SHINGRAN 12:10 - Jinghpaw Hanson Version Bible

¹⁰ Shaloi sumsing lamu kata na nsen kaba gaw, Ya gaw anhte a Karai Kasang a hkye hkrang la ai lam, hpung shingkang hte mungdan mung, shi a Hkristu a ahkang aya mung, rai wa sai: kaning rai nme law, anhte a Karai Kasang a man e, anhte a hpunau ni hpe shani shana mara shagun ai, jahte tam wa gaw, jahkrat kau ai hkrum nu ai.

Jinghpaw Common Language Bible 2009

¹⁰ Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.

SHINGRAN 12:10 ပူးပေါင်းရင်းမြစ်များ

1 HKAWHKAM LABAU 29:11

Yehowa e, daru magam, n-gun atsam, hpung shingkang, padang ninglaw hte arawng sadang nang hta anga nga ai law: sumsing lamu hte ginding aga ntsa nga manga hpe nang madu nga ndai; Yehowa e, dai mungdan gaw na a mungdan rai nga ai hte, nga yawng nga pra ntsa e nang grau nga ndai.

YOBA 1:11

Ya chyawm gaw, na a lata ladawn nna, shi lu malu hpe hkra kau ya u; shaloi jang shi nang hpe na a myi man chyaw e, nyet kau da na ra ai,” ngu nna Yehowa hpe htan wu ai.

YOBA 1:9

Satan mahtang, “Yoba gaw Karai Kasang hpe kaman sha hkrit kamyin nga a ni?

YOBA 2:5

Ya chyawm gaw, na a lata ladawn nna, shi a nrut nra hte ashan hpe hkra kau ya u; shaloi jang, shi nang hpe, na a myi man chyaw e, nyet kau da na ra ai,” ngu nna Yehowa hpe htan wu ai.

SHAKAWN KUNGDAWN 22:28

Dai mungdan gaw Yehowa a mungdan rai nga ai; Masha amyu baw shagu ni hpe shi Madu nga mu ai.

SHAKAWN KUNGDAWN 45:6

Karai Kasang e, na a tingnyang htani htana anga nga ai, Na a mungdan a sumdoi dingman ai sumdoi rai nga ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MAHTE 6:10

Na a mungdan du wa ru ga; Lamu tang hta, na a myit dik nga ai hte maren, ga ntsa e mung, dik lit ga law;

LUKA 11:2

Shaloi shi gaw, “Nanhte akyu hpyi yang ning ngu mu: ‘Wa e, Na a mying ningsang chyoi pra nga lit ga; Na a mungdan du wa ru ga.

LUKA 22:31

Simun, Simun e, yu u, hkaulan mam hpe hking ai zawn, nanhte hpe hking lu n ga nga, Satan gaw ahkang hpyi nga ai:

1 KORINHTU 5:4

dai Madu a nhtoi hta e, ndai wa a wenyi hkye hkrang la ai hkrum u ga, hkumhkrang hten bya na matu,

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

TITU 2:3

Dai hte maren gumgai ni mung, hkungga lara ai lailen madun mai ai hte, shi wawn n htawn ai, chyaru n len ai, mai kaja ai lam sharin achyin chye nna,

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 2:26

Dang lu ai wa hte, prat htum hkra nye a arawn alai hkan nang ai wa hpe, masha mungdan ni a ntsa e up ai ahkang ngai jaw na we ai:

SHINGRAN 7:10

Tingnyang hta dung nga ai anhte a Karai Kasang hte Sagu Kasha gaw, hkye hkrang la ai lam rai nga ai law, nga nna nsen kaba hte jahtau ma ai.