SHINGRAN 13:16 - Jinghpaw Hanson Version Bible

¹⁶ Dai hta kaga, kaji kaba, sahti kunmi, matsan mayan ni, shanglawt ni hte mayam ni nga manga hte gaw, tinang a hkra lata hta, shing n rai, tinang a lahtan hta, masat dingsat shakap shangun na hte,

Jinghpaw Common Language Bible 2009

¹⁶ Dai matse labye gaw, shinggyim masha yawng mayawng kaji ai ni hte kaba ai ni, lu su ai hte matsan ai ni, mayam ni hte shanglawt ni hpe tinang a hkra lata ni hta shing n rai tinang a lahtan ni hta shi a masat dingsat hpe adip arip hku shakap shangun mu ai.

SHINGRAN 13:16 ပူးပေါင်းရင်းမြစ်များ

2 HKAWHKAM LABAU 15:13

Israela Karai Kasang Yehowa hpe n hkan tam ai numsha lasha kaji kaba kadai mung si ai hkrum mu ga, nga nna ga shaka tawn da ma ai.

YOBA 34:19

Shi gaw du ni a myi man n tau yu ai hte, matsan mayan ni hta sut su ai ni hpe, grau hkungga nga ai, n rai. Shi a lata shanhte nlang hte hpe hpan da mu ai.

SHAKAWN KUNGDAWN 115:13

Shi gaw Yehowa hpe hkrit hkungga ai ni, Kaji kaba yawng hpe, shaman ya nga ai.

SHAKAWN KUNGDAWN 49:2

Du magam ni darat daroi ni Sut su ai hte matsan mayan ni yawng, na la mu.

PRU MAT 13:9

Yehowa a tara na a n-gup hta nga nga u ga, da ndai gaw na a lata hta kumla, na a myi lapran e masat dingsat tai nga na rai nga ai: kaning rai nme law, Yehowa gaw n-gun rawng ai lata hte nang hpe Egutu mung na shaw la nit dai.

EZEKELA 9:4

Yehowa gaw, “Yerusalem mare ka-ang hku lai wa nna, mare kata e galaw ai matsat shabat amu majaw madai nna, hkrap ngu hkrap ngoi ai ni a lahtan hpe, mahkret matsing u,” ngu nna shi hpe tsun wu ai.

ZEHKARIA 13:6

Shaloi langai ngai gaw, ‘Ataw, na a lata na nma hkang, hpa rai ta? nga nna san yang, Ndai gaw, jinghku ni a nta e ngai hkrum ai nma rai nga ai,’ nga nna shi htan na ra ai.”

KASA 26:22

Karai Kasang kaw na karum ai lu la ai majaw sha, dai ni du hkra nga nga let, kaji kaba yawng hpe sakse hkam ai hta,

1 KORINHTU 12:13

Kaning rai nme law anhte yawng mayawng, Yuda ni hte Heleni ni rai timung, mayam ni hte shanglawt ni rai timung, hkumhkrang langai sha tai na matu, Wenyi langai sha hta e baptisma hkam saga ai rai nna, nlang hte gaw Wenyi langai hta sha jawm dagrawng saga ai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

GALATI 6:17

Ya kaw nna kadai mung ngai hpe hkum sharu shatsang manu ga: kaning rai nme law, Yesu a nma hkang nye a hkum shing-yan hta ngai gun hkawm nga nngai.

EHPESU 6:8

Mayam rai timung, shanglawt rai timung, mai kaja ai bungli hpa rai timung galaw a yang gaw, dai Madu gaw, langai hte langai hte hpe jaw htang na ru ai, chye nga mu.

TARA JAHPRANG 11:18

Dai rai nna, nye a ga ndai ni hpe na a kraw lawang e, na a myit masin hta nang gun da ai hte, nanhte a lata hta kumla tai nga na matu hkawn da nna, nanhte a myi lapran e masat dingsat laika tai nga na rai malit dai.

TARA JAHPRANG 6:8

Ga dai hpe na a lata hta kumla tai nga na matu hkang da nga nna, na a myi lapran e masat dingsat laika tai nga na rai lit dai:

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

2 TIMOHTI 3:8

Yanne yan Yambre gaw Mawshe hpe hkum shadang nga ai zawn, dai ni mung dai tengman ai lam hpe hkum shadang ma ai: shanhte gaw myit hten tsam mat wa nna, kamsham lam hta maju n jung ai masha rai nga ma ai.

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.

SHINGRAN 15:2

Bai, wan hte kayau ai pat nawng zawn re ai, ngai mu nngai: dai matse labye hte shi a hkrang sumla kaw na mung, shi amying a nambat kaw na mung, dang pru wa ai ni gaw, Karai Kasang a tingse lang let, dai pat nawng makau e tsap nga ma ai.

SHINGRAN 19:18

shanglawt hte mayam ni a, masha kaji kaba mahkra ni a ashan sha lu na matu, Karai Kasang a poi kaba de zuphpawng marit,” nga nna nsen kaba hte jahtau wu ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 19:5

Bai dai tingnyang kaw na nsen pru ai gaw, “Karai Kasang a shangun ma ni ngu ai, shi hpe hkrit kamyin ai kaji kaba yawng hte e, anhte a Karai Kasang hpe shakawn kungdawn mu law,” nga nna tsun ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai:

SHINGRAN 6:15

Mungkan ga na hkawhkam hkawseng ni, daru magam rawng ai ni, hpyen du hpyen gyi ni, sahti kunmi ni, n-gun lagaw ja ai ni mung, mayam ni hte shanglawt ni nlang hte mung, ga na ginlawng hku ni hte bum ga na lunghkrung ni hta tinang nang gawp makoi nga let,

SHINGRAN 7:3

nga nna lamu ga hte nammukdara hpe zingri na ahkang lu ai lamu kasa mali hpe, nsen kaba hte jahtau wu ai.