Shawlumon A Mahkawn Ga 6:11 - Jinghpaw Hanson Version Bible

¹¹ Kadit e tu ai namsi bawng ni hpe yu na matu mung, Tsabyi ru ni majawm n majawm, Hkainu si ni pu n pu, mada yu na matu mung, Ngai gaw namsi sun de yu wa nngai.

Jinghpaw Common Language Bible 2009

¹¹ Kadit e tu ai hkai bawng ni tu n tu, sabyi ru ni lap prut n prut, hkainu si hpun ni pu n pu, sa yu na matu namsi sun de ngai yu wa nngai.

Shawlumon A Mahkawn Ga 6:11 ပူးပေါင်းရင်းမြစ်များ

NINGPAWT NINGHPANG 2:9

Ya Yehowa Karai Kasang gaw yu chyoi ai hte sha na matu mai kaja ai hpun amyu myu hpe, ga hta nna tu shangun wu ai: dai sun a ka-ang e asak jahkrung jaw ai hpun hte, kaja ai hte n kaja ai chye ginhka shangun ai hpun mung tu nga ai.

NINGPAWT NINGHPANG 40:10

dai tsabyi ru hta lakung masum kung nga ai; dai lakung ni hta apu majawm ai hte pu pu ma ai; tsabyi si sumbaw ni mung myin nga ma ai.

Shawlumon A Mahkawn Ga 5:1

Ngai jan, nye num ningnan e, nye sun de ngai shang ni ai: Nye mura hte manam pyaw ai baw ngai di la ni ai; Nye gitbaw hte lagat jahku hpe, ngai sha lu ni ai; Nye nga chyu hte rau lagat jahku hpe ngai lu lu ni ai: Makyin jinghku ni e, sha mu; Tsawra ai ni e, lu mu, hkru hkra lu mu.

Shawlumon A Mahkawn Ga 6:12

Nye a myit ra katu ai majaw, n dum shami e, Arawng sadang lu ai ni a leng ni ngai hpe shinggrup ma ai.

Shawlumon A Mahkawn Ga 6:2

Ngai tsawra ai wa gaw, shi a sun hta namsi sha nna, hka law pan di la na nga, Shi a sun hte, manam pyaw ai nampan lawk de, yu wa sai.

Shawlumon A Mahkawn Ga 7:12

Tsabyi ru ni majawm n majawm mung, de a nampan ni pu n pu mung, Hkainu si ni pu an n an mung, mada yu ga: Dai yang e nye a tsawra myit nang hpe ap na de ai.

Shawlumon A Mahkawn Ga 7:13

Ngai tsawra ai wa e, dudim hpun ni manam pyaw nga ai: Anhte a chyinghka makau e, dwi ai sau ai, namsi amyu myu nsa nnan, Na a matu ngai mahkawng da nngai.

MARKU 11:13

Shaloi tsan tsan kaw na, alap lap ai maihpang hpun langai mi shi mu hkrup nna, dai hta e si langai ngai lu la lu na, shi myit nna sit sa wa ai. Dai de du wa yang, maihpang si si na aten n re ai majaw, alap sha shi mu wu ai rai nna,

LUKA 13:7

Dai rai nna shi gaw, ‘Yu u, ngai masum ning tup dai maihpang hpun hta na asi sa tam timung n mu we ai; dai hpe kran kau u: hpa rai ga lahpawt tu nga na a ta?’ ngu nna tsabyi sun lajang ai wa hpe tsun wu ai.

YAWHAN 15:16

Nanhte ngai hpe lata la myit dai n rai, ngai she nanhte hpe lata la made ai rai nna, nanhte gaw pru sa nna, asi si na hte, nanhte a asi grin nga u ga, ngu nna mung, nye a amying hte Wa kaw nanhte hpyi mahpyi lu la mu ga, ngu nna mung, ngai nanhte hpe san da masade ai.

KASA 15:36

Dai hpang, nhtoi ram ram na wa jang, Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai, bai sa kawan yu saga,” ngu nna tsun wu ai.