Shawlumon A Mahkawn Ga 1:4 - Jinghpaw Hanson Version Bible

⁴ Ngai hpe dun la e; nang hpang de anhte hprawng na ga ai: Hkawhkam wa gaw, shi yup gawk de ngai hpe jashawn timung, Na a majaw anhte kabu gara nna pyaw wa na ga ai; Na a sumtsaw sumra hpe tsabyi jahku hta grau shakawn na ga ai: gaja wa teng teng shanhte nang hpe tsawra nga ma ai.

Jinghpaw Common Language Bible 2009

⁴ Ngai hpe dun la e, an rau sha tsan tsan de hprawng ga; nye a hkawhkam tai nga u, na a gawk de ngai hpe woi shang wa rit. An rau sha kabu let pyaw nga ga; n dum mat hkra lu nang nna dut dang ai lam n nga ai sha tsaw ra nga ga. Numsha ni yawng nang hpe tsaw ra ai gaw mauhpa n rai nga a hka!

Shawlumon A Mahkawn Ga 1:4 ပူးပေါင်းရင်းမြစ်များ

SHAKAWN KUNGDAWN 111:4

Shi a mauhpa amu hpe matsing lu na matu, Shi gaw masat dingsat tawn da nu ai; Yehowa gaw matsan dum ai hte chyeju jaw na myit rawng nga ai.

SHAKAWN KUNGDAWN 119:32

Nye a myit hpe nang hpaw ya ndai majaw, Nang htet da ai lam de, ngai gat nga nngai.

SHAKAWN KUNGDAWN 119:60

Na a sakse ga hpe hkan nang nga na, Ngai n ganung, alawan rai nga nngai.

SHAKAWN KUNGDAWN 149:2

Israela gaw shi a Hpan Wa Ningsang hta kabu nga nna, Ziun a kashu kasha ni shanhte a Hkawhkam hta, sharawng awng nga mu ga.

SHAKAWN KUNGDAWN 42:4

Kaning rai nme law, shawa masha ni hte ngai lung wa nna, Poi galaw ai hpawng hpe kabu ai nsen hte mahkawn mangoi let, Karai Kasang a nta de woi sa sa di de ai gaw, Ngai dum nga nna, nye a myit masin ngai hta kabrawng nga ai.

SHAKAWN KUNGDAWN 48:9

Karai Kasang e, na a Htingnu kata e, Na a chyeju hpe anhte dum nga saga ai.

SHAKAWN KUNGDAWN 63:5

Nye a yup ku hta e nang hpe dum nna, Shana na ladaw hta e nang hpe myit nga yang,

Shawlumon A Mahkawn Ga 3:4

Shanhte hte loi mi lai yang, Nye myit masin tsawra ai wa hpe ngai mu hkrup nngai: Ngai shi hpe jum shadang nna, nye nu a nta hte, Ngai hpe shangai chyinghkai ai gawk de, Garai n jashawn yang, n dat hkraw nngai.

Shawlumon A Mahkawn Ga 4:10

Ngai jan, nye num ningnan e, Na a tsawra ai gaw, gade pyaw nga a hka! Na a tsawra ai gaw, tsabyi hta grau kaja nga ai: Na a manam pyaw ai sau gaw, lawban amyu mahkra hta, grau kaja nga ai law.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 45:25

Israela kashu kasha ni yawng Yehowa a jaw e dinghpring ai hkrum nna, shakawn kungdawn nga na mara ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ESAIA 63:7

Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

YEREMIA 31:3

Yehowa gaw tsan tsan de na ngai kaw dan pru nna, Gaja wa, htani htana tsawra ai hte ngai nang hpe tsawra de ai; dai re ai majaw n-gaw nwai myit hte, ngai nang hpe dun la ni ai.

HOSEA 11:4

Masha hpe dun ga ai sumri ngu ai, tsawra ai sumri hte, ngai shanhte hpe dun nngai: kandang hpe yawn ya nna, shanhte hpe angwi sha ushat jaw ai wa zawn, ngai rai nga nngai.”

ZEHPANI 3:14

“Ziun shayi sha e, mahkawn mangoi u; Israela e, kabu jahtau u: Yerusalem shayi sha e, na a myit masin mahkra hte kabu gara nga nna, sharawng awng nga u.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MAHTE 25:10

Shanhte mari la na sa wa ai laman e, la nnan sa du wa ai hte, chyip chyip rai nga ai ni gaw, hkungran ai poi de shi hte rau shang lu ma ai rai nna, dai chyinghka la nga la ai.

LUKA 2:10

Dai majaw lamu kasa gaw, “Hkum hkrit myit; yu mu, masha nlang a matu nachying kabu gara mai ai shiga, ngai nanhte kaw gun sa ring ngai;

LUKA 22:19

Shaloi shi muk la nna shakawn ngut jang, dai hpe ahkyep alep nhtawm, shanhte hpe jaw let, “Ndai gaw nanhte a matu ya kau ai, nye a hkum rai nga li ai: ngai hpe adum nga na matu, ndai galaw mu,” ngu mu ai.

YAWHAN 12:32

Ngai chyawm gaw ga kaw nna sharawt tawn da ai hkrum jang, ngai masha yawng hpe, ngai hpang de gang la na we ai,” ngu nna htan mu ai.

YAWHAN 6:44

ngai hpe shangun dat ai nye Wa e lau la ai wa n rai yang gaw, kadai mung ngai hpang de du sa lu na n rai; du sa ai wa hpe mung, hpang jahtum na nhtoi hta ngai sharawt la na we ai.

EHPESU 2:6

Hkristu Yesu hta e anhte hpe chyeju jaw let, shi a nachying galu kaba htum ai chyeju hpe htawm hpang prat ni hta e madun dan nga u ga,

EHPESU 6:24

Anhte a Madu Yesu Hkristu hpe n sawt ai myit hte tsawra ai ni nlang hte hta, akyu ara rai nga u ga law.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

HEBRE 12:1

Ya ndai hte wa law la ai sakse ni gaw, anhte hpe sumwi zawn wang kawan da mi ai majaw, anhte mung, numdaw numdan re ai lit nlang hte hte, kap loi la ai yubak hpe kau da nna, makam masham a npawt nhpang hte jahkum shatsup ya ai wa Yesu hpe azi yu let, anhte gat na matu san da ai lam hpe shakut sharang rai, gat shadu wa ga:

1 PETRU 1:8

Dai Yesu hpe nanhte n mu yu timung, tsawra nga manit dai; shi hpe garai n mada mu mu timung, shi hpe kamsham nga ai a gawp e, n dang tsun hkra dan hkung ai kabu gara ai hte nanhte kabu gara nga myit dai rai nna,