SHINGRAN 1:11 - Jinghpaw Hanson Version Bible

¹¹ Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

Jinghpaw Common Language Bible 2009

¹¹ Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:11 ပူးပေါင်းရင်းမြစ်များ

ESAIA 30:8

Nang ya sa su; ndai ga gaw htani htana prat dingsa agrin nga lu hkra, shanhte a man e lungpa hta tawk da u, laika shabawn hta ka da u:

HABAKU 2:2

Shaloi Yehowa ngai hpe htan nna, Shingran ga hpe ka da u; hti ai wa gaw gat let hti lu hkra, dai hpe lungpa hta dan dan pra pra ka da u.

KASA 16:14

Shaloi, Karai Kasang hpe nawku ai, Htuatira mare na, sumpan hkyeng dut ai num, Ludi ngu ai jan anhte a ga na la nna, Pawlu tsun dan ai lam hpe madat mara u ga nga, Madu gaw shi a myit hpaw ya wu ai.

KASA 18:24

Dai hte yang, Apolo ngu ai, Alesandru mare na, zai byeng-ya rawng ai Yuda masha langai mi, Ehpesu mare de du ai: dai wa gaw, Chyum laika grai chye chyang ai wa rai nga ai.

KASA 20:17

Ya Pawlu gaw Melitu mare na Ehpesu mare de masha shangun nna, Hpung na salang ni hpe shaga mu ai.

1 KORINHTU 15:32

Ngai gaw Ehpesu mare hta e masha ni zawn, matse labye hte gasat nngai rai timung, nye a matu hpa akyu nga a ta? Si mat ai ni bai n hkrung rawt wa na rai yang gaw, anhte sha ga, lu ga, hpawt ni she si na ga ai.

1 KORINHTU 16:8

Dai Pentekoti poi du hkra, Ehpesu mare hta e ngai naw anga nga na nngai.

EHPESU 1:1

Karai Kasang a myit ra ai a majaw, Hkristu Yesu a kasa rai nga ai, ngai Pawlu gaw, Ehpesu mare hta e nga ai chyoi pra ai ni hte, Hkristu Yesu hta kangka rai nga ai ni hpe, ga shana dat nngai.

TARA JAHPRANG 31:19

Dai rai nna, ndai mahkawn mangoi ga hpe ka tawn da nna, Israela kashu kasha ni hpe sharin ya mu: dai mahkawn mangoi ga gaw Israela kashu kasha ni a man e nye a lam sakse tai nga na matu shanhte a n-gup hta rawng nga malu ga.

KOLOSE 2:1

Kaning rai nme law, nanhte hte Ladoki masha ni a matu mung, nye a myi man n mu yu ai ni yawng a matu mung, Hkristu ngu ai Karai Kasang a sung htum ai lam shanhte chye chyang lu hkra, tsawra ai myit hte makyit mahkai nna zai byeng-ya ting ngu ai hkum tsup re ai sutgan hpe lu la let,

1 TIMOHTI 1:3

Sharin shaga ai lam kaga n sharin la lu mu ga mung, makam masham hta jung nga ai Karai Kasang a shadaw shalan ai lam n shabyin ai sha,

SHINGRAN 1:17

Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,

SHINGRAN 1:19

Dai re ai majaw, nang mu lu sai hpe mung, ya nga nga ai hpe mung, htawm hpang e du na ra ai lam hte hpe mung, ka da u:

SHINGRAN 1:2

Yawhan mung, Karai Kasang a mungga hte, Yesu Hkristu hte seng ai sakse a lam mu mamu hte hpe sakse hkam ya wu ai.

SHINGRAN 1:20

nye a hkra lata hta nang mu lu ai shagan sanit hte, aja pyengdin sanit ni amau htum ai lam, ka da u; dai shagan sanit gaw, Hpung sanit ni a kasa ni rai nga ma ai, dai pyengdin sanit mung, Hpung sanit rai nga ai.

