SHARUNG SHAYAWT 4:8 - Jinghpaw Hanson Version Bible

⁸ Ya chyawm gaw shanhte nsam, nra hta grau chyang nga ai; mare lam ni hta kadai mung shanhte hpe n chye ma ai; Shanhte a hpyi nrut nra hta kap mat nna, dai gaw hpun zawn hkraw mat nga ai.

Jinghpaw Common Language Bible 2009

⁸ Ya chyawm gaw, shanhte a myi man nsam ni chyang mat nna nmaw lam hkan e kadai n chye ai sha si taw nga ma ai; shanhte a ahpyi ni gaw nrut nra ni a ntsa e kap mat nna dai gaw hpun hpyi zawn hkraw mat nga ai.

SHARUNG SHAYAWT 4:8 ပူးပေါင်းရင်းမြစ်များ

YOBA 19:20

Nye a hpyi shan nye a nrut nra ni hta kap mat nna, wa uji hte sha ngai lawt lu nngai.

YOBA 2:12

Shanhte gaw tsan tsan kaw nna shi hpe mu mada timung, shi hpe n chye mu ai majaw, shanhte nsen sharawt nna, hkrap ngu hkrap ngoi let, tinang hpun nba gang je kau ai hte, tinang a baw hta hkrat bun hkra, ga nhpu lamu de agat shalun ma ai.

YOBA 30:30

Nye hkum hpyi chyang mat ai hte hkai mat nna, nye nrut nra ni kahtet ai hte hkat krawp mat nga ai.

YOBA 33:21

Shi a hkum shan gaw n kap mat hkra lasi mat nna, n dawng yu ai nrut nra ni, ya dawng pru nga ai.

SHAKAWN KUNGDAWN 102:11

Nye a nhtoi ni mat wa ai shingnip zawn rai nga nna, Tsingdu zawn ngai nyip mat nga nngai.

SHAKAWN KUNGDAWN 119:83

Wan nhkut hta garau ai shanhpyi htingpa zawn, ngai tai mat nngai rai timung, Na a ga madat hpe ngai n malap kau nngai.

SHAKAWN KUNGDAWN 32:4

Na a lata gaw shani shana nye a ntsa e a li nga nna, Nye a salat, nlum ta hta na hkraw hkun ai hte galai mat sai. [Selah.]

SHAKAWN KUNGDAWN 38:3

Na a sindawng kahtet ai majaw, nye a hkum shan hkam kaja nga ai n rai, Nye a yubak majaw, nye a nrut nra ni masa nga ma ai n rai.

ESAIA 52:14

Na a lam masha law law wa mau mahka nga ma ai: shi a myi man gaw masha a myi man hta, shi a gawng shing-yan gaw shinggyim masha ni a hkumhkrang hta, ahpraw nsam grau hten wa ai;

SHARUNG SHAYAWT 5:10

Grai kawsi kyet kahtet ai majaw, anhte a hpyi wan htung zawn, chyang mat sai.

YOELA 2:6

Shanhte a man e masha amyu ni myit htum mat nna, myi man yawng chyang mat nga ai.

NAHUM 2:10

Mare daju gaw hpa n rawng ai, akrin akraw, asan awan rai nga ai: shi a minla byaw mat nna, lahput gari ahkawk ai hte, nshang yawng gawng kya nna, myi man nlang hkrit ai hte chyang mat ma ai.

LUKA 10:11

Anhte a lagaw hta kap ai nanhte a mare na ga nhpu pyi, nanhte hpe deng na maga de anhte katsut kau da ga ai: rai timung, Karai Kasang a mungdan gaw ani sha du ra ai hpe, chye nga mu, ngu nna tsun da mu.