Shawlumon A Mahkawn Ga 4:12 - Jinghpaw Hanson Version Bible

¹² Ngai jan, nye a num ningnan gaw, Shakum kum ai sun, pat da ai hka hpawk hte, Dazik kap da ai hka htung rai nga ai.

Jinghpaw Common Language Bible 2009

¹² Nye a nja jan, nye a num nnan e, nang gaw makoi magap da ai sun, shakum kum ai sun hte madu da sai hka hpawk rai nga ndai;

Shawlumon A Mahkawn Ga 4:12 ပူးပေါင်းရင်းမြစ်များ

NINGPAWT NINGHPANG 29:3

Dai kaw e sagu hpung yawng hpe jahpawng da ngut jang, shanhte gaw dai hka htung mahka na nlung hpe galau kau nna, sagu ni hpe ntsin jaw nhtawm, dai nlung hpe hka htung mahka e bai magap da da di mu ai.

Shawlumon A Mahkawn Ga 4:9

Ngai jan, nye num ningnan e, Nang gaw nye myit masin hpe kashun la nu ai: Na a myi ze du yin rai nna, nang gali ai hkachyi hte Nang nye a myit masin hpe kashun la nu ai.

Shawlumon A Mahkawn Ga 6:11

Kadit e tu ai namsi bawng ni hpe yu na matu mung, Tsabyi ru ni majawm n majawm, Hkainu si ni pu n pu, mada yu na matu mung, Ngai gaw namsi sun de yu wa nngai.

Shawlumon A Mahkawn Ga 6:2

Ngai tsawra ai wa gaw, shi a sun hta namsi sha nna, hka law pan di la na nga, Shi a sun hte, manam pyaw ai nampan lawk de, yu wa sai.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

YEREMIA 31:12

Shing rai shanhte gaw, Ziun bum pungding e sa mahkawn mangoi nna, Yehowa chyeju ngu ai, nai man, tsabyi jahku, sau, sagu kasha hte dumsu kasha lu la na matu zuphpawng na mara ai: shanhte a myit masin gaw, ntsin jaw ai sun zawn rai nga nna, shanhte htawm hpang de hpa yawn hkyen hkrum na n rai.

HOSEA 6:3

Anhte chye na lu ga; Yehowa hpe chye lu hkra hkan tam ga: jahpawt manap teng teng du ai zawn, shi du pru na ra ai; shi anhte hpang de, marang shaya hte, lamu ga hpe madit ai marang shadoi zawn, du na ra ai.”

1 KORINHTU 6:13

Shahpa gaw kan a matu, kan gaw shahpa a matu rai nga ai; rai timung, Karai Kasang gaw dai yan hpe rau jahten na ru ai. Dai hkumhkrang chyawm gaw hpye ai amu a matu n re ai sha, dai Madu a matu rai nga ai; dai Madu mung hkumhkrang a matu rai nga ai:

1 KORINHTU 7:34

Num n wa ai numsha hte mahkawn gaw, tinang a hkum hte wenyi chyoi pra nga u ga, nga nna dai Madu a lam hte hpe a tsang nga ai: num wa ai num chyawm gaw, madu wa hte kaning rai myit hkrum lu na, nga nna mungkan ga a lam hte hpe a tsang nga ai.

2 KORINHTU 1:22

shi gaw anhte hpe dazik shakap da nna, anhte a kraw lawang e Wenyi ngu ai masat dingsat jaw da ma ni ai.

EHPESU 1:13

Nanhte mung, nanhte hpe hkye hkrang la sai kabu gara shiga ngu ai tengman ai mungga hpe na yu nna, shi hta e kamsham ngut yang, ndat da ai Chyoi pra ai Wenyi hte dazik kap ai, hkrum manit dai:

EHPESU 4:30

Hkye hkrang la hkrum ai nhtoi du hkra, nanhte hpe dazik shakap ai Karai Kasang a Chyoi pra ai Wenyi hpe, myit hkum shayawn myit.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

SHINGRAN 7:3

nga nna lamu ga hte nammukdara hpe zingri na ahkang lu ai lamu kasa mali hpe, nsen kaba hte jahtau wu ai.