Shawlumon A Mahkawn Ga 2:14 - Jinghpaw Hanson Version Bible

¹⁴ Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

Jinghpaw Common Language Bible 2009

¹⁴ Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

Shawlumon A Mahkawn Ga 2:14 ပူးပေါင်းရင်းမြစ်များ

YOBA 9:16

Ngai shaga ai, shi htan ya timung, shi nye a nsen hpe madat na, ngai n kam lu nngai.

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 22:3

Nang chyawm gaw chyoi pra nga ndai rai nna, Israela a shakawn ai ga hta adung nga ndai.

SHAKAWN KUNGDAWN 45:11

Hkawhkam wa gaw na a ahpraw tsawm ai ra a yang gaw, Na a madu wa shi rai nga ai majaw, shi hpe hkungga lara u.

SHAKAWN KUNGDAWN 45:12

Turu shayi sha e, mung masha ni hta grau sut lu ai ni, Kumhpa hte na a myi man tam na mara ai.

SHAKAWN KUNGDAWN 50:23

Shakawn kungdawn hkungga jaw ai wa gaw, Nye a arawng shapraw ai wa rai nga ai: Shi hkan sa ai lam yaw yu ai wa hpe, Karai Kasang a hkye hkrang la ai lam ngai madun na we ai.

SHAKAWN KUNGDAWN 68:13

Ulawng ni a lapran e, nanhte taw nga myit yang gaw, Hkrudu a singkaw hpe gumhpraw hte kayawp nga nna, Shi a singkaw mun, tsit kabrim ai ja hte ala nga ai.

SHAKAWN KUNGDAWN 74:19

Na a hkrudu a asak hpe matse labye ni hpe hkum ap ya mu; Na a nni nkri hkrum ai ni hpe tutnawng e hkum malap kau et.

PRU MAT 3:6

“Ngai gaw na nwa a Karai Kasang, Abraham a Karai Kasang, Isak a Karai Kasang, Yaku a karai Kasang rai nga nngai,” nga nna mung, tsun wu ai: dai rai nna Mawshe gaw, Karai Kasang hpe yu na hkrit wu ai majaw, shi a myi man magap da wu ai.

GA SHAGAWP 15:8

Tara n lang ai ni a shagu hkungga hpe, Yehowa matsat nga ai; Myit malang ai ni a akyu hpyi ai ga hta, shi awng sharawng nga ai.

Shawlumon A Mahkawn Ga 1:15

Yu u, nye nja jan e, nang hpraw tsawm nga ndai; Gaja wa, tsawm htap nga ndai: Na a myi gaw hkrudu myi hte bung nga ai.

Shawlumon A Mahkawn Ga 1:5

Yerusalem a shayi sha ni e, Ngai gaw, Kedera sum ni zawn, ahpraw chyang timung, Shawlumon a nba grang ni zawn, naw tsawm nga nngai.

Shawlumon A Mahkawn Ga 1:8

Numsha ni hta grau tsawm ai na e, nang n chye yang, Sagu hpung ni a lagaw hkang hkan sa nna, Sagu rem ai ni a sum ni makau e, na bainam kasha ni hpe rem nga u.

Shawlumon A Mahkawn Ga 5:2

Ngai yup pyaw nga timung, nye myit dum nga ai: Ngai tsawra ai wa gaw, Ngai jan, nye nja jan, Nye hkrudu, ra n rawng ai nye a num e, hpaw ya e law: Nye baw gaw mari hte, nye kara gaw shana na saiwan hte madi nga ai, nga nna akawk let tsun nga ai.

Shawlumon A Mahkawn Ga 8:13

Sun ni hta shanu nga ai num e, Kanawn manang ni na a nsen hpe madat la ma ai; Ngai mung na lu u ga.

ESAIA 2:21

gaja wa, ginding aga hpe ashun awam dat na nga, Yehowa rawt wa yang, shi a hkrithpa hte dan hkung nga ai hpung shingkang majaw, masha ni gaw sharut n-gam hte lungbra re ai shara de shang na mara ai.

ESAIA 51:3

Kaning rai nme law, Yehowa gaw Ziun hpe shalan shabran ya wu ai: shi gaw Ziun a katsi katsang re ai shara ni mahkra hpe shaman ya ai hte, de a nam mali hkan e Eden zawn, de a zaibru jang e Yehowa a sun zawn, shatai wu ai: sharawng awng ai hte kabu gara ai, chyeju dum ai nsen hte mahkawn mangoi ai, de a kata e hpring na ra ai.

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

ESAIA 60:8

Sumwi zawn mawng nna, tinang a tsip de pyen wa ai hkrudu zawn, pyen wa ai ni gaw, kadai ni rai ma ta?

YEREMIA 48:28

Moba mung e shanu ai ni e, mare ni hpe kau da nna, lungpu hkan e rawng nga mu: n-gam mahka e tsip tsip ai hkrudu zawn tai nga mu.

YEREMIA 49:16

Lungpu hta rawng nna, bum pungding e machyu ai wa e, nang hkrit mai ai wa rai nga timung, na a gumrawng ai myit nang hpe hkalem kau nit dai: langda zawn tsaw ai shara e nang tsip tsip timung, dai kaw nna ngai nang hpe shayu kau na de ai,” nga nna Yehowa tsun ai.

EZEKELA 7:16

Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

Daniela 9:7

Madu e, dinghpring ai gaw nang hte seng nga ai: nang hpe shut hpyit ai yubak majaw, shapraw kau ai hkrum nna, ni ai, tsan ai, mung shagu hta bra nga ai, Yuda mung na ni, Yerusalem mare na ni hte, Israela masha ni yawng ngu ai, anhte hte, dai ni rai nga ai hte maren, myi man sum ai hkrai seng nga ai.

OBEDIA 1:3

Lungpu hta rawng nna, tsaw ai shara e shanu nga let, “Ngai hpe ga de kadai jahkrat lu na i?” nga nna kraw lawang e tsun ai wa e, na a gumrawng ai myit nang hpe hkalem kau nit dai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.

MAHTE 3:16

Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

EHPESU 5:27

chyoi pra ai hte mara n rawng ai hpung shingkang rawng ai Hpung hpe shi hkum nan a matu mara ap tawn da na, de a matu shi hkum nan hpe ap kau wu ai.

KOLOSE 1:22

dai makam masham hta nga nga nna, de a npawt manat let da hpran nga myit yang gaw, chyoi pra nna agang chyalang n kap ai hte mara n rawng ai ni hpe, shi a man e jashawn myit ga,

HEBRE 10:22

n hkru n hkra ai myit dum chyalu hte lawt hkra, anhte a kraw lawang hpe lapri bun nna, anhte a hkumhkrang hpe mung san seng ai ntsin hte kashin kamun kau ngut jang, tengman ai myit masin hte, hkum tsup re ai makam masham hte, anhte sit shang wa ga:

HEBRE 4:16

Dai rai nna, matsan dum ai hkam la lu na hte, kyin dut ai aten e shadaw shalan ai chyeju mu lu hkra, chyeju tingnyang man de, anhte nden ja ai myit hte sit shang wa ga.

1 PETRU 3:4

Karai Kasang a man e hpu ging ai, myit masin hta makoi nga ai masha ngu ai, hten byak n chye ai, amu sha hte sumnung nga ai wenyi a lam hta, mawn sumli nga mu.

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai: