Shawlumon A Mahkawn Ga 1:7 - Jinghpaw Hanson Version Bible

⁷ Nye myit masin tsawra ai, nja wa e, Na sagu ni hpe nang kanang rem ai hpe mung, ani chyingtung e, kanang hpum shangun ai hpe mung, tsun dan e. Ngai hpa majaw, na manang ni a sagu hpung ni makau e, Myi man magap ai num zawn, tam pru na rai ta?

Jinghpaw Common Language Bible 2009

⁷ Nye a tsaw nja wa e, na a yam nga hpung ni hpe rem na matu gara shara de woi sa na mung, shani chyingtung kaw nna gara shara hta ban sa na mung, ngai hpe tsun e. Kaga sagu rem ai ni a sagu hpung ni a lapran hta hpa majaw ngai nang hpe hkan tam la ra nga a ni?

Shawlumon A Mahkawn Ga 1:7 ပူးပေါင်းရင်းမြစ်များ

NINGPAWT NINGHPANG 37:16

Shi gaw, Ngai hpu ni hpe tam nga nngai; shanhte kanang rem nga ma ta? ngai hpe tsun dan e, ngu wu ai.

SHAKAWN KUNGDAWN 116:1

Yehowa gaw nye a akyu hpyi ai nsen, Madat ya nga ai majaw, ngai awng nga nngai.

SHAKAWN KUNGDAWN 18:1

Nye a n-gun Yehowa e, ngai nang hpe tsawra nga nngai.

SHAKAWN KUNGDAWN 28:1

Yehowa e, nang hpe ngai jahtau nga nngai; Nye a lunghkrung e, na lahpang ai wa zawn hkum tai et: Nang atsin sha nga n yang gaw, nsung hku hta shang ai ni zawn, Ngai mung rai na rai nga nngai.

SHAKAWN KUNGDAWN 80:1

Sagu hpung hpe zawn, Yawsep amyu hpe woi wa ai, Israela hpe rem ai wa e, madat u; Hkerubim ntsa e dung ai wa e, dan pru rit.

Shawlumon A Mahkawn Ga 2:16

Ngai tsawra ai wa gaw, nye a rai nga ai, Ngai mung shi a rai nga nngai. Shi gaw hkalaw pan prang e sagu ni hpe shayaw nga ai.

Shawlumon A Mahkawn Ga 2:3

Ngai tsawra ai wa mahtang, maling e tu ai lwi dwi hpun zawn, Brang sek ni a ka-ang e, dan nga ai. Ngai gaw shi a shingnip kata e ngwipyaw let dung nga nna, De a asi gaw nye a n-gup hta dwi nga ai.

Shawlumon A Mahkawn Ga 5:10

Ngai tsawra ai wa gaw, hpraw ai hkyeng ai ningchya pru nna, Masha mun mi hta, dawnghkawn zawn rai nga ai.

Shawlumon A Mahkawn Ga 5:16

Shi a n-gup hta na ga dwi ga sau pru nga ai: Rai sa, shi gaw hkum ting tsawra mai nga ai. Yerusalem na shayi chyinghkawn ni e, Dai wa gaw, ngai tsawra ai wa, nye a kanawn wa, rai nga ai.

Shawlumon A Mahkawn Ga 5:8

Yerusalem a shayi chyinghkawn ni e, Ngai tsawra ai wa hpe nanhte mu hkrup yang, Ngai sumtsaw sumra hte machyi nga ai lam, shi hpe tsun shana ya mi, ngu nna ngai nanhte hpe htet da nngai law.

Shawlumon A Mahkawn Ga 6:2

Ngai tsawra ai wa gaw, shi a sun hta namsi sha nna, hka law pan di la na nga, Shi a sun hte, manam pyaw ai nampan lawk de, yu wa sai.

Shawlumon A Mahkawn Ga 6:3

Ngai tsawra ai wa gaw, nye a rai nga ai, ngai mung shi a rai nga nngai; Shi gaw hka law pan prang e shi a sagu ni hpe shayaw nga ai.

Shawlumon A Mahkawn Ga 8:13

Sun ni hta shanu nga ai num e, Kanawn manang ni na a nsen hpe madat la ma ai; Ngai mung na lu u ga.

ESAIA 13:20

Dai mare hta prat dingsa e galoi mung n dè nga nna, prat mi hte prat mi, kadai mung n shanu nga na masai: Arabi masha ni gaw dai dingsa hta sum n gap ai hte, sagu rem ai ni gaw tinang a sagu hpung ni hpe, dai yang hpum shangun sa na n rai.

ESAIA 26:9

shana e mung nye a myit masin nang hpe ala nga ai; gaja wa, nye a kraw lawang na wenyi hte, ngai nang hpe jau jau e tam na nngai: kaning rai nme law, ga ntsa e nang tara dara nga yang, mungkan ga na ni gaw dinghpring ai lam sharin la ma ai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 5:1

Ngai tsawra ai wa a tsabyi sun hpe lakap nna, tsawra ai wa hpe mahkawn mangoi ga, ngai mahkawn n-ga. Ngai tsawra ai wa gaw sau kawng e tsabyi sun langai mi lu ai:

YEREMIA 33:12

Bai, Zaw nawng zaw wa up ai Yehowa ning nga ai: Masha mung, yamnga mung n nga ai, shingran katsi ai, ndai shara hte de a mare ni yawng hta, sagu rem ni tinang a hpung ni hpe hpum shangun ai udat shara bai nga na ra ai.

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

YAWHAN 10:11

Ngai gaw sagu rem wa kaja rai nngai: sagu rem wa kaja gaw, sagu ni a matu tinang a asak nawng ya kau lu ai.

YAWHAN 21:17

Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

1 PETRU 1:8

Dai Yesu hpe nanhte n mu yu timung, tsawra nga manit dai; shi hpe garai n mada mu mu timung, shi hpe kamsham nga ai a gawp e, n dang tsun hkra dan hkung ai kabu gara ai hte nanhte kabu gara nga myit dai rai nna,

1 PETRU 2:7

Dai re ai majaw, nanhte kamsham ai ni a matu mara, dai gaw arawng rai nga malit dai: rai timung, n kam n sham ai ni a matu mara, “Wahpang gaw ai ni sai kau ai nlung gaw, Ningjut jahtum nlung tai sai rai nna,”

1 YAWHAN 2:19

Anhte kaw na shanhte pru ma timung, anhte hte nseng ga ai. Kaning rai nme law, anhte hte seng taw gaw shanhte anhte hte anga nga na mara ai: rai timung, shanhte nlang anhte hte n seng ga ai gaw dan wa u ga, shanhte pru wa ma ai.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.

RUHTA 2:21

Moba num Ruhta gaw, “dai wa mung, mam dan tawm ai du hkra, nye a ma ni hte kanawn wa u, nga ai,” ngu nna kamoi hpe tsun wu ai.