SHINGRAN 14:10 - Jinghpaw Hanson Version Bible

¹⁰ Karai Kasang a sindawng kahtet ngu ai gawm hta hpaw bang tawn ai pawt bu ai tsabyi jahku jet lu lu na ra ai; dai hta n-ga shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai:

Jinghpaw Common Language Bible 2009

¹⁰ Karai Kasang a pawt sindawng kahtet ngu ai gawm hta hpring hkra ru bang tawn ai grai ja ai pawt bu ngu ai sabyi ntsin hpe lu lu na ra ai. Dai hta n ga, shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai.

SHINGRAN 14:10 ပူးပေါင်းရင်းမြစ်များ

NINGPAWT NINGHPANG 19:24

Shaloi Yehowa gaw lamu de nna Sodom hte Gomora ntsa de kan hte grung ai wan jahtu dat wu ai:

YOBA 18:15

Shi hte n bung ai gaw, shi a sum hta rawng nga nna, shi a htingra ntsa e kan ayai tawn na ra ai.

YOBA 21:20

Shi hten byak hkrum ai hpe shi myi nan mu lu nna, n-gun chyalai rawng ai wa a pawt bu ai hpe shi lu nga u ga.

SHAKAWN KUNGDAWN 11:6

Tara n lang ai ni a ntsa e wan n-ga htu u ga, Shanhte a hkambum kan hte kahtet ai nbung, rai nga malu ga.

SHAKAWN KUNGDAWN 37:34

Yehowa hpe myit mada nga nna, shi a lam hpe dum u, Shaloi, dai mungdan hpe madu na, shi nang hpe shagrau na rin dai: Tara n lang ai ni hpe kran kau ai gaw, nang mu mada lu na rin dai.

SHAKAWN KUNGDAWN 52:6

Dingman ai ni dai lam mu nna hkrit nga na mara ai; Shanhte gaw shi hpe mani kau nna,

SHAKAWN KUNGDAWN 60:3

Na a amyu hpe ru tsang nang jahkrum nna, Nang ai tsabyi anhte hpe jaw shalu mi ai.

SHAKAWN KUNGDAWN 73:10

Dai majaw, Karai Wa masha ni pyi shanang sa nna, Ntsin hpe chyup ai zawn, n hkru ai hpe law law chyup nga nna,

SHAKAWN KUNGDAWN 75:8

Yehowa a lata hta gawm langai mi nga nna, Nsa ja ai tsabyi hte kayau ai tsi hte hpring nga ai: Dai hta na shi ru dat wu ai rai nna, Ga ntsa na tara n lang ai ni nlang hte gaw De a chyabu du hkra shup nna, lu lu na rai ma ai.

SHAKAWN KUNGDAWN 91:8

Gaja wa, na a myi hte nang mada yu nna, Tara n lang ai ni hta kap wa ai ari hpe mu lu na rin dai.

ESAIA 29:9

Mak mat nna mau nga mu; myi di nna n mu nga mu; shanhte tsabyi jahku hte nang ai n rai, chyaru hte ndi nda re ai n rai.

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

ESAIA 34:9

Edom mung a hka shi ni gaw marau sau, de a ga nhpu gaw kan tai mat nna, mung ting gaw wan hkru ai marau sau, tai na ra ai.

ESAIA 51:17

Yehowa a lata hta na n-yun bu ai gawm lu sai, Yerusalem e hprang u, hprang nna rawt u: nang gaw n di n da hkawm shangun ai gawm hpe lu kau nna, jabu du hkra shup lu kau nu ai.

YEREMIA 25:27

Israela Karai Kasang Zaw nawng zaw wa up ai Yehowa ning nga ai, Nanhte hpang de ngai shangun ai nhtu majaw, lu mu, nang mu, madawn mu, kataw nna hkum rawt myit, ngu nna shanhte hpe htawn tsun mu.

YEREMIA 49:12

Kaning rai nme law, Yehowa ning nga ai: Yu mu, dai gawm hpe n lu ging ai ni pyi, gaja wa lu na mara ai; dai rai yang, nang gaw ari ahpri lawt na rai ni? gaja wa, nang lawt lu na n rai, teng teng lu lu na ndai.

YEREMIA 51:57

Ngai gaw shi a hkawhkam kasha ni, hpaji byeng-ya rawng ai ni, munggyi ni, du salang ni hte share ninghkrin ni hpe chyaru shanang nna, shanhte gaw n hprang lu hkra, prat dingsa yup pyaw nga na mara ai, nga nna Zaw nawng zaw wa up ai Yehowa mying ai Hkawhkam wa tsun nga ai.

