SHARUNG SHAYAWT 4:9 - Jinghpaw Hanson Version Bible

⁹ Ri nhtu hte si ai ni gaw, kawsi hpang gara hte si ai ni hta, grau chyamai nga ma ai: Shanhte gaw, nsi naisi htum ai majaw, lasi lamun rai let nsa hkyet mat masai.

Jinghpaw Common Language Bible 2009

⁹ Hpyen majan hta si mat wa ai ni gaw lusha kyet nna angwi ngwi sha nsa hkyet mat wa ai hkrum let, si mat wa ai ni hta grau nna kaja nga ma ai.

SHARUNG SHAYAWT 4:9 ပူးပေါင်းရင်းမြစ်များ

2 HKAWHKAM 25:3

Shing rai shata mali a nhtoi jahku ya e mare kata e hku wa grai hku wa nna, mung masha ni a matu shahpa n nga nga ai.

PRU MAT 16:3

Shanhte gaw, “Egutu mung e shan di ni a makau e anhte dung nna hkru hkru kat kat muk sha lu nga yang, Yehowa a lata hte si mat yang grau mai ai: ndai shawa hpung ting hpe kawsi ai hte sat kau na, nga nna ndai nam mali de nan anhte hpe woi wa myit hka,” nga nna shan hpe tsun mu ai.

ESAIA 22:2

Jahtau marawn ai hte hpring nna, kaming kamawng let ngwipyaw dum ai mare e, nang hta hkala nba hkrum ai ni gaw, ri nhtu hte hkala nba hkrum ai n rai; na a si mang ni gaw, hpyen majan hta si ma ai n rai.

YEREMIA 16:4

Shanhte gaw ana amyu myu hte si na mara ai; shanhte hpe sharung shayawt na n rai, lup makoi na mung n rai; ga ntsa e namhpun zawn tai na mara ai: shanhte gaw nhtu tsin-yam, kawsi hpang gara ai hte htum mat nna, si mang ni gaw ntsa malen u ni hte pa ga na matse labye ni a shahpa tai na ra ai.

EZEKELA 24:23

Nanhte bunghkaw hkaw nna, kyepdin din na marin dai; hkrap ngu hkrap ngoi sharung shayawt lu na n rai; nanhte gaw tinang yubak majaw agyawm mat nna, langai hte langai madai shajang na marin dai.

EZEKELA 33:10

“Dai rai nna, masha kasha e, Israela dap hpe htawn tsun u: Nanhte gaw, ‘Ataw, anhte tara tawt lai ai hte yubak gaw, anhte a ntsa e mara nga nna, dai hta anhte gawng kya nga ga ai: dai rai yang, anhte kaning rai hkrung nga lu na ga ta?’ nga nna tsun myit dai.

EZEKELA 4:16

Bai shi gaw, “Masha kasha e, yu u, Yerusalem mare hta, muk ngu ai dawhkrawng hpe, ngai daw kau na nngai: mare masha ni gaw muk hpe shen nna, myit hkrit let sha na ma ai; ntsin hpe shadang nna, mak mat let lu na ma ai:

EZEKELA 7:15

Shinggan de ri nhtu, kata de ana zinli hte hku wa, rai nga ai; pa e nga ai wa gaw nhtu hte si na ra ai; mare kata e nga ai wa gaw, hku wa hte ana zinli e htum mat na ra ai.

JAW JAU 26:39

Nanhte hta naw ngam nga ai ni gaw nanhte hpe hpyen ai ni a mung e tinang a yubak hta yawm si ma na mara ai; tinang a kaji kawa ni a yubak majaw mung yawm si ma na mara ai.

TARA JAHPRANG 28:51

nang htum mat ai du hkra shanhte gaw na a yamnga, na a nsi naisi sha na mara ai; nang kaw jahten kau lu hkra, nai mam, tsabyi jahku, tsanlun sau, dumsu kasha hte sagu bainam kasha re ai ni hpe, na a matu tawn da ya na n rai.