SHINGRAN 1:4

Ngai Yawhan gaw, Asia mung e nga ai Hpung sanit hte hpe, ga shana dat nngai; ndai aprat e, moi na aprat e anga nga nna, htawm hpang e du na ra ai wa kaw nna mung; shi a tingnyang man e nga ai wenyi sanit kaw nna mung;

SHINGRAN 1:8

“Ngai gaw Alhpa mung rai nga nngai, Omega mung rai nga nngai,” nga nna ndai aprat e, moi na aprat e anga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai.

SHINGRAN 10:4

Dai mu ngoi ai mahku sanit tinang a nsen shapraw dat ma yang, ngai ka da na maw nga nngai; shaloi, Dai mu ngoi ai mahku sanit shapraw ai lam hpe dazik shakap u, dai hte hpe hkum ka da et, nga nna sumsing lamu de na tsun pru ai nsen ngai na nngai.

SHINGRAN 14:13

Shaloi, “Ya kaw nna dai Madu hta si wa ai ni gaw, a lu ma ai,” ngu nna ka da u, nga ai nsen gaw sumsing lamu de na, ngai na nngai: dai Wenyi mung, “Rai sa, shanhte a amu bungli a akyu gaw, shanhte kaw hkan nang nga ai majaw, tinang a magam bungli hta na, shanhte ban sa ai hkrum mu ga,” nga ai.

SHINGRAN 19:9

Bai, dai lamu kasa gaw, “Dai Sagu Kasha a hkungran ai poi de shaga la hkrum ai ni gaw, a lu ma ai,” ngu nna ka da u, nga nna mung, “Ndai ga gaw Karai Kasang a tengman ai mungga rai nga ai, nga nna mung,” ngai hpe tsun nngai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai:

SHINGRAN 2:12

Bai, Pergamu mare na Hpung a kasa hpe ning ngu ka dat u: Nshan lahkawng dai ai ntawng nhtu lang ai wa gaw, ning nga nga ai:

SHINGRAN 2:18

Bai, Htuatira mare na Hpung a kasa hpe ning ngu ka dat u: Wan shinglet zawn tu ala ai myi hte, magri jet zawn san ai lagaw tu ai Karai Kasang a Kasha gaw, ning nga nga ai:

SHINGRAN 2:24

Dai hta kaga, masha ni shamying dam ai, Satan a sung htum ai lam hpe n chye n chyap ma ai hte, dai sharin shaga ai lam hpe n hkan nang ai, Htuatira mare hta naw ngam nga ai ni nanhte hpe ngai tsun made ai gaw, Ngai nanhte hta lit kaga naw n shajat na ni ai:

SHINGRAN 2:8

Bai, Samurna mare na Hpung a kasa hpe ning ngu ka dat u: Si sai rai timung ahkrung nga ai ningshawng wa hte jahtum rai nga ai wa gaw, ning nga nga ai:

SHINGRAN 21:5

Dai tingnyang hta dung nga ai wa mung, “Yu u, arai yawng mayawng hpe ngai ningnan bai gaw da nngai,” nga nna tsun ai. Bai shi gaw, “Ka da u; ndai ga gaw kangka re ai ga, tengman ai ga rai nga ai,” nga nna tsun ai.

SHINGRAN 22:10

Bai shi gaw, “Ndai laika hta rawng ai myihtoi ga hpe dazik hkum shakap et; kaning rai nme law, ahkying ladaw ni wa magang ra ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 3:1

Bai, Sardi mare na Hpung a kasa hpe ning nga ka dat u: Karai Kasang a wenyi sanit hte shagan sanit hpe lang ai wa gaw, ning nga nga ai: Na a arawn alai ngai chye nga nngai; nang gaw asak hkrung ai wa ngu timung, nang chyasi rai nga ndai.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai:

SHINGRAN 3:4

Rai timung, tinang a hpun palawng hpe awu asin n shakap ai amying nkau mi, Sardi hpung hta lawm nga lit dai: shanhte gaw ging dan nga ma ai majaw, hpraw ai bu hpun let, ngai hte rau hkawm sa lu na mara ai.

SHINGRAN 3:7

Bai, Hpiladehpi mare na Hpung a kasa hpe ning ngu ka dat u: Chyoi pra ai wa, tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa, ning nga nga ai: