Shawlumon A Mahkawn Ga 5:16 - Jinghpaw Hanson Version Bible

¹⁶ Shi a n-gup hta na ga dwi ga sau pru nga ai: Rai sa, shi gaw hkum ting tsawra mai nga ai. Yerusalem na shayi chyinghkawn ni e, Dai wa gaw, ngai tsawra ai wa, nye a kanawn wa, rai nga ai.

Jinghpaw Common Language Bible 2009

¹⁶ Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

Shawlumon A Mahkawn Ga 5:16 ပူးပေါင်းရင်းမြစ်များ

2 SAMUELA 1:23

Shawlu yan Yonahtan, hkrung nga dingsa tsawra nja, Si wa sai mung n daw n hka; Shan gaw, wa hpai kalang hta grau laram, Hkanghkyi hta n-gun grau ningtsam rai ma ai.

SHAKAWN KUNGDAWN 119:103

Na a mungga gaw gade dwi nga a hka! Nye a n-gup hta lagat jahku hta grau dwi nga ai.

SHAKAWN KUNGDAWN 148:13

Yehowa a amying hpe dai ni shakawn nga mu ga; Kaning rai nme law, shi a amying chyu sha grau nga ai. Shi a hpung shingkang mung, ginding aga hte, Sumsing lamu a ntsa e chyam nga ai.

SHAKAWN KUNGDAWN 19:10

Dai hte gaw aja hte jet htum ai aja hta grau mai ra nna, Lagat jahku hte gitbaw hta n-ga, grau dwi nga ma ai.

SHAKAWN KUNGDAWN 45:2

Masha kasha ni hta nang ahpraw grau tsawm nga ndai. Na a n-gup hta chyeju ru bang ya nga ai. Dai majaw Karai Kasang gaw nang hpe tut tut shaman ya ndai.

SHAKAWN KUNGDAWN 89:6

Lamu sumwi hta e Yehowa hte kadai wa bung nga a ta? Hpara kasha ni hta Yehowa hte kadai wa pre nga a ta?

Shawlumon A Mahkawn Ga 1:16

Yu u, ngai tsawra ai wa e, nang mahtang Tsawm htap nna, tsawra mai nga ndai;

Shawlumon A Mahkawn Ga 1:2

Shi gaw, shi pup ai hte ngai hpe pup ya u ga; Na a sumtsaw sumra gaw, tsabyi jahku hta grau kaja nga ai.

Shawlumon A Mahkawn Ga 1:5

Yerusalem a shayi sha ni e, Ngai gaw, Kedera sum ni zawn, ahpraw chyang timung, Shawlumon a nba grang ni zawn, naw tsawm nga nngai.

Shawlumon A Mahkawn Ga 2:1

Ngai chyawm gaw, Sharun pa na mari pan, Kadit hkan e tu ai hkalaw pan sha, rai nga nngai.

Shawlumon A Mahkawn Ga 2:16

Ngai tsawra ai wa gaw, nye a rai nga ai, Ngai mung shi a rai nga nngai. Shi gaw hkalaw pan prang e sagu ni hpe shayaw nga ai.

Shawlumon A Mahkawn Ga 2:3

Ngai tsawra ai wa mahtang, maling e tu ai lwi dwi hpun zawn, Brang sek ni a ka-ang e, dan nga ai. Ngai gaw shi a shingnip kata e ngwipyaw let dung nga nna, De a asi gaw nye a n-gup hta dwi nga ai.

Shawlumon A Mahkawn Ga 4:3

Na a nten ni, hkyeng tsawm ai sumri hte bung nna, Na a n-gup tsawm htum nga ai: Na a shabyi ni, myi man magap shinggan e, Hkainu si shari hte bung nga ai.

Shawlumon A Mahkawn Ga 6:3

Ngai tsawra ai wa gaw, nye a rai nga ai, ngai mung shi a rai nga nngai; Shi gaw hka law pan prang e shi a sagu ni hpe shayaw nga ai.

Shawlumon A Mahkawn Ga 7:9

Na a n-gup gaw kaja htum ai tsabyi jahku zawn rai nga u ga: Dai tsabyi jahku gaw ngai tsawra ai wa a matu pyaw ai luhpa rai nga nna, Yup pyaw ai ni a n-gup de ndum shami lwi du nga ai.

YEREMIA 15:16

Zaw nawng zaw wa up ai Karai Kasang Yehowa e, na a mungga hpe ngai mu hkrup nna, sha kau se ai; ngai gaw na amying mying ai wa rai nga ai majaw, na a mungga gaw nye a kabu gara shara hte, nye myit sharawng awng ai lam, tai wa sai.

YEREMIA 3:20

Israela dap e, madu jan gaw madu wa hta sadi n dung ai hte maren, gaja wa nanhte gaw ngai hta sadi n dung myit dai, nga nna Yehowa tsun ai.

HOSEA 3:1

Bai Yehowa gaw, “Israela kashu kasha ni hpara shaje hkan tam nna, tsabyi si dik ra nga timung, ngai Yehowa nan shanhte hpe tsawra nga ai hte maren, nang sa nna, sumtsaw sumra lu ai la shaw ai num hpe naw tsawra u,” nga nna ngai hpe tsun ai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

HPILIPI 3:8

Gaja wa nye a Madu Hkristu Yesu a chye chyang ai lam a chyahtum chyalai re ai a jaw e, yawng mayawng sum mat ai lam arai nga ai, ngai nawn nga nngai.

YAKU 2:23

shing rai, Abraham gaw Karai Kasang hpe kamsham wu ai rai nna, dai hpe dinghpring ai rai nga ai shi a matu ngu ya wu ai hte, Karai Kasang a jinghku wa shi hpe ngu da wu ai, nga nna tsun da ai laika gaw dik wa sai.

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.