SHINGRAN 10:5 - Jinghpaw Hanson Version Bible

⁵ Dai shaloi, nammukdara ntsa hte hkarang ntsa e tsap nga ai, ngai mu ai lamu kasa gaw, shi a hkra lata lamu de ladawn nna,

Jinghpaw Common Language Bible 2009

⁵ Dai hpang, panglai hte hkarang ntsa e tsap nga ai, ngai mu ai lamu kasa gaw, shi a hkra lata lamu de sharawt ladawn nna,

SHINGRAN 10:5 ပူးပေါင်းရင်းမြစ်များ

NINGPAWT NINGHPANG 14:22

Shaloi Abram gaw Sodom hkawhkam wa hpe, “Abram hpe ngai sut jasu se ai, nga nna nang tsun shara n nga u ga,

NEHEMIA 9:6

Nang nan Yehowa rai nga ndai; nang gaw sumsing lamu hte sumsing lamu ni a sumsing lamu hte de a zaw nawng zaw wa ni hpe mung, ginding aga hte dai hta nga manga hpe mung, nammukdara hte dai hta rawng marawng hpe mung, hpan tawn da nna, mahkra hpe bau sin nga ndai: sumsing lamu a zaw nawng zaw wa ni gaw nang hpe nawku nga ma ai.

SHAKAWN KUNGDAWN 146:5

Yaku a Karai Wa, karum ai wa rai nna, Shi a Karai Kasang Yehowa hpe, myit mada nga ai wa gaw, a nga ai.

PRU MAT 20:11

kaning rai nme law, Yehowa gaw kru ya laman e, sumsing lamu hte ginding aga, nammukdara hte nga yawng nga pra hpe hpan hpajang da nna, sanit ya ngu ai nhtoi hta ban sa nga wu ai: dai re ai majaw Yehowa gaw dai sanit ya nhtoi hpe shaman nna shachyoi shapra da nu ai.

PRU MAT 6:8

Abraham, Isak, Yaku hte hpe jaw na ngu nna dagam da ai mung de ngai nanhte hpe woi wa nna, sali wunli matu jaw na made ai: ngai Yehowa rai nga nngai,” ngu wu ai.

EZEKELA 20:15

Dai hta n-ga, mungdan ni mahkra hta grau kaja nna, ngai shanhte hpe jaw da sai, nga chyu hte lagat jahku lwi ai mung de, n woi wa na matu, nam mali e ngai shanhte hpe dagam ni ai:

EZEKELA 20:23

dai hta kaga, masha amyu ni hta shanhte hpe shabra kau nna, mungdan ni hta ayai kau na matu, nam mali e ngai shanhte hpe dagam nngai:

EZEKELA 20:28

shanhte hpe jaw na ngu, ngai dagam da ai mung de, woi wa yang, shanhte gaw tsaw ai kawng shagu hte, wum ai hpun shagu hkungga nawng ya let, ngai hpe pawt bu shangun ai kumhpa ni jaw nga ma ai: dai yang e mung, shanhte manam pyaw ai baw nat nawng ya nna, dumhpung hkungga ru jaw mu ai.

EZEKELA 20:42

Nanhte a nji nwa ni hpe jaw na ngu, ngai dagam da ai Israela mung de, ngai nanhte hpe woi jashawn yang, ngai Yehowa rai nga ai hpe, nanhte chye lu na marin dai.

EZEKELA 20:5

Madu Yehowa ning nga ai, ngu nna shanhte hpe tsun u: Israela amyu hpe ngai lata la nna, Yaku dap na aru arat hpe ga shaka tawn da ai hte, Egutu mung hta nye hkum shanhte hpe shadan dan ai shani e, Ngai gaw nanhte a Karai Kasang Yehowa rai nga nngai, ngu nna shanhte hte dagam ai ga tawn da nngai:

EZEKELA 36:7

Madu Yehowa ning nga ai: Gaja wa nanhte a grup yin e nga ai amyu ni gaw, tinang nan shatan nhkan hkrum na mara ai,’ nga nna ngai dagam ni ai.

EZEKELA 47:14

Nanhte a nji nwa ni hpe ngai dagam da ai hte maren, ndai mungdan gaw nanhte a sali ga tai wa nna, nanhte langai hte langai tinang hte seng ai sali wunli, maren hkam la na myit dai.

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

KASA 14:15

“Hkau hte e, hpa rai dai galaw wa myit ta? An mung nanhte hte maren shinggyim masha yan sha rai ga ai; ndai kaman lila amu kau da nna, sumsing lamu hte ginding aga, nammukdara hte dai hta rawng ai nga manga hpe hpan tawn da ai, ahkrung nga ai Karai Kasang hpang de kayin wa myit ga, ngu nna she nanhte hpe kabu gara shiga hkaw dan ai rai nga ai.

KASA 17:23

Kaning rai nme law, ngai lai hkawm wa nna, nanhte jaw jau ai rai ni hpe mada yu yang, N chye gaw ai Karai Wa matu, nga nna ka tawn ai hkungri langai mi mung, ngai mu hkrup we ai: dai nanhte n chye let nawku ai wa a lam, ngai nanhte hpe hkai dan made ga,

ROMA 1:20

Shabyin da ai arai ni hpe tau yu yang, ginding aga lat kaw nna shi a marai nsam ngu ai, htani htana atsam hte Karai Kasang shing-yan gaw, leng leng a dan nga ai; dai rai nna, shanhte a mara raw na lam htum mat malu ai.

TARA JAHPRANG 32:40

Sumsing lamu de nye a lata ngai ladawn nna, Htani htana ahkrung nga ai wa ngai rai nga nngai hte maren:

HEBRE 6:13

Kaning rai nme law, Karai Kasang gaw Abraham hpe ga ndat da ai shaloi e, shi hta grau ai wa hpe gang nna dagam na n nga ai majaw, tinang hkum hpe gang let,

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 10:2

shi a lata hta hpaw nga ai laika shabawn kaji lang da wu ai; shi a hkra lagaw hpe nammukdara ntsa e, pai lagaw hpe hkarang ntsa e kabye da nna,

SHINGRAN 14:7

shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.

SHINGRAN 16:17

Bai, sanit ngu na wa shi a gawm nbung hta ru gat dat wu ai: shaloi, “Ngut mat sai,” nga nna nawku Htingnu kata tingnyang kaw na nsen kaba pru wa ai:

SHINGRAN 4:11

Anhte a Madu Karai Kasang e, nga yawng nga pra hte hpe nang hpan tawn da nna, dai hte gaw na a myit ra ai hku jaw e tai ma ai hte hpan tawn da hkrum ma ai majaw, nang gaw hpung shingkang, arawng sadang hte hpung shingkang lu la na ging dan nga ndai law, nga nna shakawn na ma ai.

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,