Shawlumon A Mahkawn Ga 3:11 - Jinghpaw Hanson Version Bible

¹¹ Ziun shayi chyinghkawn ni e, pru marit: Hkungran nna, myit masin kabu gara ai nhtoi hta, Kanu shagup ya ai, janmau gup nga ai, Hkawhkam Shawlumon hpe mada yu mu law.

Jinghpaw Common Language Bible 2009

¹¹ Ziun numsha ni e, Hkawhkam Shawlumon hpe sa yu yu mu. Shi a hkungran poi galaw ai shani, shi a kabu gara ai hte kabu awng sharawng ai shani hta, shi a kanu gaw shi a baw hta shagup ya ai janmau hpe shi gup nga ai.

Shawlumon A Mahkawn Ga 3:11 ပူးပေါင်းရင်းမြစ်များ

SHAKAWN KUNGDAWN 48:11

Nang tara dara ai lam a majaw, Ziun bum kabu gara nga nna, Yuda a shayi sha ni sharawng awng nga mu ga.

SHAKAWN KUNGDAWN 9:14

shaloi na a akyu nlang hte gaw ngai gawn dan nna, Ziun shayi sha a chyinghka lam e, na a hkye la ai lam majaw, kabu gumlawt na nngai.

Shawlumon A Mahkawn Ga 1:5

Yerusalem a shayi sha ni e, Ngai gaw, Kedera sum ni zawn, ahpraw chyang timung, Shawlumon a nba grang ni zawn, naw tsawm nga nngai.

Shawlumon A Mahkawn Ga 2:7

Yerusalem a shayi chyinghkawn ni e, Tsawra ai myit, shi hkrai n pru yang, Dai hpe hkum jasu, hkum jahprang mu yaw, Ngu nna, nam na ashu ashan ni hte chyahkyi ni hpe dum let, Ngai nanhte hpe htet da nngai law.

Shawlumon A Mahkawn Ga 7:11

Ngai tsawra ai wa e, sa rit, pa ga de hkawm sa ga, Kahtawng hkan e shana shalai ga: Jahpawt jau jau rawt nna, tsabyi sun de sa wa ga;

Shawlumon A Mahkawn Ga 8:5

Shi a tsawra ai wa a lata hta shamyet let, Nam mali de na pru ai num gaw, kadai wa rai ta? Ngai nang hpe ndai magaw hpun npu e jasu ni ai: Dai yang e na nnu gaw, nang hpe shangai nna, Nang hpe shangai ai kanu shinggyim machyi hkrum sai.

ESAIA 4:4

Ziun bum e hti nga nna, Yerusalem mare e ngam nga ai wa ngu ai, asak jahpan hta lawm ai, Yerusalem masha langai hte langai hpe, Chyoi pra ai wa, ngu na maru ai.

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

YEREMIA 2:2

Yehowa ning nga ai; “Na a ram prat e hkam la ai chyeju hpe mung, nang mahtan da ai tsawra myit hpe mung, nli n mai gat ai hkun hkraw ai shara hta e, nang ngai kaw hkan nang nga ai hpe mung, ngai dum nngai.

YEREMIA 32:41

Gaja wa, ngamu ngamai ai hku shanhte hpe galaw na matu, ngai shanhte a lam kabu nga nna, ngai gaw nye a myit mahkra hte kraw lawang mahkra lawm let, shanhte hpe ndai mung hta teng teng hkai da na nngai.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

ZEHKARIA 6:11

gaja wa, shanhte kaw na, aja gumhpraw la nna, ja janmau ni galaw nhtawm, Yehozadak a kasha, hkinjawng agyi Yoshua baw hta shagup mu:

MAHTE 12:42

Tara dara ai nhtoi hta, dingda mung na hkawhkam jan gaw, ndai prat na amyu hte rau rawt wa nna, shanhte hpe dawdan na ra ai: kaning rai nme law, shi gaw Shawlumon a hpaji madat na, ga jahtum de na sa du ai: yu mu ndai yang e, Shawlumon hta grau kaba ai wa nga nga ai.

LUKA 15:32

Rai timung, pyaw pyaw rai kabu gara mai nga ai; hpa majaw nga yang, ndai na nnau gaw si mat sai, ya bai hkrung ra ai: mat mat sai mung, ya bai mu la saga ai, ngu nna shi hpe nem wu ai,” ngu mu ai.

YAWHAN 15:11

Nye a kabu gara ai myit nanhte hta rawng nga na hte, nanhte a kabu gara ai gaw hpring tup wa na matu, ga ndai ngai nanhte hpe tsun da made ai.

YAWHAN 3:29

Num nnan lu ai wa gaw, la nnan rai nga ai; la nnan a makau e tsap nga nna, shi a ga na la ai jinghku wa gaw, la nnan a nsen majaw ja ja kabu nga ai: shing re ai kabu gara lam gaw, ngai hta dik wa sali ai.

KOLOSE 1:18

Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

HEBRE 13:13

Dai rai nna, anhte mung, shi hte rau aroi arip hkam let, dai dap shinggan shi hpang de pru sa wa saga.

HEBRE 2:9

Lamu kasa ni hta loi mi sha shagrit kau hkrum ai Yesu chyawm gaw, si hkrung si htan a nni nkri hkam la wu ai majaw, hpung shingkang hte arawng sadang ka-up nga ai hpe, anhte mu lu ga ai; shing rai shi gaw, Karai Kasang a chyeju majaw, masha yawng mayawng a matu, si hkam ai hkrum nga ai.

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

SHINGRAN 19:12

shi a myi gaw wan shinglet rai nga ai; shi a baw hta ja lagup law law gup nga ai; shi hta kaga kadai n chye ya lu ai amying ka kap nga lu ai.

SHINGRAN 19:7

Anhte kabu gara nga ai hte sharawng awng nga ga, shi a hpung shingkang hpe shagrau nga ga: kaning rai nme law, dai Sagu Kasha a hkungran ai poi du ra ai hte, shi a num ningnan jan gaw shi hkum hpe mawn sumli ngut sai rai nna,