Shawlumon A Mahkawn Ga 5:13 - Jinghpaw Hanson Version Bible

¹³ Shi a shabyi gaw manam pyaw ai baw tu ai nampan lawk hte, shatmai lap kaja shatut ai tena hte bung nga ai. Shi a nten gaw mura jet kapya ai hka law pan hte bung nga ai.

Jinghpaw Common Language Bible 2009

¹³ Shi a shabyi ni gaw tsi ru hpun ni hte namji namya ni hte hpring nga ai hkai sun langai zawn tsawm htap nga ai. Shi a nten gaw hka law pan hte bung nna, mura sau kapya bun ai zawn madi nga ai.

Shawlumon A Mahkawn Ga 5:13 ပူးပေါင်းရင်းမြစ်များ

SHAKAWN KUNGDAWN 27:4

Lam langai mi ngai Yehowa hpe hpyi se ai: Ngai ahkrung nga ai nhtoi hte ting, Yehowa a nta hta nga nga lu nna, Yehowa a tsawm pra ai mu lu na hte, Shi a Htingnu e myit htang nga na, ngai ra nga nngai.

SHAKAWN KUNGDAWN 45:2

Masha kasha ni hta nang ahpraw grau tsawm nga ndai. Na a n-gup hta chyeju ru bang ya nga ai. Dai majaw Karai Kasang gaw nang hpe tut tut shaman ya ndai.

SHAKAWN KUNGDAWN 45:3

Share wa e, na a nhtu, na a arawng sadang, na a hpung shingkang hte hpe, hpye u.

SHAKAWN KUNGDAWN 89:15

Pahtau dum ai nsen chye na ai amyu gaw, a lu nga ai; Yehowa e, na a myi man a nhtoi hta e, shanhte hkawm nga lu ma ai.

Shawlumon A Mahkawn Ga 1:10

Na a shabyi ni lakan hte mawn nna, Na a du gaw lungseng gali nga ai.

Shawlumon A Mahkawn Ga 1:16

Yu u, ngai tsawra ai wa e, nang mahtang Tsawm htap nna, tsawra mai nga ndai;

Shawlumon A Mahkawn Ga 2:1

Ngai chyawm gaw, Sharun pa na mari pan, Kadit hkan e tu ai hkalaw pan sha, rai nga nngai.

Shawlumon A Mahkawn Ga 3:6

Mura, lawban hte, hpaga ga ai ni dut ya ai, Manam pyaw ai baw amyu myu chya shamut nna, Wan hkut zawn mawng let, Zaibru jang de na lung wa ai wa gaw, kadai wa rai ta?

Shawlumon A Mahkawn Ga 4:11

Nye num ningnan e, na nten gaw gitbaw zawn yun nga ai; Na shinglet npu e lagat jahku hte nga chyu hpring nga ai: Na a hpun palawng a abat gaw, Lebanon bum na nngawt hte bung nga ai.

Shawlumon A Mahkawn Ga 5:5

Ngai tsawra ai wa a matu hpaw ya na, ngai rawt nngai; Nye a lata na mura sau, nye layung ni hta na, mura sau jet, Chyinghka htinggrang ni a ntsa e, hkrat kapya nga ai.

Shawlumon A Mahkawn Ga 6:2

Ngai tsawra ai wa gaw, shi a sun hta namsi sha nna, hka law pan di la na nga, Shi a sun hte, manam pyaw ai nampan lawk de, yu wa sai.

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

ESAIA 50:6

Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

LUKA 4:22

Nlang hte gaw shi a lam sakse hkam ya ai hte, shi a n-gup hta na pru ai chyeju ga majaw mau nga nna, “Ndai wa gaw Yawsep a kasha n rai nga a ni?” nga nna tsun shajang ma ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.