Shawlumon A Mahkawn Ga 8:6 - Jinghpaw Hanson Version Bible

⁶ Ngai hpe na a myit masin ntsa e dazik zawn, Na a lahpum ntsa na dazik zawn shakap e. Kaning rai nme law, sumtsaw sumra gaw si hkrung si htan hte maren ja nga ai; Nsu nnawn myit gaw Katsan ga hta grau yak nga ai; shi a n-gun gaw wan n-gun hte, Yehowa kaw na myihprap n-gun rai nga ai.

Jinghpaw Common Language Bible 2009

⁶ Ngai hta lai nna na a tsaw ra myit masin kadai hpe mung hkum hpaw ya et; ngai hta lai kadai hpe mung hkum ahpum et. Tsaw ra myit gaw si hkrung si htan zawn n-gun ja nga ai; masin pawt ai gaw si hkrung si htan zawn n-gun ja nga ai. Dai gaw wan numli zawn kapaw ayai nna grung nga ai wan zawn hkru nga ai.

Shawlumon A Mahkawn Ga 8:6 ပူးပေါင်းရင်းမြစ်များ

1 HKAWHKAM LABAU 11:18

shaloi dai marai masum Hpilisti dap de htim bang nna, Betlehem chyinghka makau na ntsin ja la nhtawm, Dawi hpang de la wa mu ai: rai timung, Dawi gaw n lu hkraw ai sha Yehowa man e ru kau let,

SHAKAWN KUNGDAWN 120:4

Share wa a dai ai pala hte, Marau hpun na wan n-ga, nang hkrum na rin dai.

SHAKAWN KUNGDAWN 63:1

Karai Kasang e, nye a Karai Wa nang rai nga ndai, Jahpawt jau jau e, ngai nang hpe tam na nngai. Hka n rawng ai hkraw ai hte krin ai prang hta e, Nye a myit masin nang hpe shagroi gara nga nna, Nye a hkum shan nang hpe marit nga ai.

SHAKAWN KUNGDAWN 84:2

Nye a myit masin Yehowa a wang ni hpe marit nna ndawt nga ai; Nye a myit hte hkum shan gaw, ahkrung nga ai Karai Wa hpe kabu gara jahtau nga ai.

PRU MAT 28:21

Israela amyu shi lahkawng rai nga ai hte maren, dai lungseng ni mung, shanhte a amying hkan nna shi lahkawng rai na rai nga ai: dazik hta tawk ka ai zawn langai hte langai hta mying kap nna, dai gaw amyu shi lahkawng a matu gu gu rai na rai nga ai.

GA SHAGAWP 25:22

Shing rai yang, nang shi a baw ntsa e grung nga ai wan n-ga sumpum da nna, Yehowa nang hpe shabrai jaw na ra ai.

GA SHAGAWP 6:34

Kaning rai nme law, la wa gaw n ju n dawng ai myit rawng nna, Ari jaw ai shani e matsan dum nga na n rai.

Shawlumon A Mahkawn Ga 5:8

Yerusalem a shayi chyinghkawn ni e, Ngai tsawra ai wa hpe nanhte mu hkrup yang, Ngai sumtsaw sumra hte machyi nga ai lam, shi hpe tsun shana ya mi, ngu nna ngai nanhte hpe htet da nngai law.

ESAIA 49:16

Yu u, nye a lata lahpan hta ngai nang hpe ka da ni ai; na a mare bunghku ni, nye a man e tutnawng rai nga ai.

YEREMIA 22:24

Yehowa ning nga ai: Yuda hkawhkam Yehoiakim a kasha Hkonia gaw, nye a hkra lata dazik lachyawp rai nga timung, ngai hkrung nga ai hte maren, ngai nang hpe malaw kabai kau na nngai.

HAGI 2:23

Zaw nawng zaw wa up ai Yehowa ning nga ai: Nye a shangun ma, Shelatila kasha, Zerubabela e, ndai shani e ngai nang hpe woi la nna, nye a dazik lachyawp zawn san da na nngai, nga nna Yehowa tsun ai: kaning rai nme law, ngai nang hpe lata la ni ai, nga nna, Zaw nawng zaw wa up ai Yehowa tsun ai.

ZEHKARIA 3:9

Yoshua man e ngai shadun da ai nlung hpe mada yu mu; nlung langai mi hta myi sanit tu nga ai; yu u, dai hta tawk ang ai hpe ngai tawk ka da nna, lani mi hta sha dai mungdan a shut ai mara hpe, htawm kau na nngai,’ nga nna Zaw nawng zaw wa up ai Yehowa tsun ai.

BU HKAWM 25:11

“Nye a manawn masham myit hte Israela kashu kasha ni hpe ngai n jahtum kau hkra, hkinjawng Arun a kashu Eleaza kasha Hpineha gaw, shanhte hta ngai hpang maga myit kaba ai majaw, nye a pawt bu ai masin hpe Israela kashu kasha ni hta na shabai kau ni ai.

BU HKAWM 5:14

madu jan a hkum yuk nga sai nga nna myit machyi ai rai yang mung, madu jan hta yuk ai n yuk ai rai timung, madu wa n kam nna myit machyi nga ai rai yang mung;

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

ROMA 12:20

Dai hta n-ga, nang hpe hpyen ai wa kawsi nga a yang, shi hpe shat jaw u; hpang gara nga a yang, lu na jaw u: dai lam galaw n yang gaw, shi a baw ntsa e grung nga ai wan n-ga nang sumpum da na wu ai.

2 KORINHTU 11:2

Kaning rai nme law, Karai Kasang a nja nhpra ai hte maren, ngai nanhte a lam nja nhpra rai nga nngai; nanhte hpe hkawnsek hpe zawn Hkristu kaw jaw ya nna, madu langai sha hte ngai nanhte hpe hkungran ya made ai.

TARA JAHPRANG 32:21

Karai Kasang n re ai hte shanhte ngai e n ju shangun nna, Shanhte a rai dum la ai myit hte shapawt mi ai: Dai re ai majaw, hti n mai ai amyu hte ngai shanhte hpe manawn shangun nna, Angawk angak re ai amyu hte shapawt na mawe ai.

2 TIMOHTI 2:19

Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.