SHINGRAN 1:7 - Jinghpaw Hanson Version Bible

⁷ Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

Jinghpaw Common Language Bible 2009

⁷ Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

SHINGRAN 1:7 ပူးပေါင်းရင်းမြစ်များ

YOBA 33:26

Karai Wa hpe shi akyu hpyi nna, chyeju hkan la let, kabu gara ai myit hte shi a myi man hpe mu lu na ra ai: masha hpe shi a dinghpring ai akyu, shi nhtang jaw na ra ai.

SHAKAWN KUNGDAWN 22:16

Kaning rai nme law, gwi ni ngai hpe jawm nna, N hkru ai shawa hpung ngai hpe grup ma ni ai: Nye a lagaw lata hpe mung jahpye ya ma ni ai.

SHAKAWN KUNGDAWN 68:1

Karai Kasang rawt nna, shi hpe gumlau ai ni bra mat mu ga, Shi hpe n dawng ai ni shi a man na hprawng mu ga.

SHAKAWN KUNGDAWN 97:2

Sumwi hte nsin shi a grup yin e nga nga ma ai; Dingman ai hte tara dara ai gaw, shi a tingnyang a npawt nhpang rai nga ai.

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

NAHUM 1:3

Yehowa gaw myit galu kaba nna, n-gun atsam ja nga ai: shi gaw mara kap ai wa hpe shalawt dat na n rai: Yehowa gaw bungsha hte laru marang hta yu wa nna, sumwi ni gaw shi a lagaw npu na ga nhpu rai nga ai.

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

ZEHKARIA 12:11

Dai shani e Megido kadit hta e, Hadarimon a matu, hkrap ngu hkrap ngoi rai nga ai zawn, Yerusalem mare hta e, hkrap ngu hkrap ngoi kaba, rai na ra ai.

BU HKAWM 24:17

Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 16:28

Ngai nang hpe teng teng tsun made ga, nang e tsap nga ai ni nkau mi, dai Masha Kasha gaw shi a mungdan hta du wa ai hpe, garai n mu mu gaw, si ai n hkrum na ma ai,” ngu mu ai.

MAHTE 24:30

Dai shaloi e Masha Kasha a kumla gaw, sumsing lamu hta e dan pru na ra ai; shaloi jang ga ntsa na amyu baw shagu ni sharung shayawt let dai Masha Kasha gaw daru magam hte hpung shingkang kaba hte nawng lamu a sumwi hta du sa ai hpe, mu lu na mara ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

MARKU 13:26

Dai shaloi e Masha Kasha gaw daru magam hte hpung shingkang kaba hte nawng sumwi ni hta e du sa ai hpe, shanhte mu na mara ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw hpung shingkang a hkra maga e dung nga nna, lamu na sumwi ni hte sa du ai hpe, nanhte mu na marin dai,” ngu wu ai.

LUKA 21:27

Dai shaloi e Masha Kasha gaw, daru magam hte hpung shingkang kaba hte nawng sumwi hta du sa ai hpe, shanhte mu na mara ai.

YAWHAN 19:34

rai timung hpyen masha langai mi gaw, shi a garep hpe ri hte galun waw ya wu ai rai nna, shaloi jang sai hte ntsin pru wa ai.

YAWHAN 19:37

Bai laika langai mi hta, “shanhte galun waw ai wa hpe shanhte mu lu na maru ai,” nga ai.

1 HTESALONI 1:10

sumsing lamu de na shi a Kasha hpe ala nga ai lam, tsun hkat nga ma ai: dai Kasha gaw si mat ai ni kaw na sharawt la nna, du na ra ai pawt sindawng ai hta na anhte hpe mawai la sai Yesu nan rai nga ai.

1 HTESALONI 4:17

dai hpang, dai Madu hpe Ka-ang ganghkau e hkrum na matu, hkrung nga ai hte naw hti ngam nga ai ni anhte gaw, shanhte hte rau sumwi ntsa de shalun la ai hkrum na ra ga ai rai nna, anhte gaw dai Madu hte rau tutnawng e anga nga na ra ga ai.

HEBRE 10:29

dai rai yang gaw, Karai Kasang a Kasha hpe kabye shingkawt kau nna, tinang hkum hpe shachyoi shapra ya ai ga shaka a asai hpe awu asin di kau ai hte, chyeju madun ya ai Wenyi hpe n kaw n law di kau ai wa gaw, dai hta grau ai ari gade hkrum ging ai, ngu nna nanhte nawn da myit ta?

HEBRE 6:6

bai htak mat wa ai ni gaw, Karai Kasang a Kasha hpe tinang hkum nan wudang hta bai jen da nna, shi hpe n gawn n sawn di kau mu ai majaw, myit malai ningnan bai lu la na matu, lam kanang mung n hku malu ai.

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.

YUDA 1:14

Adam kaw na prat sanit hta du ai Enuk mung, shanhte hpe myihtoi ga tsun mu ai rai nna, Yu mu, yawng mayawng hte hpe tara dara na mara ai rai nna,

SHINGRAN 22:20

Ndai lam hte hpe sakse hkam ya ai wa gaw, “Rai sa; ngai alawan du na ring ngai,” nga ai. Amen. Madu Yesu e, Yu wa rit law.

SHINGRAN 22:4

shanhte gaw shi a myi man hpe ayu nga lu na mara ai rai nna, shanhte a lahtan ni hta shi a amying nsang kap na ra ai.

TARA AGYI 5:31

“Yehowa e, nang hpe hpyen ai ni nlang, dai zawn hten bya ga du mu ga law, Yehowa hpe tsawra ai ni, hpung shingkang hte rawt pru a Ningju jan zawn, kang nga manu ga law,” nga nna shakawn kungdawn nga ma ai. Dai kaw nna mali shi ning tup mung ting majan sim mat ai.