Shawlumon A Mahkawn Ga 2:10 - Jinghpaw Hanson Version Bible

¹⁰ Ngai tsawra ai wa shaga nna, ngai hpe tsun ai gaw: Nye a nja jan e, nye tsawm htap ai num e, Rawt nna sa wa su.

Jinghpaw Common Language Bible 2009

¹⁰ Nye a tsaw ra nja wa ngai hpe ga shaga nga ai. Nye a nja jan e, sa rit; nye a tsaw jan e, ngai hte rau sa wa ga.

Shawlumon A Mahkawn Ga 2:10 ပူးပေါင်းရင်းမြစ်များ

2 SAMUELA 23:3

Israela Karai Kasang gaw, Israela Lunghkrung, ngai hpe ning nga ai. Masha ni hpe dingman ai hku byeng nna, Karai Wa hpe hkrit hkungga ai myit hte up hkang ai wa gaw,

SHAKAWN KUNGDAWN 85:8

Yehowa Krai Wa tsun ai ga hpe ngai madat na nngai; Shi gaw shi a amyu hte chyoi pra ai ni hpe, ngwipyaw ai ga a tsun nga ai: Shanhte gaw angawk ai lam hta bai n shang mu ga.

Shawlumon A Mahkawn Ga 1:15

Yu u, nye nja jan e, nang hpraw tsawm nga ndai; Gaja wa, tsawm htap nga ndai: Na a myi gaw hkrudu myi hte bung nga ai.

Shawlumon A Mahkawn Ga 1:9

Nye a nja jan e, Hpara-u a leng gumra hte Ngai nang hpe shadawn yu de ga.

Shawlumon A Mahkawn Ga 2:11

Yu u, nshung ta lai sai, Marang mung hpawng nna lamu san sai.

Shawlumon A Mahkawn Ga 2:13

Lakum hpun gaw tsit ai si hpe shamyin nu ai; Tsabyi ru ni mung pu pu nna, Ngwipyaw bat shamawng ma ai. Nye nja jan e, nye tsawm htap ai num e, Rawt nna sa wa su.

Shawlumon A Mahkawn Ga 2:8

Ngai tsawra wa a nsen law! Yu u, shi du ra ai: Bum ni hpe shi gumtawng lai nna, Kawng ni hpe shingtawt lai nga ai.

Shawlumon A Mahkawn Ga 5:2

Ngai yup pyaw nga timung, nye myit dum nga ai: Ngai tsawra ai wa gaw, Ngai jan, nye nja jan, Nye hkrudu, ra n rawng ai nye a num e, hpaw ya e law: Nye baw gaw mari hte, nye kara gaw shana na saiwan hte madi nga ai, nga nna akawk let tsun nga ai.

YEREMIA 31:3

Yehowa gaw tsan tsan de na ngai kaw dan pru nna, Gaja wa, htani htana tsawra ai hte ngai nang hpe tsawra de ai; dai re ai majaw n-gaw nwai myit hte, ngai nang hpe dun la ni ai.

MAHTE 9:9

Yesu gaw dai shara kaw na sat sa wa yang, kang hta ai sum e dung nga ai Mahte ngu ai wa hpe shi mu hkrup nna, “Ngai kaw hkan nang rit,” shi hpe ngu wu ai: shaloi shi rawt nna shi kaw hkan nang nga ai.

2 KORINHTU 11:2

Kaning rai nme law, Karai Kasang a nja nhpra ai hte maren, ngai nanhte a lam nja nhpra rai nga nngai; nanhte hpe hkawnsek hpe zawn Hkristu kaw jaw ya nna, madu langai sha hte ngai nanhte hpe hkungran ya made ai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.