SHINGRAN 10:10 - Jinghpaw Hanson Version Bible

¹⁰ Shaloi dai laika shabawn kaji hpe lamu kasa a lata na ngai la nna sha dat we ai: dai gaw nye a n-gup hta lagat jahku zawn dwi li ai; rai timung, dai hpe sha ngut jang, nye a kan hka mat li ai.

Jinghpaw Common Language Bible 2009

¹⁰ Shaloi dai laika shabawn kaji hpe ngai la nna sha dat we ai: dai gaw nye a n-gup hta lagat ntsin zawn dwi li ai; rai ti mung, dai hpe ngai ma-ut ngut jang, nye a kan hta hka mat li ai.

SHINGRAN 10:10 ပူးပေါင်းရင်းမြစ်များ

SHAKAWN KUNGDAWN 104:34

Nye a myit htang ai ga hta, shi awng nga u ga, Ngai mahtang Yehowa hta kabu na nngai.

SHAKAWN KUNGDAWN 119:103

Na a mungga gaw gade dwi nga a hka! Nye a n-gup hta lagat jahku hta grau dwi nga ai.

SHAKAWN KUNGDAWN 19:10

Dai hte gaw aja hte jet htum ai aja hta grau mai ra nna, Lagat jahku hte gitbaw hta n-ga, grau dwi nga ma ai.

GA SHAGAWP 16:24

Ngwi ai ga gaw, gat baw zawn rai nga nna, Myit matu dwi ai, hkumhkrang a matu hkam kaja ai lam rai nga ai.

EZEKELA 2:10

shi dai laika katsu hpe nye a man e hpyan yang, dai man lahkawng hta, sharung shayawt ai yawn hkyen ai hte dingnye ga hpring nga ai.

EZEKELA 3:14

Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

EZEKELA 3:3

Shaloi shi gaw, “Masha kasha e, ngai nang hpe jaw ai ndai laika katsu hpe sha kau nna, na a kan hpe jahpring u,” nga nna tsun ai hte maren ngai sha nngai: dai gaw nye a n-gup hta e lagat jahku zawn dwi nga ai.

SHINGRAN 10:11

Bai shanhte gaw, Amyu baw law law, masha mungdan law law, ga amyu law law hte hkawhkam law law a lam, myihtoi ga nang bai tsun lu na ndai, nga nna ngai hpe tsun mi ai.

SHINGRAN 10:9

Shaloi dai lamu kasa kaw ngai sa nna, Dai laika shabawn kaji ngai hpe jaw rit, ngu we ai. Shi gaw, La nna sha kau u; dai gaw na a kan hta hka na ra ai, rai timung, n-gup e gaw, lagat jahku zawn dwi na ra ai, nga nna ngai e tsun ai.