SHINGRAN 10:11 - Jinghpaw Hanson Version Bible

¹¹ Bai shanhte gaw, Amyu baw law law, masha mungdan law law, ga amyu law law hte hkawhkam law law a lam, myihtoi ga nang bai tsun lu na ndai, nga nna ngai hpe tsun mi ai.

Jinghpaw Common Language Bible 2009

¹¹ Dai hpang lamu kasa gaw, “Amyu baw law law, masha mungdan law law, hte hkawhkam law law a lam Karai Kasang a mungga kalang mi bai nang tsun lu na ndai,” nga nna ngai hpe tsun ai.

SHINGRAN 10:11 ပူးပေါင်းရင်းမြစ်များ

YEREMIA 25:13

Maigan amyu ni mahkra hpe lakap nna, Yeremia myihtoi htoi ai hte, ndai laika hta ka da mada hte maren, ndai mungdan hpe sha-ang ai, nye a ga mahkra hpe ngai shadik na nngai:

EZEKELA 37:4

Bai shi gaw, “Ndai nrut nra ni a lam myihtoi htoi nna, hkaw tsun u: ‘Hkraw mat ai nrut nra ni e, Yehowa ga madat mara mu;

EZEKELA 37:9

Shaloi shi gaw, “Myihtoi htoi u, masha kasha e, nbung hpe myihtoi htoi u; nbung hpe htawn tsun u, ‘Madu Yehowa ning nga ai: Nbung e, ga man mali de na pru nna, ndai si mang ni gaw hkrung wa lu hkra, shanhte a ntsa e ahpawt u,’ nga nna ngai hpe tsun ai.

SHINGRAN 10:10

Shaloi dai laika shabawn kaji hpe lamu kasa a lata na ngai la nna sha dat we ai: dai gaw nye a n-gup hta lagat jahku zawn dwi li ai; rai timung, dai hpe sha ngut jang, nye a kan hka mat li ai.

SHINGRAN 11:1

Bai, ri lan zawn re ai mai-aw nren langai mi ngai hpe ya nna, marai langai mi, “Rawt u, Karai Kasang a nawku Htingnu hpe mung, tawn hkungri hpe mung, dai yang e nawku ai ni hpe mung, shadawn yu u.

SHINGRAN 11:9

Shaloi masha amyu baw hta na ni mung, baw lakung hte hta na ni mung, ga amyu myu hta na ni mung, masha mungdan ni hta na ni mung, shan a moi mang hpe masum ya e chyingdaw mi tup sa hpu yu nna, dai yan a moi mang hpe lup makoi kau na n hkraw ma ai.

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai:

SHINGRAN 17:10

hkawhkam sanit mung rai nga ai; manga gaw hkrat sai, langai mi gaw ya nga nga ai, ngam ai langai mi gaw garai n du ai; dai wa du ai shaloi aten loi sha mi nga lu na ra ai:

SHINGRAN 17:12

Bai nang mu ai nrung shi gaw, mungdan garai n hkam la lu ai hkawhkam shi rai nga ma ai: shanhte gaw dai matse labye hte rau hkawhkam aya ngu ai hpe ahkying mi ting hkam la ma ai.

SHINGRAN 17:15

Bai, dai wa gaw, Shawa num dung nga ai hka nu ni gaw, masha baw amyu ni, wunawng wuwa ni, masha mungdan ni hte ga amyu ni, rai nga ma ai.

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,