mare gaw dingnye lu a hka, dingnye lu a hka! nammukdara hta sanghpaw li shayawng lu ai ni yawng hte gaw, dai mare a sutgan kaba ai a majaw sut su wa masai: ahkying mi hta sha shi a katsi katsang rai mat sahka gaw, nga nna hkrap ngu hkrap ngoi ai hte sharung shayawt let jahtau ma ai.

SHINGRAN 19:5

Bai dai tingnyang kaw na nsen pru ai gaw, “Karai Kasang a shangun ma ni ngu ai, shi hpe hkrit kamyin ai kaji kaba yawng hte e, anhte a Karai Kasang hpe shakawn kungdawn mu law,” nga nna tsun ai.

SHINGRAN 4:11

Anhte a Madu Karai Kasang e, nga yawng nga pra hte hpe nang hpan tawn da nna, dai hte gaw na a myit ra ai hku jaw e tai ma ai hte hpan tawn da hkrum ma ai majaw, nang gaw hpung shingkang, arawng sadang hte hpung shingkang lu la na ging dan nga ndai law, nga nna shakawn na ma ai.

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,

SHINGRAN 8:10

Bai, masum ngu na lamu kasa pahtau dum dat wu ai: shaloi shanan zawn htoi tu ai shagan kaba lamu de na di hkrat wa nna, hka nu ni htam masum hta na htammi hte hka npun ni a ntsa e hkrat taw nga ai:

1 SAMUELA 6:5

Dai re ai majaw, nanhte hta na mu shakrwi sumla hte, ga jahten chye ai yu li sumla, nanhte galaw lu na rai nna, Israela Karai Kasang a arawng shagrau ya na rai myit dai: shaloi shi a lata nanhte hte nanhte a Hpara ni ntsa na mung, nanhte a lamu ga hta n mung, dawm la na ra ai nhten.