SHINGRAN 14:2 - Jinghpaw Hanson Version Bible

² Bai, sumsing lamu kata nna hka rum law law kadu ai nsen hte, mu ngoi kaba a nsen zawn wu ai nsen hpe, ngai na nngai; ngai na ai nsen gaw, tingse dum ai ni tinang a tingse ni hpe dum dat yang na nsen zawn rai nga ai.

Jinghpaw Common Language Bible 2009

² Bai, sumsing lamu kata nna, hka rum ngoi kashaw ai nsen hte mu matut manoi htim yang na nsen zawn ngoi gunggang ai nsen hpe ngai na we ai. Dai nsen gaw, yu ngwi ninghkrin ni shanhte a tingse ni hpe dum dat ai shaloi ngoi pru wa ai mahku nsen hte bung nga ai.

SHINGRAN 14:2 ပူးပေါင်းရင်းမြစ်များ

2 SAMUELA 6:5

Dawi hte Israela amyu masha ni nlang hte gaw, marau sumpyi, tingse, doria, shupsheng, chying hte pahke amyu myu lang nna Yehowa man e dum shaja let sa wa nga ma ai.

2 HKAWHKAM LABAU 20:28

Shaloi shanhte gaw tingse, sumpyi, pahtau dum let, Yerusalem mare na Yehowa a nta de du wa ma ai.

SHAKAWN KUNGDAWN 147:7

Yehowa hpe, chyeju dum let mahkawn mu, Anhte a Karai Kasang hpe tingse hte mangoi mu.

SHAKAWN KUNGDAWN 149:3

Ka let shi a amying hpe shakawn mu: Shupsheng hte tingse dum let, shi hpe mahkawn mangoi nga mu ga.

SHAKAWN KUNGDAWN 33:2

Tingse dum let Yehowa a chyeju shakawn mu, Sumri shi rawng ai duria hte shi a matu dum mu.

SHAKAWN KUNGDAWN 43:4

Shaloi Karai Kasang a tawn hkungri hte, Ngai nachying sharawng awng ai Karai Wa kaw, ngai shang wa nna, Karai Kasang e, nye a Karai Kasang e, Tingse hte nang hpe mahkawn mangoi na nngai.

SHAKAWN KUNGDAWN 57:8

Nye a arawng sadang e, dum hprang u, Tingse hte sumpyi ni e, dum hprang mu: Jahpawt manap hpe mung ngai jasu na we ai.

SHAKAWN KUNGDAWN 92:3

Jahpawt manap e na a chyeju hpe, Shana ahkying e, na a sadi sahka hpe hkai dan na, mai kaja rai nga ai.

SHAKAWN KUNGDAWN 93:4

Hka sumhpa ni ngoi kaba ai hte, Nammukdara a n-gun ja ai hka leng ni hta, Tsaw ai shara de nga ai Yehowa gaw n-gun grau kaba nga ai.

SHAKAWN KUNGDAWN 98:5

Tingse dum nna Yehowa hpe mahkawn mu, Tingse hte mahku ngwi ai nsen hte mangoi mu.

PRU MAT 19:16

Ya masum ya ngu na jahpawt hta mu ngoi ai, myihprap gala ai hte ja ja htat ai sumwi dai bum ntsa e ka-up nga ai; nsen kaba hte nachying ngoi ai pahtau mung ngoi nga ai: dai dap e nga ai amyu masha ni mahkra gaw hkrit gari nga ma ai.

PRU MAT 20:18

Ya amyu masha ni nlang hte gaw, mu ngoi ai hte myihprap galam ai, pahtau ngoi wu ai hte wan hkut hku ai bum hpe mu ma ai; amyu masha ni dai hpe mu mu yang, hkrit gari ai hte tsan tsan e tsap nga ma ai.

ESAIA 17:13

gaja wa amyu baw ni gaw hka kaba law law zawn wu kadu timung, shi shanhte hpe daru kau nna, shanhte tsan tsan de hprawng mat wa masai; shanhte gaw bum ntsa e, nbung ahpawt nna poi mat wa ai mahkaw hte, bungsha hta lawm ai ga nhpu zawn, hkoi mat wa na mara ai.

EZEKELA 43:2

yu u, Israela Karai Kasang a hpung shingkang gaw, sinpraw maga de na pru wa ai: shi a nsen gaw, hka law law wu kadu ai nsen hte bung nna, lamu ga gaw, shi a hpung shingkang hte htoi tu nga ai.

ZEHKARIA 9:14

Yehowa gaw, shanhte a ntsa e dan pru nna, shi a pala gaw, myihprap zawn pru na ra ai: Madu Yehowa gaw pahtau dum nna, dingda mung na bungsha hte, sa wa na ra ai.

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, Nang mu ai hte maren laika hta ka la nhtawm, Ehpesu, Samurna, Pergamu, Htuatira, Sardi, Hpiladehpi hte Ladoki mare ni hta nga ai,

SHINGRAN 1:15

shi a lagaw yan gaw, wan htung hta jen kau sai magri jet zawn san nga ai; shi a nsen gaw, hka law law kadu ai nsen zawn wu nga ai.

SHINGRAN 11:12

Bai shan gaw, “Nang de lung wa marit,” nga nna lamu de na shan hpe shaga ai nsen kaba na mu ai; dai re ai majaw shan gaw sumsing lamu de sumwi hte lung wa ma ai rai nna, shan a hpyen ni shan hpe hkan mu dat ma ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 15:2

Bai, wan hte kayau ai pat nawng zawn re ai, ngai mu nngai: dai matse labye hte shi a hkrang sumla kaw na mung, shi amying a nambat kaw na mung, dang pru wa ai ni gaw, Karai Kasang a tingse lang let, dai pat nawng makau e tsap nga ma ai.

SHINGRAN 18:22

Tingse dum ai ni, laka ka ai ni, sumhpyi dum ai ni hte pahke dum ai ni a nsen, nang hta htawn hpang galoi mung ngoi lu na n rai; hpa hpaji maka lam hta rai timung, hpaji maka rawng ai masha nang hta htawm hpang galoi mung paw pru lu na n rai; htumrin rin ai nsen mung, nang hta htawm hpang galoi mung na lu na n rai;

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai:

SHINGRAN 6:1

Dai Sagu Kasha gaw, dazik sanit hta na langai mi hpaw dai ai shaloi, ngai hkan yu yang, dusat amyu mali hta na langai mi, mu ngoi ai nsen zawn nga ai hte, Sa rit, nga nna tsun ai gaw, ngai na nngai.

SHINGRAN 8:7

Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.