Shawlumon A Mahkawn Ga 6:13 - Jinghpaw Hanson Version Bible

¹³ Shulami num e, wa rit, wa rit; Anhte nang hpe mu lu hkra, wa rit, wa rit. Mahkana-im ka manau ai mada yu ai zawn, Shulami num hpe, hpa mada yu shara nga a ta?

Jinghpaw Common Language Bible 2009

¹³ Shulam numsha e, ka manawt u, ka manawt u. Nang ka manawt ai hpe anhte mu lu u ga. Nanhte gaw masha ni jawm yu nga ai ka-ang e ngai ka manawt ai hpe hpa majaw yu mayu myit ta?

Shawlumon A Mahkawn Ga 6:13 ပူးပေါင်းရင်းမြစ်များ

NINGPAWT NINGHPANG 32:2

Yaku mung shi sa ai lam bai sa wa ai rai nna Karai Kasang a lamu kasa ni shi hpe sa tau mu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 SAMUELA 17:24

Shaloi Dawi gaw Mahana-im de du ai. Absalom hte shi kaw hkan nang ai Israela masha ni nlang Yawdan hka rap ma ai.

SHAKAWN KUNGDAWN 76:2

Shalem hta e, shi a sum nga nga nna, Ziun bum hta e, shi a shanu shara rai nga ai.

Shawlumon A Mahkawn Ga 1:6

Ngai gaw jan katen nna, ahpraw chyang nngai majaw, Ngai hpe hkum yu dingrawng mi: Nye nu a shadang sha ni gaw ngai hpe n dawng nna, Tsabyi sun ni hpe lajang shangun ma ai: Nye tsabyi sun chyawm gaw, ngai n lajang lu nngai.

Shawlumon A Mahkawn Ga 2:14

Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

Shawlumon A Mahkawn Ga 6:12

Nye a myit ra katu ai majaw, n dum shami e, Arawng sadang lu ai ni a leng ni ngai hpe shinggrup ma ai.

ESAIA 8:6

“Ndai amyu gaw angwi sha lwi ai Shilo hkaraw na hka hpe gang kau nna, Rezin hte Remalia kasha hta kabu ma ai majaw,

YEREMIA 3:22

Htak mat ai ma ni e, bai wa marit; nanhte a htak mat ai hpe ngai shamai shatsai na nngai. Yu u, anhte nang hpang de wa ga ai; nang gaw anhte a Karai Kasang Yehowa rai nga ndai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 7:44

Shaloi dai numsha hpang de shi kayin nna, Simun hpe, Ndai numsha hpe nang mu da wu ni? Ngai na a nta de shang tim’ lagaw shin na ntsin nang n jaw ndai: shi chyawm gaw myi prwi hte nye a lagaw madit ya nna, shi a kara hte katsut kau ya ni ai.

YAWHAN 10:16

Ndai ulawng hte n seng ai sagu kaga mung ngai naw lu nngai: dai sagu ni hpe mung ngai woi wa lu na rai nna, dai ni mung nye a nsen madat na mara ai; shaloi sagu hpung langai sha, sagu rem wa langai sha, rai na ra ai.

YAWHAN 9:7

“Silum hka lawng de sa kashin su,” ngu nna shi hpe tsun dat wu ai: dai hte maren shi sa kashin nna, myi mu ai hte bai wa ai: (Silum ngu ai gaw, shangun dat ngu ai, rai nga ai.)

ROMA 3:29

Dai n rai yang gaw, Karai Kasang gaw Yuda ni a Karai Kasang sha rai nga a ni? maigan ni a Karai Kasang mung shi rai nga ai, n rai ni?

ROMA 7:23

rai timung, nye a daw shan ni hta e tara kaga gaw, nye myit mang hta rawng ai tara hte gasat hkat nga ai rai nna, nye daw shan ni hta e rawng ai yubak a tara hta e ngai hpe bawng dung shangun nngai, ngai mu ni ai.

GALATI 5:17

Kaning rai nme law, hkum shan gaw Wenyi hte nhtan shai nna marin nga ai; Wenyi mung hkum shan hte nhtan shai nna marin nga ai: nanhte galaw mayu ai n galaw lu myit ga, dai lahkawng gaw shada da nhtan shai hkat nga ma ai.

2 HTESALONI 1:10

n madat ai ni gaw dai Madu a myi man hte shi a atsam a hpung shingkang hte, hka wa na htani htana hten nan ai ari ahpri hkrum na mara ai.

HEBRE 7:2

Salem hkawhkam hte Tsaw Htum ai Karai Kasang a hkinjawng wa rai nga ai rai nna, ga lachyum hku hkan yang, shawng na gaw, dinghpring ai a Hkawhkam, bai, Salem hkawhkam ngu ai gaw, ngwipyaw ai a Hkawhkam, ngu ai rai nga ai:

TARA AGYI 21:21

shing rai Shilo mare na shayi sha ni poi shang na nga, ka let pru wa yang, tsabyi sun hkan na htim nna, dai Shaloi mahkawn ni hpe langai hte langai tinang a madu jan shatai na matu, rim la nhtawm, Ben-yamin ga de woi mat wa mu. Shanhte a kayung kawa ni anhte kaw sa deng yang, anhte gaw, Anhte a myi man hpe tau yu nna, shanhte hpe a jaw a ya kau mu; dai numsha ni hpe majan hku, shanhte a matu anhte rim ya kau ai n rai; nanhte mung dingsa jaw ya ai n rai; dai re ai majaw nanhte hta hpa ra n rawng ai, ngu nna anhte nem ya na ga ai,” ngu dan mu ai.