SHARUNG SHAYAWT 4:2 - Jinghpaw Hanson Version Bible

² Jet htum ai ja hte bung ai, hpu la ai Ziun a shadang sha ni hpe, Di bu sama a lata hte galaw ai ga dibu zawn, kaning rai nawn da wu hka.

Jinghpaw Common Language Bible 2009

² Ziun a shabrang ni gaw ja zawn manu dan ma ai, rai ti mung, ya chyawm gaw shanhte ni yawng ga di bu ni hpe zawn di kau hkrum nga manu ai.

SHARUNG SHAYAWT 4:2 ပူးပေါင်းရင်းမြစ်များ

ESAIA 30:14

Di bu ga mat ai zawn, matsan n dum ai, shi dai hpe ga kau na ra ai; shing rai, wan n-ga hta na matu mung, ntsin ja na matu mung, di hkyep mi pyi n ngam nga na ra ai,” nga ai.

ESAIA 51:18

Shi shaprat ai kashu kasha ni mahkra hta na, shi hpe lam madun ai wa langai mi n nga ai: shi kaba wa shangun ai shadang sha ni mahkra hta na, shi hpe dun la ai wa langai mi n nga ai.

YEREMIA 19:1

Shaloi Yehowa gaw, Di bu sama a namtau langai mi sa mari la nhtawm, mung masha ni a salang nkau mi hte, hkinjawng ni a salang nkau mi hte hpawn, Harsit chyinghka makau e nga ai, Hinom kasha a kadit de sa nna, ngai nang hpe tsun dan na ra ai ga hpe, dai yang e htawn tsun u.

YEREMIA 22:28

Ndai wa Hkonia gaw, n gawn n sawn agrawp kau ai di zawn, rai nga a ni? Kadai n ra ai hka wan zawn, rai nga a ni? Shi hte hpawn, shi a kashu kasha ni hpe, hpa majaw shaden kau nna, shanhte n chye ai mung de kabai kau ai hkrum ma ta?

SHARUNG SHAYAWT 2:21

Dingla ni hte ma ni gaw, mare lam ni hta kadawng taw ma ai; Nye a shabrang ni hte mahkawn ni gaw, nhtu hte si ma masai; Nang pawt bu ai shani hta, nang shanhte hpe matsan n dum ai, kahtam sat kau manu ai.

SHARUNG SHAYAWT 5:12

Du ni hpe, tinang a lata hte noi da mu ai; Salang ni hpe hkungga ma ai, n rai.

HOSEA 8:8

Israela gaw gamaw kau ai hkrum nga ai: ya shanhte gaw masha amyu ni hta, kadai n ra ai hka wan zawn rai nga ma ai.

ZEHKARIA 9:13

Kaning rai nme law, Yuda hpe ndan zawn ngai shachyen nna, Ehprim gaw de a pala rai nga ai; Ziun e, na a shadang sha ni, Heleni masha ni hpe gasat na matu, ngai shadut nna, nang hpe share wa nhtu zawn, shatai na nngai.

2 KORINHTU 4:7

Rai timung, dai chyahtum chyalai re ai n-gun atsam gaw anhte kaw na n re ai sha, Karai Kasang kaw na pru nga u ga she, ndai sutgan gaw, ga dibu hta sha anhte rawng da gaw ai.

2 TIMOHTI 2:20

Dai hta n-ga, galu kaba ai nta hta, ja wan gumhpraw wan sha, nga ai n rai; hpun hte ga kagam wan mung lawm nga ai; nkau mi gaw arawng a matu, nkau mi gaw arawng a matu n rai.