SHINGRAN 14:16 - Jinghpaw Hanson Version Bible

¹⁶ shaloi sumwi ntsa e dung nga ai wa gaw, ga ntsa de shi a nhkyau kabai dat wu ai rai nna, aga gaw dan ngut mat nga ai.

Jinghpaw Common Language Bible 2009

¹⁶ Dai rai nna sumwi ntsa e dung nga ai wa gaw, ga ntsa de shi a nhkyau ningwat dat wu ai rai nna, mungkan ga na mam gaw dan ngut mat nga ai.

SHINGRAN 14:16 ပူးပေါင်းရင်းမြစ်များ

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

SHINGRAN 14:14

Yu mu, sumwi ahpraw ngai mu nngai; dai sumwi ntsa e masha kasha hte bung ai wa dung nga ai; shi a baw hta aja janmau gup nna, shi a lata hta dai ai nhkyau lang da wu ai.

SHINGRAN 14:15

Bai, lamu kasa kaga gaw dai nawku Htingnu kaw na pru nna, Ga ntsa e mam myin krawp wa sai; mam dan na aten du ra ai majaw mam dan na matu na a nhkyau hpe dan shangun dat u, nga nna sumwi ntsa e dung ai wa hpe nsen kaba hte jahtau wu ai;

SHINGRAN 14:17

Bai, sumsing lamu na nawku Htingnu kaw nna lamu kasa kaga pru wa ai; shi mung dai ai nhkyau lang da wu ai.

SHINGRAN 14:19

Shaloi dai lamu kasa gaw ga ntsa de shi a nhkyau kabai dat nna, aga na tsabyi ru a asi hpe shingkyin la nhtawm, Karai Kasang a pawt bu ngu ai tsabyi htumbyen kaba hta, ru bang da wu ai.