Shawlumon A Mahkawn Ga 5:6 - Jinghpaw Hanson Version Bible

⁶ Nye tsawra ai wa matu, ngai hpaw nga yang, Ngai tsawra ai wa gaw kayin nna hkawm mat wa sai: Shi a ga dum let, ngai myit kahpra nga nngai: Ngai shi hpe tam timung, n mu, Shaga timung, n htan pru nga ai.

Jinghpaw Common Language Bible 2009

⁶ Nye tsaw ra a matu ngai chyinghka hpaw dat nngai, rai ti mung shi hkawm mat wa sanu hka! Shi a nsen hpe ngai kade sha na mayu nga n hka! Ngai shi hpe tam yu tim, n mu tam lu ni ai; shi hpe shaga tim, shi htan ya na matu na ai n rai.

Shawlumon A Mahkawn Ga 5:6 ပူးပေါင်းရင်းမြစ်များ

NINGPAWT NINGHPANG 42:28

Dai rai nna shi gaw kahpu kanau ni hpe, Nye a gumhpraw bai bang da ya mi hka, dai gaw jan mahka e rawng nga li ai, ngu nna tsun wu ai; shaloi shanhte myit mak mat nna, hkrit gari let, Karai Kasang anhte hpe galaw ai ndai gaw, hpa rai nga ai i? nga nna shada da tsun let mau nga ma ai.

2 SAMUELA 16:10

Hkawhkam wa chyawm gaw, “Zeruia kasha ni e, nanhte hte hpa seng a ta? Matsa nga u ga. Dawi hpe matsa su, ngu nna Yehowa shangun dat nu ai; dai rai nna nang hpa majaw shing rai n ta? nga nna kadai gawn lu a ta?” ngu wu ai.

SHAKAWN KUNGDAWN 28:1

Yehowa e, nang hpe ngai jahtau nga nngai; Nye a lunghkrung e, na lahpang ai wa zawn hkum tai et: Nang atsin sha nga n yang gaw, nsung hku hta shang ai ni zawn, Ngai mung rai na rai nga nngai.

SHAKAWN KUNGDAWN 30:7

Yehowa e, nang gaw na a n-gaw nnyeng hte nye a bum hpe shangang da nu ai; Na a myi man hpe makoi kau yang, ngai mak mak rai nga nngai.

SHAKAWN KUNGDAWN 69:3

Shaga ai hte ngai hki ba nga nngai, nye a mayu kasa mat sai; nye a Karai Kasang hpe ala nga let, nye a myi amam mat sai.

SHAKAWN KUNGDAWN 77:3

Karai Kasang hpe dum yang, ngai madai nga nngai; Myit sumru nga yang, nye a wenyi htan wa li ai. [Selah.]

SHAKAWN KUNGDAWN 80:4

Zaw nawng zaw wa up ai Karai Kasang Yehowa e, Nang gaten du hkra na amyu a hpyi ai ga hpe pawt nga na n ta?

GA SHAGAWP 1:28

Nanhte ngai hpe shaga timung, ngai n htan na nngai, Ngai hpe tam shakut myit timung, n mu lu na mi ai.

Shawlumon A Mahkawn Ga 5:2

Ngai yup pyaw nga timung, nye myit dum nga ai: Ngai tsawra ai wa gaw, Ngai jan, nye nja jan, Nye hkrudu, ra n rawng ai nye a num e, hpaw ya e law: Nye baw gaw mari hte, nye kara gaw shana na saiwan hte madi nga ai, nga nna akawk let tsun nga ai.

Shawlumon A Mahkawn Ga 5:4

Nye tsawra ai wa gaw, chyinghka lakran hku shi a lata manaw bang da nga ai rai nna, Nye a myit masin gaw shi a lam kadau nga ai majaw,

Shawlumon A Mahkawn Ga 6:1

Numsha ni hta grau tsawm ai na e, Na a tsawra ai wa gaw, gade sa wa sata? Anhte nang hte rau shi hpe hkan tam lu hkra, Na a tsawra ai wa gaw, gara de ang wa sata?

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 50:2

Ngai sa du yang hpa majaw masha kata, ngai shaga yang, htan ai wa hpa majaw n nga a ta? Nye a lata gaw gadun nna, n hkye hkrang la lu ai rai ni? ngai gaw mawai la lu na atsam n rawng a ni? Yu u, ngai daru yang, nammukdara ni hkyet kan mat nna, hka nu ni zaibru jang, tai mat wa ai: hka n nga ai majaw, nga ni hpang kara ai hte si wa nna, manam hkying nga ma ai.

ESAIA 57:16

Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

ESAIA 58:2

Rai timung shanhte gaw shani shagu ngai hpe hkan tam nna, nye a lam ni chye lu hkra, awng sharawng ma ai: dinghpring ai lam hkan nna, tinang Karai Kasang a ga matsun ni hpe hkan shatup ai amyu zawn, shanhte ngai kaw nna dinghpring ai tara lam hpyi let, Karai Kasang hpang de sit sa na, sharawng nga ma hka!

ESAIA 8:17

Ngai mahtang, Yaku a nta hpe myi man makoi kau ai Yehowa hpe ala nga nna, shi hpe myit mada na nngai.

SHARUNG SHAYAWT 3:8

Gaja wa ngai shaga nna tawngban timung, shi nye a akyu hpyi ai ga hpe gang kau nu ai.

HOSEA 5:15

Shanhte gaw tinang a yubak hpe yin la nna, nye a myi man hpe hkan tam ai du hkra, ngai pru nna, nye a shara de bai wa na nngai: ru tsang hkrum yang, shanhte ngai hpe tsam mari hkan tam na mara ai.

HOSEA 5:6

Shanhte gaw tinang a sagu yamnga hpung ni hpe gawt let, Yehowa hpe sa tam timung, shi hpe n mu ma ai: shi shanhte hte tsan gang mat sai.

ZEHKARIA 7:13

‘Shing rai, ngai shaga yang, shanhte n madat ai zawn, shanhte shaga yang, ngai mung n madat ni ai,’ nga nna Zaw nawng zaw wa up ai Yehowa tsun ai:

MAHTE 26:75

Dai rai nna, Petru gaw, ‘U garai n goi yang, nang ngai hpe masum lang nyet kau na rin dai,’ nga nna Yesu tsun ai ga hpe dum dat wu ai: shaloi shi gaw shinggan de pru nna ja ja hkrap nga ai.

MARKU 14:72

Shaloi jang, dai u lahkawng lang bat goi nga ai. Dai rai nna Petru gaw, “U lahkawng lang garai n goi yang, nang ngai hpe masum lang nyet kau na rin dai,” ngu nna Yesu shi hpe tsun ai ga hpe myit dum dat ai hte rau, hkrap nga ai.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.

1 SAMUELA 28:6

Shawlu gaw Yehowa kaw san wu timung, Yehowa n htan ya wu ai; yup mang hta mung, Urim hta mung, myihtoi hta mung, n htan ya wu ai.