SHINGRAN 11:11 - Jinghpaw Hanson Version Bible

¹¹ Ya dai nhtoi masum ya e chyingdaw mi lai jang, Karai Kasang kaw nna jahkrung ai nsoi nsa shan hta shang wa nna, shan gaw jan rai rawt tsap nga ma ai; shan hpe mu mada ai ni gaw, nachying hkrit gari nga ma ai.

Jinghpaw Common Language Bible 2009

¹¹ Ya dai nhtoi masum ya e chyingdaw mi lai jang, Karai Kasang kaw nna jahkrung ya ai nsoi nsa shan hta shang wa nna, shan gaw jan rai, rawt tsap ma ai; shan hpe mu mada ai ni gaw, nachying hkrit gari nga ma ai.

SHINGRAN 11:11 ပူးပေါင်းရင်းမြစ်များ

NINGPAWT NINGHPANG 2:7

Shaloi Yehowa Karai Kasang gaw aga hta na ga yun hte shinggyim hkrang shachyaw wu ai rai nna, shi a ladi hta hkrung ai nsoi nsa kawut bang ya wu ai: dai rai nna shinggyim masha gaw hkrung nga ai myit masin rawng ai masha tai wa ai.

YEREMIA 33:9

Ndai mare masha ni hpe ngai galaw ai ngamu ngamai lam yawng, ga ntsa amyu ni mahkra na lu nna, ndai mare a matu ngai shapraw ai mai kaja ai hte ngwipyaw ai lam hpe tau yu nna, hkrit gari let mau mahka nga ma ai majaw, ndai mare gaw nye a matu kabu gara ai mying, shakawn kungdawn shara hte arawng sadang, shanhte a man e tai na ra ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

KASA 5:11

Dai rai nna, Hpung ting hte, dai lam na mana ni yawng, nachying hkrit kahpra mat wa ma ai.

KASA 5:5

Dai ga na jang Anani gaw kadawng si mat ai: dai na ai ni yawng mayawng mung nachying hkrit kahpra mat ma ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga a yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkumhkrang ni hpe mung, jahkrung ya na marin dai.

ROMA 8:2

Kaning rai nme law, Hkristu Yesu hta e jahkrung ya ai Wenyi a tara gaw, yubak a tara hta na rai timung, si mat ai tara hta na rai timung, ngai hpe shalawt dat ni ai.

YAWSHU 2:9

“Yehowa ndai mungdan nanhte hpe jaw kau sai mung, nanhte hpe anhte hkrit mak mat nna, nanhte a majaw mung masha ni nlang minla byaw mat masai mung, ngai chye ni ai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 11:9

Shaloi masha amyu baw hta na ni mung, baw lakung hte hta na ni mung, ga amyu myu hta na ni mung, masha mungdan ni hta na ni mung, shan a moi mang hpe masum ya e chyingdaw mi tup sa hpu yu nna, dai yan a moi mang hpe lup makoi kau na n hkraw ma ai.