SHINGRAN 10:9 - Jinghpaw Hanson Version Bible

⁹ Shaloi dai lamu kasa kaw ngai sa nna, Dai laika shabawn kaji ngai hpe jaw rit, ngu we ai. Shi gaw, La nna sha kau u; dai gaw na a kan hta hka na ra ai, rai timung, n-gup e gaw, lagat jahku zawn dwi na ra ai, nga nna ngai e tsun ai.

Jinghpaw Common Language Bible 2009

⁹ Shaloi dai lamu kasa kaw ngai sa nna, “Dai laika shabawn kaji ngai hpe jaw rit,” ngu we ai. Shi gaw, “La nna sha kau u, dai gaw na a kan hta hka na ra ai, rai ti mung n-gup e gaw lagat ntsin zawn dwi na ra ai,” nga nna ngai hpe tsun ai.

SHINGRAN 10:9 ပူးပေါင်းရင်းမြစ်များ

YOBA 23:12

Shi n-gup na htet da ai ga, ngai n lai kau nngai; ngai ra ai lam hta, shi tsun ai ga hpe ngai grau sharawng nngai;

YEREMIA 15:16

Zaw nawng zaw wa up ai Karai Kasang Yehowa e, na a mungga hpe ngai mu hkrup nna, sha kau se ai; ngai gaw na amying mying ai wa rai nga ai majaw, na a mungga gaw nye a kabu gara shara hte, nye myit sharawng awng ai lam, tai wa sai.

EZEKELA 2:8

Nang mahtang, masha kasha e, ngai tsun ai ga madat u; dai gumlau ai amyu zawn, gumlau myit hkum rawng et; na a n-gup mahka nna, ngai jaw ai hpe sha u,” nga ai.

EZEKELA 3:14

Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

KOLOSE 3:6

dai hte a majaw Karai Kasang a pawt sindawng ai gaw du ra ai.

SHINGRAN 10:10

Shaloi dai laika shabawn kaji hpe lamu kasa a lata na ngai la nna sha dat we ai: dai gaw nye a n-gup hta lagat jahku zawn dwi li ai; rai timung, dai hpe sha ngut jang, nye a kan hka mat li ai.