SHINGRAN 12:15 - Jinghpaw Hanson Version Bible

¹⁵ Dai num hpe hka hpungla hte shayawng kau na nga, lapu gaw shi a n-gup hta nna hka nu na hka zawn, dai numsha hpang de shalwi dat wu ai.

Jinghpaw Common Language Bible 2009

¹⁵ Baren numraw gaw, dai numsha hpe hka hpungla hte shayawng kau lu na matu, shi a n-gup hta na hka hpe hka nu zawn, dai numsha hpang de kawut shalwi dat wu ai.

SHINGRAN 12:15 ပူးပေါင်းရင်းမြစ်များ

NINGPAWT NINGHPANG 3:1

Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, “Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni?” Ngu nna san wu ai.

SHAKAWN KUNGDAWN 18:4

Si ai sumri ni ngai hpe kawan nga nna, N hkru ai hka hpunla ni ngai hpe jahkrit mi ai.

SHAKAWN KUNGDAWN 65:7

Nammukdara a wu ngoi ai hpe mung, De a hka leng ni a kashaw ai hte, Amyu baw ni a kabring kabrawng ai hpe, Shi jasim kau mu ai.

ESAIA 28:2

Yu u, Madu gaw n-gun ja ai hte atsam rawng ai wa hpe hkang da nna, dai wa gaw, sin lawm ai jahten ai nbung laru adawt ai hte, hka hpungla kaba lim ai zawn, tinang a lata hte shanhte hpe ga du hkra kadawng kau na ra ai.

ESAIA 59:19

Shing rai shanhte gaw sinpraw maga kaw nna sinna maga du hkra, Yehowa a mying nsang hte hpung shingkang hpe hkrit hkungga na mara ai; kaning rai nme law shi gaw, Yehowa a nbung hte ahpawt kau ai hka hpungtun zawn, du na ra ai.

ESAIA 8:7

yu mu, Madu gaw, Asuri hkawhkam hte shi a hpung shingkang ting ngu ai, galu kaba ai hte hpungla ja la ai hkanu hpe, shanhte a ntsa e lwi shangun nna, dai gaw hka hkin-gau hte daru ni hpe lim kau ai hte,

2 KORINHTU 11:3

Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.

SHINGRAN 12:16

Lamu ga, chyawm gaw dai numsha hpe karum ya wu ai; aga gaw shi a n-gup mahka wa nna, dai baren numraw a n-gup hta na shalwi dat ai hka nu hpe mayu kau ya wu ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 17:15

Bai, dai wa gaw, Shawa num dung nga ai hka nu ni gaw, masha baw amyu ni, wunawng wuwa ni, masha mungdan ni hte ga amyu ni, rai nga ma ai.

SHINGRAN 20:2

Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai: