SHINGRAN 14:20 - Jinghpaw Hanson Version Bible

²⁰ Dai tsabyi htumbyen hpe mare shinggan e kabye shup nna, dai hta na pru ai asai gaw, gumra runghtung dep hkra tung nna, stadia hkying mi kru tsa du hkra lwi wa ai.

Jinghpaw Common Language Bible 2009

²⁰ Sabyi si ni hpe mare shinggan e sabyi htumbyen hta kabye shup nna, dai hta na sai lwi pru wa ai gaw, galu de mai lahkawng tsa, sung de pe manga daram ganoi rai nga ai.

SHINGRAN 14:20 ပူးပေါင်းရင်းမြစ်များ

NINGPAWT NINGHPANG 49:11

Shi gaw, si a lawze hpe tsabyi hpun hta, Shi a lawze kasha hpe kaja htum ai tsabyi ru hta dun da let, Shi a hpun palawng tsabyi jahku hta, Shi a hpun nba tsabyi si sai hta hkrut na ru ai.

ESAIA 66:24

Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

SHARUNG SHAYAWT 1:15

Madu gaw nye a share ni yawng hpe, nye a ka-ang e jahti kau da mu ai; Nye a shabrang ni hpe, shamyit kau na matu, shi shawa hpawng shaga mu ai: Madu gaw Yuda shayi sha hpe, tsabyi htumbyen hta kabye kau nu ai.

EZEKELA 32:6

Dai hta n-ga ngai gaw na a ru hkaw ai sai hte, mungdan ting hpe, bum ga du hkra, madi shangun nna, hkaraw shagu na a sai hte hpring na ra ai.

YOELA 3:13

Nmut ta du sai majaw, nhkyau hpe dat dat mu; tsabyi htumbyen hpring nna, yam ni kabrat nga ai majaw, sa marit, tsabyi si hpe kabye mu: kaning rai nme law, shanhte a n hkru n hkra ai lam law la nga ai.

TARA JAHPRANG 32:14

Dumsu hta na htawbat hte sagu bainam hta na madoi chyu shat, Sagu kasha a sau tung, Bashan sagu la hte bainam sau dung, Kaja htum ai hkaulan mam lung, jaw sha wu ai: Tsabyi jahku mung, tsabyi si sai hta na nang lu ndai.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.