SHINGRAN 14:6 - Jinghpaw Hanson Version Bible

⁶ Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai:

Jinghpaw Common Language Bible 2009

⁶ Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.

SHINGRAN 14:6 ပူးပေါင်းရင်းမြစ်များ

NINGPAWT NINGHPANG 1:6

Bai Karai Kasang gaw, “Hka hpungnung a ka-ang e lamu madin din nna, hka hte hka karan u ga,” nga ai.

2 SAMUELA 23:5

Gaja wa, Karai Kasang a man e nye a amyu matu dai zawn re ai n rai; Rai timung, htani htana ga shaka gaw, shi ngai hte tawn da, nna, Yawng mayawng hpe shachyip ai hte shagrin da nu ai: Dai gaw ngai hpe hkye la ai lam, nye a sharawng shara tai nna, Dai hpe shatut da ya nu ai n rai ni?

SHAKAWN KUNGDAWN 119:142

Na a dingman ai gaw, prat dingsa e dingman nga ai rai nna, Na a tara gaw sadi sahka rai nga ai.

SHAKAWN KUNGDAWN 139:24

Yawn mai ai lam de, ngai hkan taw gaw, yu yu u; Htani htana grin nga ai lam de, ngai hpe woi wa e law.

SHAKAWN KUNGDAWN 145:13

Na a mungdan gaw htani htana agrin nga ai mungdan rai nga ai rai nna, Nang hkang ai ahkang gaw, prat mi hte prat mi dinggrin anga nga lu ai.

ESAIA 40:8

Tsingdu hkraw mat nna, nampan nyui mat nga ai; anhte a Karai Kasang a mungga chyawm gaw, htani htana grin nga na ra ai.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

ESAIA 51:6

Sumsing lamu hpe mada yu mu, ginding aga hpe gum yu mu: sumsing lamu gaw wan hkut zawn hkoi mat nna, ginding aga gaw hpun nba zawn dingsa mat na ra ai; dai hta shanu nga ai ni mung jigrawng zawn si mat na mara ai: nye a hkye hkrang la ai lam chyawm gaw, prat dingsa nga nga nna, nye a dinghpring ai lam mat mat na n rai.

ESAIA 51:8

kaning rai nme law, hpun nba hpe manut e sha kau ai zawn, shanhte hpe sha kau nna, sagu mun hpe shingtai e sha kau ai zawn, shanhte hpe sha kau na mara ai: nye a dinghpring ai lam chyawm gaw, htani htana e, nye a hkye hkrang la ai lam gaw, prat mi hte prat mi, agrin nga na ra ai.

ESAIA 6:2

Shi a ntsa e Serahpim tsap nga ma ai: langai hte langai singkaw kru kru tu ma ai; singkaw lahkawng hte tinang myi man magap; lahkawng hte tinang lagaw magap; lahkawng hte pyen ma ai.

EZEKELA 1:14

Dai dusat ni gaw, myihprap gala ai zawn gat sa nna nhtang wa ma ai.

Daniela 4:1

Ngai hkawhkam Nebuhkadneza gaw, ga ntsa ting hta shanu nga ai amyu baw ni hte, ga amyu myu tsun ai masha amyu ni hpe, htet shana dat nngai: Nanhte hta ngwipyaw ai gaw law htam wa u ga law.

Daniela 9:21

gaja wa, ngai naw akyu hpyi nga yang pyi, shawng na shingran hta dan pru ai, dai wa Gabriela gaw, alawan pyen sa wa nna, shana hkungga nawng ya ai aten e, ngai hpe sa ahtawk nga ai.

MAHTE 10:27

Ngai nanhte hpe nsin kata e tsun dan ai lam hpe, nhtoi hta e tsun dan mu: nanhte na hta e na la ai lam hpe, nta ntsa nna hkaw dan mu.

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

1 PETRU 1:25

Dai Madu a matsun chyawm gaw, prat mi hte prat mi anga nga ai.” Dai gaw, nanhte hpe hkaw tsun dan ai kabu gara ai matsun rai nga ai.

SHINGRAN 10:11

Bai shanhte gaw, Amyu baw law law, masha mungdan law law, ga amyu law law hte hkawhkam law law a lam, myihtoi ga nang bai tsun lu na ndai, nga nna ngai hpe tsun mi ai.

SHINGRAN 10:7

sanit ngu na lamu kasa a pahtau dum shangoi ai nhtoi hte hta, Karai Kasang gaw shi a shangun ma ni ngu ai myihtoi ni hpe tsun da ai kabu gara shiga hte maren, shi a sung htum ai lam dik wa na sai, nga ai.

SHINGRAN 13:7

[Chyoi pra ai ni hpe gasat dang kau na ahkang mung, shi hpe jaw wu ai]; baw lakung shagu, amyu baw shabu, ga baw amyu shagu hte mungdan shagu a ntsa e up na ahkang mung shi hpe jaw wu ai.

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,

SHINGRAN 8:13

Bai, ngai yu nga yang, langda langai mi lamu a ka-ang hpatwat e pyen yawn nga nna, Naw dum na ra ai lamu kasa masum a pahtau nsen majaw, dinghta ga e nga nga ai ni a matu, dingnye, dingnye, dingnye hkrai rai nga ai, nga nna nsen kaba hte jahtau nga ai gaw, ngai na nngai.