Shawlumon A Mahkawn Ga 2:17 - Jinghpaw Hanson Version Bible

¹⁷ Ngai tsawra ai wa e, shani nhtoi garai n katsi ai hte, Shingnip shingna garai n hkoi mat yang, Kayin nna, Behtera bum ntsa e nga ai, Chyahkyi hte shat krang la zawn, tai nga u.

Jinghpaw Common Language Bible 2009

¹⁷ jahpawt bungli bung wa ai aten kaw nna nsin garai n sin ai aten du hkra shayaw da nga ai. Nye a tsaw ra wa e, chyahkyi zawn mung, Behtera bum ntsa na shan-nga zawn mung nhtang wa rit.

Shawlumon A Mahkawn Ga 2:17 ပူးပေါင်းရင်းမြစ်များ

GA SHAGAWP 5:19

Shi gaw tsawra ai ding kanu hte tsawm htap ai shan nga yi zawn rai nga nna, Shi a madoi chyu hpang nang hpe tut tut shapyaw nga u ga: Shi hte tsawra hkat ai hta, tutnawng myit dik nga u.

Shawlumon A Mahkawn Ga 2:7

Yerusalem a shayi chyinghkawn ni e, Tsawra ai myit, shi hkrai n pru yang, Dai hpe hkum jasu, hkum jahprang mu yaw, Ngu nna, nam na ashu ashan ni hte chyahkyi ni hpe dum let, Ngai nanhte hpe htet da nngai law.

Shawlumon A Mahkawn Ga 4:6

Shani nhtoi garai n katsi ai hte Shingnip shingna garai n hkoi mat yang, Ngai gaw, nye a mura bum hte lawban kawng de lung wa na nngai.

Shawlumon A Mahkawn Ga 8:14

Ngai tsawra ai wa e, alawan sa rit: Lawban tu ai bum ni a ntsa e, Chyahkyi hte, shing n rai, shan nga hkalung zawn, tai nga u law.

LUKA 1:78

Shi a amyu hpe hkye hkrang la ai lam chye lu shangun na matu mung, Nsin, hte si ai shingnip kata e dung nga ai ni hpe htoi ya nna,

ROMA 13:12

Shana ahkying lai magang wa nna, shani nhtoi du magang wa ra ai. Dai re ai majaw, nsin hte seng ai bungli hpe anhte raw sharun kau nna, nhtoi a hpyen hking hpe dagraw nga ga.

HEBRE 10:1

Jep ai tara gaw du na ra ai ngamu ngamai lam ni a hkrang sumla majing n rawng ai sha, de a shingna sha rai nga ai majaw, shanhte gaw tutnawng e nawng ya nga ai, shaning shagu na shagu hkungga amyu hte, sit shang shani wa ai ni hpe, galoi mung jahkum shatsup ya lu na n rai:

HEBRE 8:5

Mawshe gaw dai nawku ai sum hpe gap magang nga ai shaloi e, Bum ntsa e nang hpe madun dan sade ai kasi hte maren, yawng mayawng hpe galaw lu hkra sadi nga u, nga nna Karai Kasang shi hpe tsun shadum ai hku hkan ai majaw, shanhte gaw sumsing lamu na arai ni a kanan hte shingna hpe sha, daw jau ma ai.

2 PETRU 1:19

Dai rai nna, grau grin wa nga ai myihtoi ga mung, anhte lu sagaw ai; nanhte a myit masin hta e nhtoi leng wa nna, nhtoi gintawng pru wa ai ten du hkra, nsin sin ai shara de htoi tu nga ai pyengdin hpe zawn, dai myihtoi ga hpe nanhte a hkan nang nga na, mai kaja nga ai.