SHINGRAN 11:12 - Jinghpaw Hanson Version Bible

¹² Bai shan gaw, “Nang de lung wa marit,” nga nna lamu de na shan hpe shaga ai nsen kaba na mu ai; dai re ai majaw shan gaw sumsing lamu de sumwi hte lung wa ma ai rai nna, shan a hpyen ni shan hpe hkan mu dat ma ai.

Jinghpaw Common Language Bible 2009

¹² Dai hpang myihtoi yan gaw, “Nang de lung wa marit,” nga nna lamu de na shaga ai nsen kaba langai mi na mu ai; shan a hpyen ni sin yu nga yang, sumsing lamu de sumwi jawn nna lung mat wa ma ai.

SHINGRAN 11:12 ပူးပေါင်းရင်းမြစ်များ

2 HKAWHKAM 2:1

Ya Yehowa gaw Elia hpe bungsha hte sumsing lamu de shalun la na mahka e, Elia gaw Elisha hte rau Gilgala mare na pru wa ai.

2 HKAWHKAM 2:11

Shing rai shan lahkawng, tsun chyai let, naw kawm nga ma yang, yu u, wan re ai leng, wan re ai gumra ni paw pru nna shan lahkwang hpe karan jahka kau nhtawm, Elia gaw bungsha hte sumsing lamu de lung wa ai.

2 HKAWHKAM 2:5

Yerihko mare e nga ai myihtoi ma ni mung, Elisha hpang de sit sa nna, “Yehowa gaw dai ni jang, na madu hpe nang kaw na dawm la na gaw, nang chye nga nni?” ngu nna san mu yang, shi gaw, “Rai sa, ngai chye nga nngai; atsin sha nga mu,” ngu mu ai.

2 HKAWHKAM 2:7

Ya myihtoi ma ni kaw na marai manga shi tsan tsan kaw nna sa yu na nga, sa du nna tsap nga ma ai; shan lahkawng mung, Yawdan hka makau e tsap nga ma ai.

SHAKAWN KUNGDAWN 112:10

Tara n lang ai wa gaw dai hpe mu nna manawn nga ai; Wa utik let shi nga nna, byawng mat wa na ra ai. Tara n lang ai ni a ra ai hku hten mat na ra ai.

SHAKAWN KUNGDAWN 15:1

Yehowa e, na a Sum hta kadai shanu lu na rai nga a ta? Na a chyoi pra ai bum hta kadai nga lu na rai nga a ta?

SHAKAWN KUNGDAWN 24:3

Yehowa a bum de kadai lung lu na rai nga a ta? Shi a chyoi pra ai shara e kadai tsap nga lu na rai nga a ta?

SHAKAWN KUNGDAWN 86:17

Ngai hpe n dawng ai ni mu nna, kaya kahpa hkrum mu ga, Kaja ai kumla ngai hpe madun ya e: Kaning rai nme law, Yehowa e, nang ngai hpe, Karum nna shangwi shapyaw ya nit dai law.

PRU MAT 14:25

Shanhte a hpyen leng ni hpe leng dingsen ni malaw kau ya nna, sa yak shangun da mu ai: dai rai nna Egutu masha ni gaw, “Israela amyu a man na anhte hprawng sa ga: Yehowa shanhte a matu Egutu masha ni hpe gasat nga ai,” nga nna tsun shajang ma ai.

ESAIA 14:13

Nang mahtang, Sumsing lamu de ngai lung na nngai; Karai Wa a shagan ni a ntsa e, nye a tingnyang ngai shadun na we ai; dingdung maga htum, majoi shingra bum ntsa e ngai dung na nngai;

ESAIA 40:31

Yehowa hpe ala nga ai ni chyawm gaw, n-gun lu la nna, kalang zawn singkaw nnan hte pyen lung na mara ai: shanhte gat timung, hki ba na n rai, hkawm timung, n-gun yawm na n rai.

ESAIA 60:8

Sumwi zawn mawng nna, tinang a tsip de pyen wa ai hkrudu zawn, pyen wa ai ni gaw, kadai ni rai ma ta?

MALAHKI 3:18

nna Zaw nawng zaw wa up ai Yehowa tsun ai.

LUKA 16:23

Katsan ga e nachying nni nkri hkrum let shi mada yu nna, Abraham hpe mung, shi a lahpyen hta rawng ai Lazaru hpe mung, mu wu ai.

KASA 1:9

Ndai tsun nga yang, shanhte yu nga ninglen shi hpe ntsa de shalun la ai rai nna, sumwi gaw shanhte a man na shi hpe magap la mat wa ai.

1 HTESALONI 4:17

dai hpang, dai Madu hpe Ka-ang ganghkau e hkrum na matu, hkrung nga ai hte naw hti ngam nga ai ni anhte gaw, shanhte hte rau sumwi ntsa de shalun la ai hkrum na ra ga ai rai nna, anhte gaw dai Madu hte rau tutnawng e anga nga na ra ga ai.

SHINGRAN 12:5

Shaloi dai numsha gaw, amyu baw shagu hpe hpri sumdoi hte up na ra ai shadang lasha shangai wu ai: shi a kasha hpe Karai Kasang a man de mung, shi a tingnyang man de mung, gare shalun la wu ai.

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.

SHINGRAN 4:1

Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.