SHINGRAN 14:15 - Jinghpaw Hanson Version Bible

¹⁵ Bai, lamu kasa kaga gaw dai nawku Htingnu kaw na pru nna, Ga ntsa e mam myin krawp wa sai; mam dan na aten du ra ai majaw mam dan na matu na a nhkyau hpe dan shangun dat u, nga nna sumwi ntsa e dung ai wa hpe nsen kaba hte jahtau wu ai;

Jinghpaw Common Language Bible 2009

¹⁵ Dai hpang, lamu kasa kaga langai mi gaw, dai nawku htingnu kaw na pru nna, sumwi ntsa e dung nga ai wa hpe, “Ga ntsa e mam myin krawp wa sai; mam dan na aten du ra ai majaw, mam dan na matu na a nhkyau hpe lang nna dan la u!,” nga nna nsen kaba hte jahtau wu ai.

SHINGRAN 14:15 ပူးပေါင်းရင်းမြစ်များ

NINGPAWT NINGHPANG 15:6

Abram mung Yehowa hpe kamsham wu ai rai nna, dai gaw shi a dinghpring ai lam ngu nna nawn ya wu ai.

ESAIA 62:1

Ziun mare na dinghpring ai gaw, kabrim ala nga ai hte, Yerusalem mare na hkye hkrang la ai lam, pyengdin zawn htoi tu nga ai du hkra, ngai atsin sha nga na n rai, ban sa ai mung nga na n rai.

YEREMIA 51:33

Kaning rai nme law, Israela Karai Kasang, Zaw nawng zaw wa up ai Yehowa ning nga ai: Babelon shayi sha gaw, mam kabye na chyarang zawn rai nga ai; gade n na yang, shi hpe mam zawn kabye na ra ai.

YOELA 3:13

Nmut ta du sai majaw, nhkyau hpe dat dat mu; tsabyi htumbyen hpring nna, yam ni kabrat nga ai majaw, sa marit, tsabyi si hpe kabye mu: kaning rai nme law, shanhte a n hkru n hkra ai lam law la nga ai.

MAHTE 13:30

Dai lahkawng yan nmut ta du hkra, rau tu kaba wa mu ga: nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,” ngu mu ai.

MAHTE 13:39

dai hpe gat ai gumlau wa gaw, Nat rai nga ai; nmut ta gaw, lamu ga htum na aten rai nga ai; mam dan ai ni gaw, lamu kasa ni rai nga ma ai.

MAHTE 23:32

Dai rai nna nanhte mung nji nwa ni a hpunda hpe dep hkra di mu law.

MARKU 4:29

Mam myin jang nmut ta du ai majaw, shi shaloi jang, dai nhkyau hpe shangun dat wu ai,” ngu mu ai.

1 HTESALONI 2:16

maigan masha ni hkye hkrang la ai hkrum na matu hkaw tsun dan na, shanhte gaw anhte hpe ban hkum kau mi ai; shing rai shanhte gaw tinang a yubak hpe tutnawng e shalaw jahtam nga nna, dai pawt sindawng ai mung shanhte a ntsa e htum hkra dep nga sai.

SHINGRAN 11:19

Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 13:12

Shi gaw shawng na matse labye a ahkang aya nlang, de a man e dagraw lang nna, jasi ai nma mai ngut sai shawng na matse labye hpe, dinghta ga hte dai hta nga ai ni hpe, nawku shangun mu ai.

SHINGRAN 14:14

Yu mu, sumwi ahpraw ngai mu nngai; dai sumwi ntsa e masha kasha hte bung ai wa dung nga ai; shi a baw hta aja janmau gup nna, shi a lata hta dai ai nhkyau lang da wu ai.

SHINGRAN 14:16

shaloi sumwi ntsa e dung nga ai wa gaw, ga ntsa de shi a nhkyau kabai dat wu ai rai nna, aga gaw dan ngut mat nga ai.

SHINGRAN 14:17

Bai, sumsing lamu na nawku Htingnu kaw nna lamu kasa kaga pru wa ai; shi mung dai ai nhkyau lang da wu ai.

SHINGRAN 14:18

Bai, wan hpe up ai ahkang lu ai lamu kasa kaga gaw, tawn hkungri de na pru nna, dai ai nhkyau lang ai wa hpe nsen kaba hte jahtau let, Na a dai ai nhkyau dat dat nna, aga na tsabyi ru a asi sumbaw hpe gadoi shingkyin la u; de a tsabyi si myin sai, ngu wu ai.

SHINGRAN 15:6

dai Htingnu kaw na ari zinli sanit lang ai lamu kasa sanit pru sa ma ai; shanhte gaw htoi tu san pra ai lungseng mawn sumli nna, tinang a sinda e aja shingkyit kyit nga ma ai.

SHINGRAN 16:17

Bai, sanit ngu na wa shi a gawm nbung hta ru gat dat wu ai: shaloi, “Ngut mat sai,” nga nna nawku Htingnu kata tingnyang kaw na nsen kaba pru wa ai:

SHINGRAN 6:10

Shanhte gaw, Chyoi pra ai hte tengman ai Madu e, dinghta ga e nga ai ni a ntsa e anhte a asai matai htang na, nang gaten du hkra tara n dara ai nga nga na n ta? nga nna nsen kaba hte a jahtau nga ma ai.