SHINGRAN 11:19 - Jinghpaw Hanson Version Bible

¹⁹ Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

Jinghpaw Common Language Bible 2009

¹⁹ Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 11:19 ပူးပေါင်းရင်းမြစ်များ

SHAKAWN KUNGDAWN 105:32

Marang a malai sin jahkrat dat nna, Shanhte a mung hta e, wan rawt nga ai.

SHAKAWN KUNGDAWN 18:12

Shi a shawng na htoi kabrim ai hte, Shi a htat ai sumwi hta na, sin hte wan n-ga poi nga ma ai.

ESAIA 28:2

Yu u, Madu gaw n-gun ja ai hte atsam rawng ai wa hpe hkang da nna, dai wa gaw, sin lawm ai jahten ai nbung laru adawt ai hte, hka hpungla kaba lim ai zawn, tinang a lata hte shanhte hpe ga du hkra kadawng kau na ra ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 32:19

Rai timung, sin hkrat ai hte dai maling kadawng daw nna, mare mung atsai awai shamyit kau ai hkrum na ra ai.

EZEKELA 13:11

Dai gaw daw wa na ra ai, ngu nna namhtun chya ai ni hpe tsun mu; marang kaba htu lim na ra ai; sin kaba hkrat na ra ai; bungsha gaw dai hpe agrawp kau na ra ai.

EZEKELA 13:13

“Dai rai nna, Madu Yehowa ning nga ai: ‘Ngai pawt sindawng ai bungsha hte, dai bunghku hpe agrawp kau na nngai; ngai pawt bu ai majaw, marang htu lim nna, myit kahtet ai majaw, sin kaba hte jahtum kau na nngai.

EZEKELA 38:22

Ngai gaw ana zinli hte mung, sat kau ai hte mung, shi hpe dawdan na nngai; shi a ntsa e mung, shi a hpyen masha ni a ntsa e mung, sin kaba, wan hte kan, tung hkra jahtu na nngai.

BU HKAWM 10:33

Shing rai shanhte gaw Yehowa a bum na pru nna, masum ya sat ai kaw du hkra hkawm sa wa ma ai: dai masum ya sat ai lam hta sa wa nga yang, Yehowa a sakse sumpu gaw shanhte but na shara tam let, shanhte a shawng e sa wa nga ai,

BU HKAWM 4:15

Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

BU HKAWM 4:5

rawt na aten du jawng, Arun hte shi a shadang sha ni sa nna, kata gawk na nba shinggang shayu la nhtawm, dai sakse sumpu hpe magap na rai mu ai:

YAWSHU 10:11

Shing rai Israela man na shanhte hprawng wa ma yang, Bet-horon kaw na yu wa ai lam e, Yehowa gaw lamu de na lungdin kaba jahkrat bun wu ai rai nna, Azeka mare du hkra adup ai hte si shajang ma ai: Israela kashu kasha ni a nhtu hte si ai hta, sin marang e si ai mahtang grau law ma ai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 12:1

Bai sumsing lamu kata e mauhpa amu kaba dan pru ai gaw: ajan lawai nna, shata kabye ai hte, shagan shi lahkawng kap ai janmau gup re ai numsha langai mi dan pru ai:

SHINGRAN 16:1

Bai, dai lamu kasa sanit hte hpe, Pru sa wa mu, Karai Kasang a sindawng kahtet rawng ai gawm sanit hpe ga ntsa de ru bun dat mu, nga nna dai nawku Htingnu kaw na pru ai nsen kaba, ngai na nngai.

SHINGRAN 16:18

dai hta kaga, myihprap kala ai, nsen kadu ai hte mu ngoi ai byin wa ai; nnang nawn kaba mung byin wa ai; ga ntsa e masha nnan lat kaw nna dai zawn kaba ai hte ja la ai nnang nawn gaw, galoi mung n byin yu ai.

SHINGRAN 16:21

Shaloi lamu de na joi mali tsa daram li ai sin kaba gaw masha ni a ntsa e htu bun nna, dai sin a ari majaw masha ni gaw Karai Kasang hpe matsa shatan ma ai: dai ari zinli gaw nachying yak kaba ai ari rai nga ai.

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

SHINGRAN 4:1

Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.

SHINGRAN 4:5

Dai tingnyang kaw na myihprap gala ai, mahku ngoi ai nsen hte mu ngoi ai gaw, pru nga ai. Dai tingnyang a man e mung, Karai Kasang a wenyi sanit ngu ai, wan pyengdin sanit tu nga ai:

SHINGRAN 7:15

Dai re ai majaw, shanhte gaw Karai Kasang a tingnyang man e ningngai nga lu ma ai hte, shi a nawku Htingnu hta shani shana shi hpe daw jau nga ma ai: tingnyang hta dung ai wa mung, shanhte a ntsa e shi a sum hpyan ka-up na ra ai.

SHINGRAN 8:5

Bai, dai lamu kasa gaw dai n-gawt hpe la nna, tawn hkungri na wan jahpring la ngut jang, mungkan ga ntsa de dai hpe jahkrat dat wu ai: shaloi mu ngoi ai, wu kadu ai nsen, myihprap kala ai hte nnang nawn byin pru wa ai.

SHINGRAN 8:7

Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.