Shawlumon A Mahkawn Ga 5:15 - Jinghpaw Hanson Version Bible

¹⁵ Shi a lagaw, ja jet machyaw hta shadun ai, lunghpraw shadaw hte bung nga ai; Shi a arawng, Lebanon bum hte arit hpun zawn dan hkung nga ai.

Jinghpaw Common Language Bible 2009

¹⁵ Shi a magyi ni gaw aja machyaw hta shadun ai lung hpraw shadaw ni rai nga ai. Shi gaw Lebanon bum ni hte tsaw ai marau hpun ni zawn dan hkung ai hte hpung rawng nga ai.

Shawlumon A Mahkawn Ga 5:15 ပူးပေါင်းရင်းမြစ်များ

1 HKAWHKAM 4:33

Libanon bum ga na marau hpun kaw nna bunghku hta tu ai hpun ni du hkra, hpun amyu mahkra a lam hpe mung, ashu ashan a lam, u amyu a lam hpe mung, shi tsun nga ai.

SHAKAWN KUNGDAWN 80:10

Shi a shingnip bum ni hpe hkung nga nna, Shi a lakung ni Karai Wa a arit hpun ni hpe htawng nga ai.

SHAKAWN KUNGDAWN 92:12

Dinghpring ai wa gaw umung hpun zawn tu lu nna, Lebanon a arit hpun zawn gung dam wa na ra ai.

SHAKAWN KUNGDAWN 92:13

Yehowa a nta e hkai tawn da ai ni, Anhte a Karai Kasang a wang e, kaba wa na mara ai.

PRU MAT 26:19

Dai hpunpyen hkun a htumpa de na matu gumhpraw hte machyaw mali shi nang jaw lu na rai ndai: hpunpyen langai mi hta na dawhkai lahkawng a matu, machyaw lahkawng hkawng rai na rai nga ai.

Shawlumon A Mahkawn Ga 2:14

Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

Shawlumon A Mahkawn Ga 4:11

Nye num ningnan e, na nten gaw gitbaw zawn yun nga ai; Na shinglet npu e lagat jahku hte nga chyu hpring nga ai: Na a hpun palawng a abat gaw, Lebanon bum na nngawt hte bung nga ai.

Shawlumon A Mahkawn Ga 7:4

Na a du gaw magwi kawng langchyi hte bung nga ai; Na a myi gaw Heshbon mare na Batrabim chyinghka makau e nga ai hka lawng hte bung nga ai. Na a ladi gaw Damasku mare de man yawng ai, Lebanon langchyi hte bung nga ai.

SHARUNG SHAYAWT 4:7

Shi a arawng lu ai ni gaw, hkyen hta grau san pra nna, nga chyu hta grau hpraw nga ma ai; Shanhte a hkum shan gaw, lung hkyeng hta grau hkyeng nna, de a ningja nila lungseng hte bung nga ai.

EZEKELA 17:23

tsaw htum ai Israela bum ntsa e ngai dai hpe hkai da na nngai; dai gaw lakung lakying kying wa nna, asi si ai hte reng htum ai arit hpun tai na ra ai: de a npu e u amyu shagu nga nga nna, de a lakung lakying ni a shingnip hta shanu nga na mara ai.

EZEKELA 31:8

Karai Kasang a sun hta tu ai arit hpun ni gaw, dai hpe htawng lu ai n rai; marau hpun gaw de a lakung ni hte, armun hpun gaw de a lakying ni hte, bung nga ai n rai: Karai Kasang a sun hta tu ai hpun langai mi gaw, dai zawn tsawm lu ai n rai:

HOSEA 14:7

Shi a shingnip hta shanu nga ai ni gaw, nhtang wa lu na mara ai; shanhte gaw nai mam zawn ring wa nna, tsabyi ru zawn pu pu na mara ai: de a sama gaw, Lebanon tsabyi jahku zawn, mawng na ra ai.

ZEHKARIA 9:17

Kaning rai nme law, shi a mai kaja ai myit gade kaba nga a hka! Shi a arawng sadang gade dan hkung nga a hka! nai mam gaw shabrang ni hpe, tsabyi jahku mahkawn ni hpe, kaba wa shangun na ra ai.

MAHTE 17:2

Shaloi shanhte a man e shi ahpraw asam galai wa ai hte, shi a myi man gaw, jan zawn htoi kabrim nna, shi a hpun palawng nhtoi zawn hpraw tu wa lu ai:

MAHTE 28:3

Shi a ahpraw asam myihprap zawn rai nga nna, shi a hpun palawng hkyen zawn hpraw nga lu ai.

KASA 2:28

Asak hkrung ai lam nang ngai hpe madun nit dai; Na a myi man hte nang ngai hpe kabu gara ai hte jahpring ya na rin dai,’ nga ai.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

TARA AGYI 13:6

Shaloi dai numsha gaw madu wa hpang de wa nna, “Yehowa a kasa myi man zawn hkrithpa myi man man ai, Karai Kasang a masha langai mi ngai kaw sa pru ai; shi kanang na sa ai mung ngai n san yu we ai; shi mung shi amying ngai e n tsun dan ai: