SHARUNG SHAYAWT 4:7 - Jinghpaw Hanson Version Bible

⁷ Shi a arawng lu ai ni gaw, hkyen hta grau san pra nna, nga chyu hta grau hpraw nga ma ai; Shanhte a hkum shan gaw, lung hkyeng hta grau hkyeng nna, de a ningja nila lungseng hte bung nga ai.

Jinghpaw Common Language Bible 2009

⁷ Anhte a hkawhkam shadang sha ni gaw matsat shabat awu asin n re ai sha hkyen zawn san seng nna; wa-ngan marai hte n-gun ja nhtawm shanhte hta hkam kaja ningchya rawng nga ma ai.

SHARUNG SHAYAWT 4:7 ပူးပေါင်းရင်းမြစ်များ

YOBA 28:16

Uhpira ja jet, reng htum ai unuk lungseng hte mung, nila lungseng hte mung, dai hpe mari lu ai, n rai.

YOBA 28:18

Danda hte pale hpa tsun shara n nga ai; hpaji gaw lungseng hkyeng hte grau hpu nga ai.

SHAKAWN KUNGDAWN 144:12

Anhte a shadang sha ni, brang ram ai aten e, nampan zawn kaba wa nna, Anhte a shayi sha ni, htingnu a kasi hkan nna, Tawk ka ai njut shadaw zawn, rai nga ma yang:

SHAKAWN KUNGDAWN 51:7

Husup hte ngai hpe jaseng ya nna, ngai san wa na nngai. Ngai hpe kashin ya nna, hkyen hta grau ngai hpraw wa na nngai.

PRU MAT 24:10

shanhte gaw Israela a Karai Kasang hpe mu ma ai; shi a lagaw npu e, sahpira lungseng zawn htoi ala ai hte lamu san kabrim ai zawn re ai nep nga ai.

Shawlumon A Mahkawn Ga 5:10

Ngai tsawra ai wa gaw, hpraw ai hkyeng ai ningchya pru nna, Masha mun mi hta, dawnghkawn zawn rai nga ai.

Shawlumon A Mahkawn Ga 5:15

Shi a lagaw, ja jet machyaw hta shadun ai, lunghpraw shadaw hte bung nga ai; Shi a arawng, Lebanon bum hte arit hpun zawn dan hkung nga ai.

Daniela 1:15

Ya nhtoi shi ya lai yang, shanhte a myi man gaw, hkawhkam a sha ku na shat sha ai shabrang ni a myi man hta, grau tsawm nna hpum nga malu ai.

LUKA 1:15

Kaning rai nme law, shi gaw dai Madu a man e galu kaba wa na ra ai; tsabyi hte chyaru shi lu na n rai; kanu a hkritung nna pyi, Chyoi pra ai Wenyi hte hpring na ra ai.

TARA AGYI 13:5

nang na-um nasin rai nna, shadang sha shangai na rin dai; ma dai gaw hkritung kaw nna Karai Kasang a Naziri masha rai na ra ai majaw shi a baw doi ya lu na n rai; shi gaw Israela hpe Hpilisti masha ni a lata na hkye la hpang na ra ai” ngu nna tsun wu ai.

TARA AGYI 13:7

rai timung shi gaw, ‘Yu u, nang na-um nasin rai nna, shadang sha shangai na rin dai: dai rai nna, tsabyi hkum lu et, chyaru mung hkum lu et: n san n seng ai baw hpa mung hkum sha et; ma dai gaw hkritung kaw nna si ai shani du hkra, Karai Kasang a Naziri masha rai na ra ai,” nga nna ngai e tsun ai.

TARA AGYI 16:17

Dai rai nna, shi a myit hta rawng marawng tsun dan wu ai gaw, “Ngai gaw nu a hkritung kaw nna, Karai Kasang a Naziri masha rai nngai majaw, nye a kara kalang mi muk garai n doi yu ai: nye a kara doi kau jang, ngai n-gun daw nna gawng kya ai hte masha gale zawn rai na ring ngai,” ngu nna shi hpe tsun dan wu ai.

1 SAMUELA 16:12

Shing rai shi hpe shaga wa ma ai. Shi gaw myi man hkyeng nna, ahpraw tsawm ai hte hkumhkrang hking ai wa rai nga ai. Yehowa mung, “Ndai wa re ai; rawt nna shi hpe namman chya u,” ngu wu ai.