SHINGRAN 13:13 - Jinghpaw Hanson Version Bible

¹³ Dai hta kaga, shi gaw masha ni a man e lamu de nna ga ntsa de wan pyi jahkrat lu hkra, lamik kumla kaba galaw dan nga ai.

Jinghpaw Common Language Bible 2009

¹³ Dai lahkawng ngu na matse labye gaw, mauhpa lamik kumla kaba ni hpe madun dan nga ai. Masha law law a man e lamu de nna ga ntsa de wan jahkrat dat shangun nga ai.

SHINGRAN 13:13 ပူးပေါင်းရင်းမြစ်များ

1 HKAWHKAM 18:38

Shaloi Yehowa a wan di hkrat nna, wan nat hkungga hpe, hpun hpe, nlung ni hte shingbut hpe hkru kau ai hte, hka hkawng na ntsin hpe mung shahkyet kau wu ai.

PRU MAT 7:22

Egutu lakle sara ni mung shanhte a lakle hte dai zawn galaw ma ai: shing rai Yehowa tsun ai hte maren Hpara-u a masin ja nga lu rai nna shan a ga n madat ya wu ai.

PRU MAT 8:7

Lakle sara ni mung shanhte a lakle hte dai zawn galaw nna, Etutu mung hta shu shalun la mu ai.

PRU MAT 9:11

Dai shu gaw lakle sara ni hta mung, Egutu masha mahkra hta mung kap wa ai majaw, lakle sara ni gaw Mawshe a man e n tsap lu ma ai.

BU HKAWM 16:35

Lawban nat nawng ai masha ni tsa e manga shi hpe mung, Yehowa kaw na wan pru nna hkru kau mu ai.

MAHTE 16:1

Shaloi Hparishe ni hte Saduke ni sa du nna, shi hpe chyam dinglik yu let, lamu de na lamik kumla madun dan mi ga, hpyi ma ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

2 TIMOHTI 3:8

Yanne yan Yambre gaw Mawshe hpe hkum shadang nga ai zawn, dai ni mung dai tengman ai lam hpe hkum shadang ma ai: shanhte gaw myit hten tsam mat wa nna, kamsham lam hta maju n jung ai masha rai nga ma ai.

SHINGRAN 11:5

Masha langai ngai shan hpe zingri mayu yang, shan a n-gup hta na wan pru nna, hpyen ni hpe hkru kau na mu ai; marai langai ngai mung shan hpe zingri mayu yang, shing re ai hte sat kau ai shi hkrum lu na ra ai.

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:9

Dai ni gaw lamu ga pang pat lung wa nna, chyoi pra ai ni a dap hte, dai tsawra ai mare hpe, wang nga ma ai: shaloi sumsing lamu de na wan hkrat nna, shanhte hpe hkru kau mu ai.