SHINGRAN 11:15 - Jinghpaw Hanson Version Bible15 Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai. အခန်းကိုကြည့်ပါ။Jinghpaw Common Language Bible 200915 Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai. အခန်းကိုကြည့်ပါ။ |
SHINGRAN 11:15
54 ပူးပေါင်းရင်းမြစ်များ
Yehowa dai amu galaw ai majaw, sumsing lamu ni e, mahkawn mangoi nga mu; lawu tsang na gingding aga e, marawn jahtau mu: bum ni e, maling hte dai hta tu ai hpun yawng hte e, mahkawn mangoi nga mu: kaning rai nme law, Yehowa gaw Yaku hpe mawai la nna, Israela hta e tinang hkum hpe shagrau sha-a na ru ai.
Mungdan hte up ai ahkang aya, sumsing lamu ting npu na mungdan ni a daru magam hpe, Tsaw Htum ai Wa a chyoi pra ai masha ni lu la na mara ai: shi a mungdan gaw htani htana mungdan rai nga nna, up ai ahkang aya lu ai ni yawng, shi hpe daw jau let, madat mara na mara ai, nga nna ngai hpe ga lachyum shapraw dan ai.
Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.
Shaloi sumsing lamu kata na nsen kaba gaw, Ya gaw anhte a Karai Kasang a hkye hkrang la ai lam, hpung shingkang hte mungdan mung, shi a Hkristu a ahkang aya mung, rai wa sai: kaning rai nme law, anhte a Karai Kasang a man e, anhte a hpunau ni hpe shani shana mara shagun ai, jahte tam wa gaw, jahkrat kau ai hkrum nu ai.
Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.
Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai:
Bai, mali ngu na lamu kasa pahtau dum dat wu ai: shaloi lamu a nhtoi hkum ni hta na htam masum hta na htammi sin mak mat nna, shani daw masum hta na daw mi nhtoi n htoi lu na hte, shana mung dai hte maren rai mat wa na matu, ajan gaw daw masum hta na daw mi, shata gaw daw masum hta na daw mi, shagan ni mung htam masum hta na htammi grawp nip mat wa ai.
ကြော်ငြာတွေ