Shawlumon A Mahkawn Ga 4:15 - Jinghpaw Hanson Version Bible

¹⁵ Sun ni hpe ntsin jaw na matu hka hpawk, Hkrung ai ntsin rawng ai hka htung, Lebanon bum na lwi ai hka shi, nang rai nga ndai.

Jinghpaw Common Language Bible 2009

¹⁵ Hka hpawk ni lwi nga ai hka shi ni hte Lebanon bum ni kaw nna kahpawk pru wa ai hka shi, hka wam ni dai sun hpe hka jaw ma ai.

Shawlumon A Mahkawn Ga 4:15 ပူးပေါင်းရင်းမြစ်များ

SHAKAWN KUNGDAWN 46:4

Hka nu hte de a hka gai ni Karai Kasang a mare hte, Tsaw htum ai Wa a chyoi pra ai htingnu ni hpe, shapyaw nga ma ai.

GA SHAGAWP 5:16

Na a hka deng ni shinggan de bra wa nna, Mare lam ni hta hka shi ni lwi nga mu ga.

GA SHAGAWP 5:18

Na a hka hpawk shaman ai hkrum nna, Na a ram prat na madu jan hte rau pyaw nga u:

HPAJI NINGLI 2:6

hkai da ai hpun maling ni hpe ntsin jaw na matu hka lawng mung galaw da nngai:

Shawlumon A Mahkawn Ga 4:12

Ngai jan, nye a num ningnan gaw, Shakum kum ai sun, pat da ai hka hpawk hte, Dazik kap da ai hka htung rai nga ai.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

YEREMIA 17:13

Israela myit mada shara Yehowa e, nang hpe kau da ai ni yawng kaya kahpa hkrum na mara ai: ngai kaw na pru mat wa ai ni gaw, asak hka hpawk ngu ai Yehowa hpe kau da ai majaw, zaibru hta ka da ai hkrum na mara ai.

YEREMIA 2:13

“Kaning rai nme law, nye a amyu gaw lam lahkawng hta shut masai: shanhte gaw, asak hka hpawk ngu ai, ngai hpe kau da nna, hka n rawng lu ai ntsin htung, gaja wa, ga mat ai ntsin htung, tawk manu ai.”

ZEHKARIA 14:8

Dai shani e, Yerusalem mare kaw na, asak hka lwi pru na ra ai; chyen mi gaw sinpraw nawng de, bai chyen mi gaw sinna nawng de, ang wa na ra ai: dai gaw nlum ta e rai timung, kashung ta e rai timung, lwi nga na ra ai.

YAWHAN 4:10

Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 4:14

dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

YAWHAN 7:38

Ngai hpe kamsham ai wa gaw, Chyum laika hta tsun ai hte maren, dai wa a kraw lawang hta na asak hkrung ai ntsin a hka nu lwi pru nga na ra ai,” ngu nna jahtau tsun wu ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.