SHINGRAN 14:11 - Jinghpaw Hanson Version Bible

¹¹ shanhte hpe nni nkri zingri ai hta na wan hkut gaw, htani htana prat dingsa amawng lung nga ai; dai matse labye hte shi a hkrang sumla hpe nawku ai ni hte, shi a amying a masat dingsat hkam la ai wa gaw, shani shana n ban n sa lu ma ai,” nga nna nsen kaba hte tsun nga ai.

Jinghpaw Common Language Bible 2009

¹¹ Shanhte hpe nni nkri di zingri ai hta na wan hkut gaw, htani htana prat dingsa amawng lung nga ai. Dai matse labye hte shi a hkrang sumla hpe nawku ai ni hte, shi a mying a masat dingsat shakap hkam la ai ni yawng gaw, shani shana htingtsi hkyamsa ai lam lu la na ma ai n rai,” nga nna nsen kaba hte jahtau tsun ai.

SHINGRAN 14:11 ပူးပေါင်းရင်းမြစ်များ

NINGPAWT NINGHPANG 19:28

Sodom hte Gomora maga de mung, dai ginwang ting de mung shi mada yu wu yang, yu u, wan nhkut gaw wan nmang hta na hku ai wan hkut zawn dai mung ting hta nna mawng lung nga ai.

SHAKAWN KUNGDAWN 10:16

Yehowa gaw htani htana hkawhkam rai nga ai; Maigan amyu ni shi a mung hta na hkoi mat wa masai.

SHAKAWN KUNGDAWN 145:1

Nye a Karai Kasang hte Hkawhkam wa e, Ngai nang hpe shagrau na nngai; Na a amying nsang hpe, htani htana sha-a nga na nngai.

PRU MAT 15:18

Yehowa gaw htani htana prat dingsa a up nga na ra ai, nga ma ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

ESAIA 34:10

Shani shana wan krip na n rai; wan hkut mung tutnawng mawng na ra ai; dai mung gaw prat mi hte prat mi shingran katsi nna, prat dingsa tutnawng kadai ga lai wa na n rai.

ESAIA 34:8

Kaning rai nme law, Ziun a lam majaw matai htang na shani hte, ari jaw na shaning, Yehowa tawn da sai.

ESAIA 57:20

Tara n lang ai ni chyawm gaw, hta wa ai nammukdara hte bung ma ai; shanhte asim sha n nga lu nna, de a hka hkanu ai hte hkumpup sha shapraw nga ai.

Daniela 3:6

n naw n ku ai wa kadai mung, dai ahkying hta pyi, grung nga ai wan htung hta kabai bang kau ai hkrum na ra ai,” nga nna jahtau tsun ai.

YOELA 2:30

Sumsing lamu hta e mung, ginding aga ntsa e mung, mauhpa amu ngu ai, asai, awan hte wan hkut shadaw hte hpe, ngai madun na nngai.

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 25:46

Shaloi shanhte gaw n htum n wai ari de shang wa na mara ai; dinghpring ai ni mahtang n htum n wai asak de shang lu na mara ai,” ngu wu ai.

TARA JAHPRANG 28:65

Dai amyu ni hta nang ngamu lu na n rai, kan zaw chying lu na n rai; Yehowa gaw nang hpe masin kahpra ai, myi man sum na hte minla byaw mat ai, jahkrum na ndai rai nna;

HEBRE 1:8

Bai, dai Kasha a lam chyawm gaw, “Karai Kasang e, na a tingnyang htani htana anga nga ai; Shi a mungdan a sumdoi, dingman ai sumdoi rai nga ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 13:12

Shi gaw shawng na matse labye a ahkang aya nlang, de a man e dagraw lang nna, jasi ai nma mai ngut sai shawng na matse labye hpe, dinghta ga hte dai hta nga ai ni hpe, nawku shangun mu ai.

SHINGRAN 13:15

Dai matse labye a hkrang sumla ga tsun lu na matu, dai matse labye a hkrang sumla hta nsoi nsa ban bang na ahkang hte, dai matse labye a hkrang sumla hpe n naw n ku ai nga manga hte hpe sat kau na ahkang mung, shi hpe jaw wu ai.

SHINGRAN 13:17

dai matse labye a amying, shing n rai, de a amying a nambat ngu ai masat dingsat, n kap ai wa kadai mung, arai mari na hte dut na ahkang n lu na lam, shabyin dat wu ai.

SHINGRAN 14:9

Bai, masum ngu na lamu kasa kaga gaw, shan kaw hkan nang nna, “Dai matse labye hte shi a hkrang sumla hpe nawku nna tinang a lahtan hta, shing n rai, tinang a lata hta, masat dingsat hkam la ai wa kadai rai timung,

SHINGRAN 18:18

“Dai galu kaba ai mare hte bung ai gaw, gara mare rai nga a ta?” nga nna jahtau ma ai.

SHINGRAN 18:9

Shi hte hpye ai amu galaw nna, sawse lawklek ai ga ntsa hkawhkam ni gaw, dai mare hkru ai wan hkut mu ma ai shaloi, shi hkrum ai ari hpe hkrit nna tsan tsan e tsap nga let,

SHINGRAN 19:3

Bai lang mi shanhte gaw, “Haleluya: dai mare a wan hkut gaw, htani htana prat dingsa amawng lung nga ai,” nga ma ai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 22:5

Htawm hpang e shana mung n nga na ra ai; pyengdin a ahtoi mung, jan a nhtoi mung shanhte n ra ma ai: kaning rai nme law, dai Madu Karai Kasang gaw shanhte hpe ahtoi jaw na wu ai; dai hta n-ga, shanhte gaw htani htana prat dingsa up nga lu na mara ai.

SHINGRAN 7:12

Amen: Shakawn kungdawn ai, hpung shingkang, hpaji byeng-ya, mahkawn shagrau ai, arawng sadang, hpung shingkang hte n-gun lagaw gaw, htani htana prat dingsa e, anhte a Karai Kasang kaw anga nga u ga law, Amen, nga nna tsun ma ai.