SHARUNG SHAYAWT 4:21

Uza mung hta shanu nga ai Edom shayi sha e, kabu gara nna sharawng awng nga u; Shi a gawm nang hpang de mung rap wa na ra ai; nang chyaru nang nna singgu krin rai na rin dai.

EZEKELA 38:22

Ngai gaw ana zinli hte mung, sat kau ai hte mung, shi hpe dawdan na nngai; shi a ntsa e mung, shi a hpyen masha ni a ntsa e mung, sin kaba, wan hte kan, tung hkra jahtu na nngai.

HABAKU 2:16

Nang gaw arawng sadang n rai, kaya kahpa hkrum ndai: nang nan lu nna, singgu krin rai nga u: Yehowa a hkra lata na gawm gaw, nang kaw galen du nna,

MAHTE 20:22

Yesu gaw, “Nanhte hpa hpyi nga ai hpe, nanhte n chye myit dai; ngai lu magang nga ai gawm hpe, nanhte lu lu na rai nga myit ni?” ngu nna htan wu ai. Shanhte gaw, “Anhte rai lu na ga ai,” ngu mu ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 26:39

Shaloi dai yang na shi loi mi lai sa nhtawm, ga de myi man gum dagup let akyu hpyi nna, “Wa e, ndai gawm hpe ngai kaw na shalai kau lu yang gaw, shalai kau ya e; rai timung, nye a myit n rai, na a myit she rai u ga,” ngu nna tsun wu ai.

MARKU 8:38

Kaning rai nme law, ndai shut hpyit ai hte yubak kap ai amyu hta e, ngai hte ngai tsun ai mungga hpe kaya nga ai wa kadai mung, dai Masha Kasha gaw shi a Kawa a hpung shingkang hte chyoi pra ai lamu kasa ni hte nawng du sa wa yang, dai wa hpe kaya kau na ru ai.

KASA 10:22

Shanhte gaw, “Dingman nna, Karai Kasang hpe hkrit hkungga ai hte, Yuda amyu ting a man e myi man pa ai, hpyen latsa up ai bu Korneli gaw, nang hpe shi a nta de shaga bang nna, nang tsun ai ga madat la na lam, chyoi pra ai lamu kasa nan shadum dan ai lu la nu ai,” ngu nna tsun dan mu ai.

TARA JAHPRANG 29:23

htawm hpang prat na nanhte a kashu kasha ni hte sumtsan mung na sa ai tsasam wa mu ma yang, masha amyu myu ni gaw, “Ndai mungdan hpe hpa majaw Yehowa ning di wu ai i? Nde wa pawt ai sindawng gaw kaning re ai i?” nga nna san shajang na mara ai.

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

YUDA 1:7

Dai hte maren, Sodom yan Gomora hte, dai mare yan zawn, grup yin na mare ni mung, shut hpyit lai ai amu galaw nna, lasha shada da tam shut nga ai a jaw e, dai ni hpe ningli shatai na matu, prat dingsa na wan nhpra hta e ari hkrum sha mu ai.

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a sindawng kahtet ai hte hpring chyat re ai gawm sanit, dai lamu kasa sanit hte hpe ya mu ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.

SHINGRAN 18:3

Kaning rai nme law, shi a hpye ai amu ngu ai tsabyi jahku hte masha amyu baw shagu kadawng daw mat masai; ga ntsa hkawhkam ni mung shi hte rau hpye ai amu galaw nna, shi a hpung shingkang hte sawse lawklek ai lam a majaw, mungkan ga na hpaga ni sut su wa masai,” nga nna ja ai nsen hte jahtau wu ai.

SHINGRAN 18:6

Shi di ai hte maren shi hpe di htang mu; shi galaw ai lam hte maren htam lahkawng bai htang mu: shi hpaw ai gawm hta shi hpe htam lahkawng bai hpaw jaw mu.

SHINGRAN 19:15

Masha amyu baw ni hpe kahtam na matu, shi a n-gup hta na dai ai ntawng nhtu pru nga ai; shanhte hpe mung hpri sumdoi hte shi up na ra ai: Chyahtum chyalai n-gun rawng ai Karai Kasang a sindawng kahtet ai pawt bu ngu ai tsabyi htumbyen hta shi kabye shup nga ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:14

Shaloi si hkrung si htan hte katsan ga gaw, dai wan nawng hta jahkrat bang kau ai hkrum ma ai: dai wan nawng gaw lahkawng lang na si lam rai nga ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.