SHINGRAN 10:4 - Jinghpaw Hanson Version Bible

⁴ Dai mu ngoi ai mahku sanit tinang a nsen shapraw dat ma yang, ngai ka da na maw nga nngai; shaloi, Dai mu ngoi ai mahku sanit shapraw ai lam hpe dazik shakap u, dai hte hpe hkum ka da et, nga nna sumsing lamu de na tsun pru ai nsen ngai na nngai.

Jinghpaw Common Language Bible 2009

⁴ Dai mu ngoi ai mahku a nsen shaga shapraw dat ai shaloi jang, ngai ka da na maw nngai. Rai ti mung sumsing lamu de nna, “Ndai mu ngoi ai nsen sanit tsun dan sai hpe makoi magap da u, hkum ka da et!,” nga nna tsun pru ai nsen ngai na nngai.

SHINGRAN 10:4 ပူးပေါင်းရင်းမြစ်များ

ESAIA 29:11

Shingran yawng nanhte a man e dazik kap ai laika hte bung nga ai: laika chye hti ai wa hpe,” Ataw, dai hti yu u,” ngu yang, shi gaw, “Dazik kap ai majaw n hti lu nngai,” nga ai;

ESAIA 8:1

Bai Yehowa gaw, Hpunpyen kaba la nhtawm, dai hta e, “Mahera-shalala-hash-bat a matu,” ngu nna masha ka ai hku ka da u;

ESAIA 8:16

Nye a sape ni kaw, ndai sakse ga hpe kyem da u, ndai tara hpe dazik shakap da u.

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

Daniela 12:9

Shaloi dai wa gaw, “Daniela e, sa wa su; dai ga gaw amu htum ai aten du hkra, ip da nna, dazik kap nga ai.

Daniela 8:26

Dai hta kaga, shana hte jahpawt a lam, madun dan ai shingran ga teng nga ai: rai timung, dai shingran ga hpe naw ip da u; kaning rai nme law, de a lachyum gaw naw na ai nhtoi hte seng nga ai,” nga nna ngai hpe tsun ai.

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 1:19

Dai re ai majaw, nang mu lu sai hpe mung, ya nga nga ai hpe mung, htawm hpang e du na ra ai lam hte hpe mung, ka da u:

SHINGRAN 10:8

Dai hta n-ga, lamu de na ngai na yu ai nsen ngai hpe bai tsun ai gaw, nammukdara hte hkarang ntsa e tsap nga ai lamu kasa a lata e hpaw nga ai laika hpe sa la su, nga ai.

SHINGRAN 22:10

Bai shi gaw, “Ndai laika hta rawng ai myihtoi ga hpe dazik hkum shakap et; kaning rai nme law, ahkying ladaw ni wa magang ra ai.