Shawlumon A Mahkawn Ga 3:3 - Jinghpaw Hanson Version Bible

³ Mare sin ai ni ngai hpe mu hkrup nna, ngai gaw, Ataw, nye myit masin tsawra ai wa hpe, n mu ya myit ni? Ngu nna san nngai.

Jinghpaw Common Language Bible 2009

³ Mare gawan hkawm ai sin langa ni ngai hpe mu ma ai. Ngai gaw shanhte hpe, “Nye a tsaw ra wa hpe mu myit ni?,” ngu nna san we ai.

Shawlumon A Mahkawn Ga 3:3 ပူးပေါင်းရင်းမြစ်များ

Shawlumon A Mahkawn Ga 1:7

Nye myit masin tsawra ai, nja wa e, Na sagu ni hpe nang kanang rem ai hpe mung, ani chyingtung e, kanang hpum shangun ai hpe mung, tsun dan e. Ngai hpa majaw, na manang ni a sagu hpung ni makau e, Myi man magap ai num zawn, tam pru na rai ta?

Shawlumon A Mahkawn Ga 5:7

Mare sin hkawm ai ni gaw ngai hpe mu hkrup nna, Ngai hpe kayat jahpye mi ai: Bunghku sin ai ni gaw, nye a myi man magap kashun la ya ma ai.

ESAIA 56:10

Shi a sin langa ni gaw, myi kyaw nga ma ai: shanhte yawng du ladi rai nga ma ai: shanhte nlang ma-a nna, n wau lu ai gwi rai nga ma ai: yup mang mu let hpum yup nga na, grau ra nga ma ai.

ESAIA 62:6

Yerusalem e, ngai gaw na a bunghku ntsa e sin langa ni hpe tawn da nngai; shanhte gaw shani shana tutnawng atsin sha nga na n rai; Yehowa a lam shadum jahprang ai ni e, atsin sha hkum nga myit:

YAWHAN 20:15

Yesu mung, “Numsha e, hpa rai hkrap nga n ta? nang kadai hpe tam n ta?” ngu nna shi hpe san wu ai: shi chyawm gaw dai wa hpe sun sin ai wa rai daw ai nga, myit nna, “Tsa e, nang shi hpe hpai la kau ndai rai yang gaw, kanang tawn da ai, ngai hpe tsun dan e, ngai la wa na nngai,” ngu nna shi hpe tsun wu ai.

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.