Shawlumon A Mahkawn Ga 6:4 - Jinghpaw Hanson Version Bible

⁴ Nye nja jan e, nang gaw Tirza mare zawn, tsawm nga ndai; Yerusalem mare zawn, tsawm htap nga ndai; Dawnghkawn lang ai luksuk zawn, hkrit mai nga ndai.

Jinghpaw Common Language Bible 2009

⁴ Nye a nja jan e, nang gaw Yerusalem mare zawn tsawm htap nga nna; Tiza mare zawn yu tsawm nga ndai, dai hkik hkam ai mare ni zawn yu mau na daram rai nga ai.

Shawlumon A Mahkawn Ga 6:4 ပူးပေါင်းရင်းမြစ်များ

1 HKAWHKAM 14:17

Shing rai Yeroboam a madu jan gaw rawt pru wa nna, Tirza mare de du ai: shi nta chyinghka hkinbawng du wa yang, dai ma gaw si wa sai.

1 HKAWHKAM 15:21

Ya Basha gaw dai lam na wu yang, shi Rama mare hpe n de shangut ai sha Tirza mare hta nga nga ai.

1 HKAWHKAM 15:33

Yuda hkawhkam Asa hkaw dung ai masum ning hta e, Ahiya kasha Basha gaw, Tirza mare hta e, Israela masha ni mahkra a ntsa e hkaw dung hpang nna, hkun mali ning up nga ai.

SHAKAWN KUNGDAWN 48:2

Ngoi rai nna tsaw lung wa ai, Dingdung maga e nga ai Ziun bum gaw, Mungkan ting na ngwipyaw shara rai nga ai: Hkawhkam kaba a mare mung, dai rai nga ai.

SHAKAWN KUNGDAWN 48:3

Karai Kasang shawung shara rai nga ai gaw, De a htingnu ni hta e, shi madun dan ya mu ai.

SHAKAWN KUNGDAWN 50:2

Tsawm htum ai Ziun bum kaw nna, Karai Kasang gaw htoi tu nga ai.

Shawlumon A Mahkawn Ga 1:15

Yu u, nye nja jan e, nang hpraw tsawm nga ndai; Gaja wa, tsawm htap nga ndai: Na a myi gaw hkrudu myi hte bung nga ai.

Shawlumon A Mahkawn Ga 1:5

Yerusalem a shayi sha ni e, Ngai gaw, Kedera sum ni zawn, ahpraw chyang timung, Shawlumon a nba grang ni zawn, naw tsawm nga nngai.

Shawlumon A Mahkawn Ga 2:14

Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

Shawlumon A Mahkawn Ga 4:7

Nye a nja nan e, nang hkum ting tsawm htap nga ndai; Hpa htenza ai hkang mung, nang hta n nga ai.

Shawlumon A Mahkawn Ga 5:2

Ngai yup pyaw nga timung, nye myit dum nga ai: Ngai tsawra ai wa gaw, Ngai jan, nye nja jan, Nye hkrudu, ra n rawng ai nye a num e, hpaw ya e law: Nye baw gaw mari hte, nye kara gaw shana na saiwan hte madi nga ai, nga nna akawk let tsun nga ai.

Shawlumon A Mahkawn Ga 6:10

Jahpawt manap ahtoi zawn dan hkung ai hte, Shata zawn hpraw tsawm, ajan zawn kabrim nna, Dawnghkawn lang ai luksuk zawn hkrit mai ai jan gaw, kadai rai ta?

SHARUNG SHAYAWT 2:15

Lam e lai wa ai ni yawng, “Ataw, masha ni kajai ai hte maren, Ndai mare gaw, Tsawm Htum ai hte, Ga ntsa ting a kabu gara shara ngu na mare rai ni?” Nga nna san let, Yerusalem shayi sha hpe lahpawk dum nna, lahpyaw let baw kanga nga ma ai.

ZEHKARIA 12:3

Dai hta kaga, dai aten e ngai gaw, masha amyu ni mahkra a matu, Yerusalem mare hpe li la ai nlung shatai na nngai; dai nlung hpe hpai kau mayu ai ni yawng, hkala nba hkrum na mara ai: dai hpe dang kau na matu, ga ntsa amyu baw ni yawng rau zuphpawng na mara ai.

2 KORINHTU 10:4

anhte a majan gasat na ri nhtu ni gaw hkum shan hte n seng ai sha, hpyen dap ni hpe sharun shabya na matu, Karai Kasang a man e atsam n-gun rawng nga ai;

EHPESU 5:27

chyoi pra ai hte mara n rawng ai hpung shingkang rawng ai Hpung hpe shi hkum nan a matu mara ap tawn da na, de a matu shi hkum nan hpe ap kau wu ai.

SHINGRAN 21:2

Shaloi chyoi pra ai mare ngu ai Yerusalem ningnan gaw, la ningnan a matu mawn sumli ai num ningnan zawn, lajang shachyip ngut nna, Karai Kasang a man sumsing lamu de na yu hkrat wa ai, ngai mu nngai.