Shawlumon A Mahkawn Ga 6:10 - Jinghpaw Hanson Version Bible

¹⁰ Jahpawt manap ahtoi zawn dan hkung ai hte, Shata zawn hpraw tsawm, ajan zawn kabrim nna, Dawnghkawn lang ai luksuk zawn hkrit mai ai jan gaw, kadai rai ta?

Jinghpaw Common Language Bible 2009

¹⁰ Jahpawt manap nhtoi zawn praw rai mada yu ai gaw kadai wa rai ta? Shi gaw jan shata zawn htoi tu nga ai rai nna tsawm htap ai hte kabrim nga ai.

Shawlumon A Mahkawn Ga 6:10 ပူးပေါင်းရင်းမြစ်များ

2 SAMUELA 23:4

Marang hpawng ai hpang na ahtoi mahpaw hta, Ga na tsit lali ai tsingdu hpe shaprut ai, Lamu n mung ai jahpawt manap na Jan praw a tu kabrim ai ahtoi hte bung nga ai.

YOBA 11:17

Na a asak gaw jan pungding hta grau htoi na ra ai; nsin sin timung, jahpawt manap zawn leng na ra ai.

YOBA 31:26

htoi kabrim ai ajan hte htoi leng hkawm ai shata hpe, ngai mada yu let,

SHAKAWN KUNGDAWN 14:5

Karai Kasang gaw dai dingman ai amyu hte nga nga ai majaw, Shanhte dai yang e hkrit kaba hte hkrit gari wa masai.

GA SHAGAWP 4:18

Dinghpring ai ni a lam chyawm gaw, jahpawt nhtoi hte bung nga ai; Dai gaw nhtoi leng hkra ahtoi ahkung wa nga ai.

Shawlumon A Mahkawn Ga 1:15

Yu u, nye nja jan e, nang hpraw tsawm nga ndai; Gaja wa, tsawm htap nga ndai: Na a myi gaw hkrudu myi hte bung nga ai.

Shawlumon A Mahkawn Ga 3:6

Mura, lawban hte, hpaga ga ai ni dut ya ai, Manam pyaw ai baw amyu myu chya shamut nna, Wan hkut zawn mawng let, Zaibru jang de na lung wa ai wa gaw, kadai wa rai ta?

Shawlumon A Mahkawn Ga 6:4

Nye nja jan e, nang gaw Tirza mare zawn, tsawm nga ndai; Yerusalem mare zawn, tsawm htap nga ndai; Dawnghkawn lang ai luksuk zawn, hkrit mai nga ndai.

Shawlumon A Mahkawn Ga 8:5

Shi a tsawra ai wa a lata hta shamyet let, Nam mali de na pru ai num gaw, kadai wa rai ta? Ngai nang hpe ndai magaw hpun npu e jasu ni ai: Dai yang e na nnu gaw, nang hpe shangai nna, Nang hpe shangai ai kanu shinggyim machyi hkrum sai.

ESAIA 58:8

Shing rai na a nhtoi gaw, jahpawt manap na nhtoi zawn, htoi wa nna, na a hkam kaja ai gaw alawan tu na ra ai; na a dinghpring ai lam na a shawng e sa wa nna, Yehowa a hpung shingkang na a hpang e sin langa tai na ra ai.

ESAIA 63:1

Reng htum ai hpun palawng bu hpun nna, daru magam hpung hte nawt hkawm let, Edom mung hte Bozra mare kaw nna, ahkyeng nsan ai hpun palawng hte sa du ai wa gaw, kadai wa rai ta? Dinghpring ai mungga tsun nna, hkye hkrang la na matu n-gun atsam rawng ai, ngai nan wa rai nga nngai.

HOSEA 6:5

Dai re ai majaw ngai shanhte hpe, myihtoi ni a ga hte kahtum gadaw di kau ni ai; nye a n-gup na pru ai ga hte shanhte hpe sat kau ni ai: ngai jeyang ai lam gaw, htoi tu ai nhtoi zawn, rai nga ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

MAHTE 13:43

Dai shaloi e dinghpring ai ni gaw shanhte a Kawa a mungdan hta e, ajan zawn htoi kabrim na mara ai; na tu ai wa gaw na la u ga.

MAHTE 17:2

Shaloi shanhte a man e shi ahpraw asam galai wa ai hte, shi a myi man gaw, jan zawn htoi kabrim nna, shi a hpun palawng nhtoi zawn hpraw tu wa lu ai:

ROMA 8:37

N rai law, anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai.

EHPESU 5:27

chyoi pra ai hte mara n rawng ai hpung shingkang rawng ai Hpung hpe shi hkum nan a matu mara ap tawn da na, de a matu shi hkum nan hpe ap kau wu ai.

SHINGRAN 1:16

Shi a hkra lata hta shagan sanit lang da wu ai; shi a n-gup hta na nshan lahkawng dai ai ntawng nhtu pru nga ai; shi a myi man gaw htoi kang ai jan zawn tu ala nga ai.

SHINGRAN 10:1

Bai, sumwi lawai nna, sumsing lamu de na yu hkrat wa ai n-gun ja ai lamu kasa kaga hpe ngai mu nngai; shi a baw hta n-goilatum jung nga ai, shi a myi man gaw jan zawn htoi tu nga ai, shi a lagaw yan wan shadaw zawn rai nga ai:

SHINGRAN 12:1

Bai sumsing lamu kata e mauhpa amu kaba dan pru ai gaw: ajan lawai nna, shata kabye ai hte, shagan shi lahkawng kap ai janmau gup re ai numsha langai mi dan pru ai:

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 22:5

Htawm hpang e shana mung n nga na ra ai; pyengdin a ahtoi mung, jan a nhtoi mung shanhte n ra ma ai: kaning rai nme law, dai Madu Karai Kasang gaw shanhte hpe ahtoi jaw na wu ai; dai hta n-ga, shanhte gaw htani htana prat dingsa up nga lu na mara ai.