SHINGRAN 1:13 - Jinghpaw Hanson Version Bible

¹³ Shing rai kayin yu yang, ja pyengdin sanit hte dai pyengdin ni a ka-ang e masha Kasha zawn san ai wa langai mi ngai mu nngai: dai wa gaw lahkre du ai palawng galu bu hpun nna, sinda hta aja shingkyit kyit nga ai.

Jinghpaw Common Language Bible 2009

¹³ dai ni a ka-ang e masha zawn san ai wa langai mi shi a lagaw lahkre du hkra re ai bu hpun palawng bu hpun nna shi a sinda hta ja shingkyit kyit nga ai hpe ngai mu nngai.

SHINGRAN 1:13 ပူးပေါင်းရင်းမြစ်များ

PRU MAT 39:5

Yehowa Mawshe hpe hkang da ai hte maren, kyit ma matu dai hte seng ai reng ai shingkyit mung, dai hpa hkai lawng hte langai sha di nna, aja, sawm tsit ai, hkyeng mang ai, hkyeng tsawm ai ri hte, kaboi ngut sai mani ai lachyit ri a galaw mu ai.

ESAIA 11:5

Dinghpring ai gaw shi nshang a shingkyit, kangka re ai gaw shi hkumhkrang a shingkyit, rai nga ai.

Daniela 10:16

Shaloi yu u, masha kasha nsan ai wa langai mi gaw nye a n-gup hpe ahtawk ya ai; shing rai ngai n-gup hpaw nna, “Nye a madu e, ndai shingran majaw, nye a ntsa e yawn hkyen ai du nna, ngai gawng kya nga nngai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

Daniela 7:9

Shaloi tingnyang ni hpe shadun da nna, moi chyaloi nhkoi na wa langai mi dung nga ai du hkra, ngai mu mada nngai; shi a hpun palawng hkyen zawn hpraw nna, shi a kara seng ai sagu mun hte bung nga ai; shi a tingnyang wan shinglet, de a dingsen ni grung ai wan rai nga ai.

JAW JAU 8:7

Arun hpe palawng jahpun nna shingkyit kyit ya wu ai; palawng galu hte hpa hkai lawng mung hpun ya nhtawm hpa hkai lawng a reng ai shingkyit hte dai hpe kyit ya wu ai.

HEBRE 4:15

Kaning rai nme law, anhte a gawng kya ai lam hpe matsan n chye dum ai hkinjawng agyi wa anhte lu ga ai n rai; lam shagu hta anhte zawn gunglau hkrum yu timung, yubak mara n kap ai hkinjawng agyi wa she lu ga ai.

SHINGRAN 14:14

Yu mu, sumwi ahpraw ngai mu nngai; dai sumwi ntsa e masha kasha hte bung ai wa dung nga ai; shi a baw hta aja janmau gup nna, shi a lata hta dai ai nhkyau lang da wu ai.

SHINGRAN 15:6

dai Htingnu kaw na ari zinli sanit lang ai lamu kasa sanit pru sa ma ai; shanhte gaw htoi tu san pra ai lungseng mawn sumli nna, tinang a sinda e aja shingkyit kyit nga ma ai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai: