SHINGRAN 11:9 - Jinghpaw Hanson Version Bible

⁹ Shaloi masha amyu baw hta na ni mung, baw lakung hte hta na ni mung, ga amyu myu hta na ni mung, masha mungdan ni hta na ni mung, shan a moi mang hpe masum ya e chyingdaw mi tup sa hpu yu nna, dai yan a moi mang hpe lup makoi kau na n hkraw ma ai.

Jinghpaw Common Language Bible 2009

⁹ Shaloi amyu mungdan shagu hta na amyu lakung ni, ga amyu myu shaga ai ni, amyu bawsang ni gaw, shan a moi mang hpe lup makoi na ahkang n jaw ai sha masum ya e chyingdaw mi tup sa hpu yu nga na mara ai.

SHINGRAN 11:9 ပူးပေါင်းရင်းမြစ်များ

1 HKAWHKAM 13:22

Muk hkum sha, ntsin mung hkum lu, nga nga ai shara de nang bai wa nna, muk mung sha, ntsin mung lu rai ndai majaw, na a moi mang gaw na nji nwa ni a lupwa hta du wa lu na n rai,” ngu nna tsun jahtau wu ai.

HPAJI NINGLI 6:3

Masha wa gaw shaning law law hkrung nga lu nna, kasha latsa shaprat timung, shi a myit masin gaw ngamu ngamai n hkam la lu ai hte, makoi mayang n hkrum ai si wa rai yang, san mat ai nbya gaw shi hta grau kaja nga ai, ngu nna ngai tsun nngai:

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

YEREMIA 7:33

Ndai amyu ni a moi mang ni gaw, ntsa malen u ni hte nam na matse labye ni a shat tai na ra ai; dai ni hpe kadai gawn kau ai n rai.

MAHTE 7:2

Kaning rai nme law, nanhte jeyang ai hku hkan nna, nanhte jeyang ai hkrum na marin dai; nanhte hteng ya ai dang hte, nanhte hpe hteng ya na marin dai.

SHINGRAN 10:11

Bai shanhte gaw, Amyu baw law law, masha mungdan law law, ga amyu law law hte hkawhkam law law a lam, myihtoi ga nang bai tsun lu na ndai, nga nna ngai hpe tsun mi ai.

SHINGRAN 11:11

Ya dai nhtoi masum ya e chyingdaw mi lai jang, Karai Kasang kaw nna jahkrung ai nsoi nsa shan hta shang wa nna, shan gaw jan rai rawt tsap nga ma ai; shan hpe mu mada ai ni gaw, nachying hkrit gari nga ma ai.

SHINGRAN 13:7

[Chyoi pra ai ni hpe gasat dang kau na ahkang mung, shi hpe jaw wu ai]; baw lakung shagu, amyu baw shabu, ga baw amyu shagu hte mungdan shagu a ntsa e up na ahkang mung shi hpe jaw wu ai.

SHINGRAN 17:15

Bai, dai wa gaw, Shawa num dung nga ai hka nu ni gaw, masha baw amyu ni, wunawng wuwa ni, masha mungdan ni hte ga amyu ni, rai nga ma ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai:

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,