SHINGRAN 12:7 - Jinghpaw Hanson Version Bible

⁷ Bai, sumsing lamu kata e majan gasat nga ai: Mihkaela hte shi a ali ama ni gaw dai baren numraw hte gasat nga ma ai; dai baren numraw hte shi a ali ama ni mung, gasat nga ma ai rai timung,

Jinghpaw Common Language Bible 2009

⁷ Dai hpang sumsing lamu hta e majan byin nga ai. Mihkaela hte shi a lamu kasa ni gaw, dai baren numraw hte gasat hkat nga ma ai; dai baren numraw mung shi a ali ama ni hte bai nhtang gasat ma ai.

SHINGRAN 12:7 ပူးပေါင်းရင်းမြစ်များ

SHAKAWN KUNGDAWN 78:49

Shi gaw sindawng pawt kahtet ai hte, Tsin-yam tsindam, nji nmu, ru tsang ai hpe, n hkru ai kasa hpung zawn, shangun dat wu ai.

ESAIA 34:5

Kaning rai nme law, nye a nhtu gaw, sumsing lamu hta lu hkru nga ai; yu u, dai gaw Edom a ntsa e mung, ngai dagam ai amyu a ntsa e mung, ngai dagam ai amyu a ntsa e mung, ari jaw na matu du na ra ai.

ESAIA 55:4

Yu u, amyu baw ni a sakse wa tai na mung, amyu baw ni a du hte up hkang ai wa tai na mung, ngai shi hpe san da ni ai.

Daniela 10:13

Rai timung Persi mungdan a du gaw, nhtoi hkun langai ya tup ngai hpe hkap shadang da nngai: dai hpang, yu u, Mihkaela mying ai du kaba langai mi, ngai hpe sa karum nna, ngai gaw dai shara hta Persi hkawhkam ni hte e hti nga nngai.

Daniela 10:21

Rai timung, tengman ai laika hta tawk ka ai ga ngai nang hpe naw madun na nngai: ndai du lahkawng hpe gasat na nga, nanhte a du Mihkaela hta kaga, ngai hpe shingdep shingtau ai wa n nga ai.”

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 26:53

nye Wa hpe hpyi na ahkang ngai lu nna, shi gaw ya e pyi lamu kasa dap shi lahkawng n-ga, ngai hpang de shangun lu na, nang n nawn nga n ni?

2 KORINHTU 12:7

Ya dai chyahtum chyalai re ai shingran a majaw, ngai myit nau wa n kaba u ga, ngai hpe abyen na Satan a salung sala ngu ai, nye hkum shan hta ju ai aju ngai hkrum nga nngai; shing rai ngai nau wa myit n kaba nngai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

HEBRE 2:10

Kaning rai nme law, kashu kasha law law hpe hpung shingkang hkam la ai de woi wa yang, shanhte a hkye hkrang la ai lam a agyi wa hpe nni nkri hte jahkum shatsup na yawng hpe up nna, yawng a npawt rai nga ai Karai Wa gaw, mai di nga ai.

2 PETRU 2:4

Kaning rai nme law, Karai Kasang gaw yubak galaw kau ai lamu kasa ni hpe pyi lahpawt lama n di ai sha, ngarai mung de jahkrat kau mu ai rai nna, tara dara ai nhtoi du hkra shanhte hpe rim da let, chyang htat ai nsin sin ai nhkun hta e rawng da mu ai hte;

YUDA 1:9

Dai lamu kasa agyi Mihkaela chyawm gaw, dai Nat hte ga law ga la nga yang, Mawshe a moi mang a lam ndang kalang hkat nga ai rai nna, shatan nhkan re ai dawdan ai ga, shi hpe n tsun wam ai sha, Dai Madu nang hpe daru kau u ga, ngu wu ai.

SHINGRAN 12:8

shanhte n dang lu ma ai rai nna, sumsing lamu kata e shanhte a matu nga shara naw n nga masalu ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 13:7

[Chyoi pra ai ni hpe gasat dang kau na ahkang mung, shi hpe jaw wu ai]; baw lakung shagu, amyu baw shabu, ga baw amyu shagu hte mungdan shagu a ntsa e up na ahkang mung shi hpe jaw wu ai.

SHINGRAN 20:2

Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai: