SHINGRAN 13:18 - Jinghpaw Hanson Version Bible

¹⁸ Nang e hpaji byeng-ya rawng nga ai; zai byeng-ya rawng ai wa gaw dai matse labye a nambat sawn chye u ga; dai nambat gaw masha langai mi a nambat rai nga ai; shi a nambat gaw kru tsa e kru shi kru rai nga ai.

Jinghpaw Common Language Bible 2009

¹⁸ Ndai lam hte seng nna hpaji byeng-ya rawng ra nga ai. Zai byeng-ya rawng ai wa gaw dai matse labye a hti hkum a lachyum hpe sawn htai la lu nga ai, hpa majaw nga yang, dai hti hkum gaw masha langai mi a mying rai nga ai. Shi a hti hkum gaw 666 rai nga ai.

SHINGRAN 13:18 ပူးပေါင်းရင်းမြစ်များ

SHAKAWN KUNGDAWN 107:43

Hpaji rawng ai wa kadai rai timung, ndai amu hpe myit yu nna, Yehowa a chyeju hpe dum nga mu ga law.

Daniela 12:10

Masha law law wa tinang hkum hpe shachyoi shapra nna, hpraw wa ai hte san seng na mara ai; tara n lang ai ni chyawm gaw, tara n lang ai hku hkan nang na mara ai; tara n lang ai wa kadai mung, chye na lu na n rai: nyan rawng ai ni chyawm gaw, chye na lu na mara ai.

HOSEA 14:9

Da ndai hte hpe chye na lu hkra, hpaji rawng ai wa, kadai rai ta? dai lam ni hpe chye lu hkra, nyan rawng ai wa, kadai rai ta? kaning rai nme law, Yehowa a lam ni malang nga nna dinghpring ai ni dai hta hkan hkawm na mara ai: tara tawt lai ai ni chyawm gaw, dai lam ni hta ahtu kataw na mara ai law.”

MARKU 13:14

Dai jahten shabya ai matsat shabat gaw, n da ang ai shara e tawn da ai hpe nanhte mu myit yang gaw, laika hti nga ai wa gaw myit yu nga u ga; dai shaloi e, Yuda mung hta e nga ai ni gaw, bum lang de hprawng mu ga;

ROMA 3:5

Ya, anhte a n ding n hpring ai gaw, Karai Kasang a dinghpring ai hpe shapraw shadan dat a yang gaw, anhte kaning ngu tsun na rai ta? pawt bu ari jaw ai Karai Kasang gaw n ding n hpring na, n rai ni? (shing nga ai gaw, masha a hku hkan nna sha tsun nngai;)

TARA JAHPRANG 3:11

(Kaning rai nme law, Rehpim ngu ai amyu hta na hkrat ai, Bashan hkawhkam Oga chyu sha ngam nga sai; yu u, shi a yup ku gaw hpri yup ku rai nga ai: dai gaw Amon kashu kasha ni a mung na Raba mare hta nga nga lu ai n rai ni? masha a dawng hku sawn yang, dai gaw galu de dawng jahku, nda de dawng mali rai nga ai.)

SHINGRAN 1:3

Ahkying ladaw ni wa magang ra ai majaw, ndai ga hpe hti dan ai wa hte, ndai myihtoi ga hte hpe madat mara nna dai hta ka da mada hpe hkan galaw ai ni gaw, a lu ma ai.

SHINGRAN 15:2

Bai, wan hte kayau ai pat nawng zawn re ai, ngai mu nngai: dai matse labye hte shi a hkrang sumla kaw na mung, shi amying a nambat kaw na mung, dang pru wa ai ni gaw, Karai Kasang a tingse lang let, dai pat nawng makau e tsap nga ma ai.

SHINGRAN 17:9

Ndai yang e hpaji rawng ai nyan lawm nga ai. Baw sanit gaw, dai numsha dung ai bum sanit rai nga ai:

SHINGRAN 21:17

Bai, dai bunghku hpe shadawn wu yang, masha shadawn ai hte bung ai, lamu kasa a shadawn ai lam gaw, dawng latsa e mali rai nga ai.